بسم الله نبدأ
هيا مو أسرار بالضبط هيا تجارب جربتها و أستفدت منها كثير
أول شي البشره
إذا حابه بشرتك تكون ناعمه مثل البيبي
بعد ما تخلصي دوشك اليومي جهزي كريم مرطب إي نوع تحبيه و يناسبك
مو كريمات النهار و الليل لا
كريم عادي مرطب و أخلطي معه زيت جونسون
و بس تجففي جسمك بعد الدوش رطبي فيه
كمان للشعر
شعر حرير و لمعان و كثافه و مظهر صحي كثير
أعمل الطريقه مره كل عشر أيام
أعملي كريم لشعرك إي نوع يناسبك مو زيت لا
كريم مرطب للشعر و أخلطي معه ملعقة مايونيز و أفرديها على شعرك
و ألبسي قبعه بلاستيك الخاصه بالشعر و خليها ساعه بعدها
أغسليها بالشامبو أكثر من مره و بس تطلعي من الحمام و شعرك رطب
رشي عليه خمريه الخاصه بالشعر و بخري شعرك
كمان لما تعملي بوديكير ليدينك و رجولك أضيفي للمويه و الملح
عصير ليمون
كمان لأسنان أطفالك فرغي المعجون بعلبه و أضيفي معاه نشاء ذره
النتيجه أسنان أطفالك بيضاء مثل حبات الولو
كمان لما يكون عندك ملابس مبقعه أضيفي لها مع صابون الغسيل
صابون لوكس مبروش و تمتعي بملابس نظيفه و ألوان زاهيه و رائحه حلوه
كمان لما تبخري بيتك لا تستخدمي المبخره الكهربائية و لا الفحم سريع الأشتعال
لأنه يخرب رائحة العود و البخور الأصليه
أستخدمي الفحم الخاص بالشواء و تطلع لك رائحه أجمل منها مافي
كمان إذا عندك أطفال يلبسو حفاظ
و أنتو بكرامه و تجمعو البامبرز في سله بالحمام
و تقرفو من الروائح الحل الأن في سلال خاصه للبامبرز
ما تطلع الرائحه و تلاقوها بكل محلات مستلزمات الأطفال الرضع
لكن هذا مو معناته تجمعو فيها يوم كامل لازم تتفرغ و تتنظف يومياً
كمان للفرن
قبل كان عندي فرن غاز و عيون الفرن ذهبية و مع الأستخدام تغير اللون
و صار فضي و قد أيش أتعب و أنا أفرك
فيها ما يطلع اللون الذهبي مافي منتج تنظيف ما جربته
حتى قالت لي وحده أنظفها بشطة كريستال أو رنا الشطه الحمراء القديمه
و كانت النتيجه صادمه الفرن رجع لونه وكأنه جديد !!!
كمان من أسراري أضيف للعصائر شوية حليب طازج يمي كثير يطلع
لذيذ و مغذي
هذا ما في جعبتي الأن أن تذكرت حاجه
برجع أضيفها 🌹
بسم الله نبدأ
هيا مو أسرار بالضبط هيا تجارب جربتها و أستفدت منها كثير
أول شي البشره...
اسرار ولا اروع