تعالوا نشوف ايه المشاكل اللى ممكن نقابلها لو فكرنا نشتغل

انا اشتغل مع دراستي والمنزل.
المسأله أصعب مما ممكن تتوقعي ولولا اني بحاجة العمل كخبره في مجال دراستي كان طنشت وقضيت هالوقت الفاضي اما فر شوية راحه او في الدراسه.
يعني فعلا مرهقه للجسد جدا وبالنسبه للتوفيق مابين البيت والدراسه والعمل وصحتك.. مابعرف اذا في توفيق عام لكن لابد مايكون شي على حساب شي وصعب انك توفقي 100%
بنفس الوقت بعتقد انها فرصه لاتعوض يعني اللي الواحد بيكتسبه في العمل غير عن اللي بيكسبه في الدراسه او في الحياة العامه

صح ماني متزوجه بس اهلي عندهم لسته طويله بالشغلات اللي ممنوع اشتغلها ولوين مالقيت شغل يناسبني ماكان امر سهل. بس الحمد الله تيسرت
بس غالبا لو معاكي لغه كويسه ومحادثه قويه اقترح الوظائف المكتبيه اذا حصلتي بتكون وظيفه جدا راقيه وبعيده عن الاحتكاك في الناس.


العمل من المنزل ممكن كمان بعرف كتير ناس بيشتغلو بتعبئة الظروف
stuffing envelopes
وطريقتها انه بيحطو عندك مثلا خمسين الف ظرف وخمسين الف فلاير وانتي لازم تحطي كل فلاير في ظرف..الخ
الحلو فيها انها على قد ماسويتي راح تكسبي يعني سويتي الف ظرف بيدفعولك على الف ظرف وهكذا
السيء فيها انه في كثير شركات نصابه وبدك تنتبهي مع مين تتعاملي

ايضا اقتراح تاني للعمل من المنزل هو الدروس الخصوصيه
مثلا لو كنتي قويه بالرياضيات او الكيميا والفيزيا تقدري تطلعي على المناهج لطلاب الثانوي وتحطي اعلان عن دروس خصوصي وتدرسي طلاب في بيتك وفيكي تحددي مين تدرسي
الدروس الخصوصي من الشغلات اللي بتكسب كتير بكندا لأنه اقل شي بيدفعو 15 دولار عالساعه لو كنتي شاطره في شغلتك

شغله تانيه ممكن تفتحي داي كير في بيتك بعد ماترتبي امور بيتك بحيث يصير مساعد لهالشي وتحطي اعلان. بس انا شخصيا بشوف انها شغله جدا مرهقه وماراح تربحك كتير لو مامعك شهاده في رياض الاطفال.

شغله تانيه من البيت في مواقع بتطلب منك تكتبي شغلات عالكومبيوتر بس يتطلب انه تكوني سريعه بالطباعه لأنه راح يطلبو منك كتير طباعه


من الشغلات اللي هلأ منتشره عنا في الجامعه هي كتابة النوتات للطلاب المعاقين الهم عافينا. الطالب المعاق بيعطي شريط كاسيت والمفروض انك تلخصيه في نوته مكتوبه بس انا شفت انها جدا صعبه.


مابعرف انتي وين في كندا بس كون ميسساجا الان مليااااااااااانه عرب ومسلمين صار كتير من النساء يشتغلو في مجال الطبخ من المنزل ويتفقو مع شركات توصيل اكل catering وقت بيكون عندهم حفله او شي وبتربح منيح. او حتى مو شرط طبخ تقيل ممكن حلويات بقلاوه وهيك شي ومحلات الحلويات بتشتري منك طبعا مع فرضية انه زوجك ماعنده مانع


هي شوية اقتراحات اتمنى تكون فادتك شوي :)
بالتوفيق

شكرا حبيبتى رغد الحياة على هذه الاقتراحات المفيدة وربنا يكون معاكى فى الدراسة والعمل كمان ربنا يوفقك ان شاء الله
انا والحمد لله لاقيت شركة مقرها امريكا واشتغلت فيها من خلال البيت وهى فى مجال التسويق على النت
الشغلة ديه والحمد لله مسلية وممتعة وكمان بشتغلها من البيت ومكسبها جيد وربنا وفقنى والحمد لله بالذات انى متزوجة وعندى بنتين ومعى شهادة بكالوريوس ادارة اعمال ولو اشتغلت بدفع نصف المرتب فى حضانة الاولاد وغيرها

اكثر من سبعين مغتربة دخلت على الموضوع وما حد حط ولا كلمة ايه خلاص كلنا سلمنا بالامر الواقع وقعدنا فى البيت ولا خلاص طموحنا راح مع زحمة حياتنا اللى احنا فيها من ساعة ما نصحى من النوم حتى لما نجى نام

اللي صار معي إنه بعد شهرين من وصولي عرض علي أن أعمل فولنتير في إحدى المراكز العربية وبالفعل عملت فولنتير لمدة شهر وكنت رح أتوظف بعدها

لكن في نفس الفترة كانت بنتي بحاجة لي وصعب جداً إني أكمل ... فاعتذرت

بعد فترة صرت أدور على شغل مرة ثانية لكن مش بشكل جدي حتى ولو كان يجيني جواب ... وبعدين بطلت أقدم بالمرة ........ أشعر نفسي مش متشجعة كتير للشغل

اما بالنسبة لي ..فانا ساكنة في كندا و عندي اطفال اثنين و بحاجة لرعايتي و بنفس الوقت محتاجة لمورد مادي يساعدنا في المصاريف ..و انا لو اشتغلت و خليت اولادي في داي كير ...فراح ادفع يلي كسبته و يمكن اكثر مثل ما ذكروا الاخوات ...الفكرة الانسب هي العمل من المنزل ..و حاولت و بعدني احاول اني القى شغل من المنزل و ان شاء الله التوفيق للجميع
...حبيت اقول انه الافكار الي كاتبتها رغد الحياة ...جميلة جدا و عملية فعلا ..و ياريت كل من عنده فكرة يقولها حتى تكون الفائدة للجميع ...