تعالوا واسوني بحاجة لكم جعلكم للفردوس الاعلى

السلام عليكم
بنات الله يسعدكم طمنوني لو بالدعاء لي م قلب انا جدا نفسيتي زفت انا لي شهور تعبت م حبوب مانع واحس ارهقني وتركتهم لمانع طبيعي المهم ماكنت متوقعه الحمل ولامفكره فيه صحيح اني احب الاطفال لكن قلت ودي اريح الين تكبر بنتي وغير كذا جربت حملين ورى بعض متعب والحين بنتي عمرها سنتين وشهرين فتآخرت الدوره ولاحطيت بالي الحمل ابد المهم حصل الحمل نفسيتي مره تعبت بس ابكي واناظر الحريم اللي تعرف تنظم الحمل أهنئها وأقول يلتني مثلها بصراحه تعبت م المقارنه مع اني احب الحمل واعرف انه نعمه الحمدلله لكن ودي ربي يريح نفسيتي واتهئ له مثل حملي قبل مع اني حملت ورى بعض وكانت نفسيتي حلوه ومتهئ للحمل اما الحين احس زفت نفسيتي وبس ابكي وتجيني ضيقة صدر بس اكلم اهلي واصيح وتجيني أوقات اقول يلتني اموت وارتاح ويرحمني ربي وأهملت نفسي وبيتي واطفالي وبس اكل وانام وكرهت جاراتي ومابي أقابل حريم مايعرفون حملي عشان افضفض غير اكلم خواتي يريحوني والمشكله اني بغربه ماعندي اهلي 😭😭😭
والله ي بنات فيني اكتئاب يختفي وقت ويجيني وقت ورحت سافرت لاهلي جلست اسبوع وريحوني وارتحت ثم رجعت لبيتي اخذت آيام ورجعت لي وكرهت بيتي وكرهت كل شى حلو بالحياة وكرهت حتى اطفالي وزوجي مليت م الدنيا اللي احس مافيها راحه بنات تمر علي أوقات تعرفون اللي خلاص كارهه كل شى بالحياه حلو حتى اطفالي كرهتهم كرهت كل شى كنت احبه احس فيني اكتئاب قوي ماقد حسّيت مثله
والله ضايقه فيني احيانا أفكر اهج م بيتي وأكلم اخواتي ينصحوني وارتاح والله جربت حملين بس ماجاني مثل هذا مادري وش منه وأقدر أتعالج منه تكفون عطوني نصيحه او علاج اقدر اكله يهديني والله اكتب وانا ابكي خانقني بصدري يارب ارحمني وارحم ضعفي وارحم اطفالي اللي بحاجه لي واهملتهم ادعولي بنات ربي يشفيني وارتاح وأقوم باطفالي دخلت تحفيظ العصر انا والاطفال والحمدلله احس العصر مره ارتاح بالتحفيظ لكن بمجرد مارجع يجيني واكثر مايجيني. اول ماصحى م النوم احس يخنقني مادري وش اسوي والله طفشت غربة وحالي يعلم فيه الله ادعولي