♥ تعالوا نعشق قلوبنا ♥

تعرفون بنات..
احس انه ضيقة الصدر نوع من الادمان..شي اذا دخل بروتين حياتنا نلقى نفسنا نقضي اغلب وقتنا فيه..

تعالوو افهمكم اكثر..انا مريت بظروف وتألمت لسنوات عده..وهالظروف راحت..ولاني اقرا في التنمية كثير تطورت عن قبل في النظر للظروف..ولكن الشي..اللي لفتني من مدة انه فيه حزن جواتي يطلع لي فجأة ..يخليني اقضي مدة من يومي فيه..يعني مايمر يوم بدون مااجد شي يضيق الصدر..وتأكدت انه اي شعور تمارسينه بكثرة او اي عمل يصبح عادة حتى الحزن والتفكير السلبي يصبح عاااادة

يعني هالشي لفتني قبل كم يوم رغم اني اعتبر نفسي ايجابية..بس فعلا لاحظت انه الشي اللي يكدر نطول فيه اكثر من الشي اللي يفرح..وبالرغم اني اقدر اتجاوزه لاني اقرا في التنمية..بس يكون مثل فخ دائما اقع فيه لاشعوريا..واستوعبت لحظتها امه سنوات الالم اللي قضيتها صبغت شي في نفسيتي وخلقت عادة

الزبدة مثل ماقلت السالفة اذا عشتي فترة بحزن وضيق وتعودتي على هالمزاج بيصير عادة عندك او ادمان..

بجد يابنات ..احيان تصير بحياتنا مشكله عادية وكثرة التفكير بها تخلق عادة سلبية اللي هي نمط فكري سلبي والحزن ينمو ويكبر ويسوي فروع واغصان تعمي عن نظرك الحياة الحلوة..كثير جاها اكتئاب ومرض نفسي او عقده بالحياة من موقف صغيييييير... يعني صح ممكن كان يحزن ويؤلم ولكن كثرة تفكيرها فيه وطول المده اللي عاشتها تتألم فيه خلتها شخص حزين ..وكئيب كول مدة الحزن خطر..

يعني الحزن شعور انساني ونحتاجه نعبر.. والرسول ذكر في الحديث عند االفقد لفظة «وانا لمحزونون» يعني نحزن مو مشكلة ولكن طول الحزن هو المشكله لانه بيكبر ويصير عادة .. يعني اذا مريتي بصعوبة احزني وابكي البكاء علاج ويطلع مافي القلب فترة محدده ووقفي يعني اخرجي من الحالة اكتبي مشاعرك عودي لنمط حياتك العادي لاتستسلمي للحزن علشان مايصبح عادة..


ايش الحل..

اول بذور الحل هو الانتباة لانه فعلا الشي اللي يكون في يومك او روتين حياتك دائما تحسينه عادي وتعتادين عليه نادرا ماتقولين ايوة صح السالفة زادت عن حدها ليه دايم للحزن مجال في يومي وكل يوم انا كذا..له نصيب من وقتي وماسويت شي لعلاجه ..هذا ابدا ابدا مو طبيعي..انه يستمر

اذا تعودتي على نمط فكري معين بتصيرين تفكرين فيه لا اراديا..اذن كان هذا الحزن عاده لا ارادية انظر بها لكل شي حولي..سواء دايم اقارن نفسي بالاحسن مني او اشوف اني ناقصة او فاشلة او تحطم بسرعة يصير خلاص لاشعوريا هذا نمطي الفكري...مثل نظارة شمسية تخلي الحياة فيها رمادية عن لونها الطبيعي صار هذا نمطي في الرؤية والتفكير لاشعوريا اذا فكرت اكون لابسة هالنظارة

لازم ابدله بنمط ايجابي..واخلع النظارة الرمادية يعني زي ما صار الحزن عادة او نمط التفكير السلبي عادة نقدر نخلق عادة جديدة وهي التفكير الإيجابي ..يعني في البداية يكون بقصد منك ان تحولين اي فكرة سلبية لايجابيه مع بيكون عادة وممتاز هذا هو هدفنا ..مانبغى نحزن ويكون الضيق جزء من حياتنا ومانشوف الا هو نبغى عادة جديدة تخلي حياتنا احلى..

كيف ابدا بداية جديدة اكون واعية لافكاري اذا جاتني فكرة تحبيط مثلا انا فاشلة اقلبها ايجابية لا ماني فاشلة واتذكر جوانب حياتي اللي نجحت فيها مهما كانت اذا انت طالبة تذكري انك تنجحين بالدراسة مانت غبية واذا امت ام تذكري انك نجحتي في تربيتك..واذا امت مبدعه او مصممة او رسامة تذكري انك تنحجين في هذا المجال واحسن من ملايين غيرك..دائما اكسري افكار التحبيط...

اذا فكرتي بشعور حسرة والم زي ماقلنا لاتستسلمين له قولي الحمدلله ربي انعم علي بصحة او بصحبة حلوة او اهل رائعين او نك عندك بصر وتقرين هالكلام والاهم عندك نعمة الاسلام ...كل هذا علشان ماستسلم للنمط السلبي ويكون عادة عندي ويكبر ويطول ..

اذا متعودة اسمع اناشيد حزينة او البعض يسمع اغاني حزينة اوقف..ليه الغم هذي تلعب بنفسيتك تزيد الغم..فكري فيها ليه اضيع لحظة من عمري بكدر..ممكن بهذي اللحظة اروح اعمل لي كوب كابيتشينو واروق على موقع حلوو او اجلس جلسة حلوة مع اهلي جمعة وحلا..مو بس الاناشيد الحزينة حتى الحالات او الهواجيس اللي تخطر لنا ليه نستسلم لها ..ليه مانكسرها ونقوم نسوي شي نحبه نهديه نفسنا

واهم شي اكون صديقة قلبي ..

كيف يعني اكون صديقة قلبي احرص عليه ودائما اقول الا قلبي مااضايقه واتنفس بعمق واسوي شي يسعده لو اعامله كانه طفل يحتاج ارضيه وابعد عن الشر والكدر والضيق..فعلا الا قلبي ماازعله..اعتبريه شي غالي ثمين قدريه جدا

من جد يمكن تاخذنا الحياة ومانحس ومانستوعب ظلمنا لانفسنا الا اذا جانا مرض لاسمح الله من كثر الضيق وكل امراض الظغط والسكر والقلب اساسها شي نفسي والحزن والتوتر يلعب دور كبير فيها..

وبس هذا شي خطر لي وحبيت اشارككم فيه..