تعالوا نضحك على جواﻻت زمن اول // توجهي للواحة الترفيهية

سﻻم ياحلوات
موضوعي ابغى اذكركم بمواقفنا اول ماطلعت اﻻجهزه الجديده وابغى تذكرون المواقف الطريفه الي عندكم

اذكر اول ماطلعوا الجواﻻت كنا نحس استخدامها مره صعب تخيلوا اول مااشترينا الجوال كل مابغينا نستخدم شي فيه نوديه للمحل ..يعني بضبط المنبه وﻻ اغير اللغه وﻻ النغمه...هههه فعﻻ شكلنا خورافي وحنا رايحين للمحل بنغير اللغه...
وتخيلوا كانوا بالديره اذا طفى شحنه يودونه للمحل مايدرون ليه طفى...المهم يقولهم مروني بعد ساعه اصلحه...بعد ساعه يشحنه وياخذ عشرة ريال الحراااامي
على اساس انه صلحه..

وفيه حرمه كبير وزوجها كانوا مايعرفون يقرأون ..تخيلوا اذا جتهم رساله راحوا طايرين للجيران علشان يقرأونها لهم

اذكر مره اختي هي اول من اشترى الفيصليه من جماعتنا وكان الكل منبهر من صور الخلفيات ﻻنها ملونه
وكل وحده تشوفه وتوريه الي جنبها ..ياحياة الشقى


اشتريت انا جوال وزوجي اشترى جوال...والناس طلعونا من المله.وتكلموا وهاوشوا.واعتبرونا فسقانين ونبي نقط فلوسنا
وﻻ المفروض جوال واحد للعائله كلها...
وهم نفسهم هالحين حتى شغالتهم معها جوال


يالله دوركم اسدحوا مواقفكم وانا اذا تذكرت شي سدحته