تعالوا واسوني جنيني نزل وهل فيه داعي لعملية التنظيف

ياحبيبتي الله يخلف عليك بأحسن0أنا لي أقل من الشهر مسقطه بس أحتجت لتنظيف لأن الجنين مانزل بس والله التنظيف متعب الله يعظم الأجر0المره الي سقطت قبل ماحتجت الحمد لله تنظيف لأني نزفت واجد كنت حامل بشهرين زيك يعني وفي كل الحالتين يبيلك تعتني بنفسك زي النفاس اذا قدرتي يعني تتغذي مضبوط أهم شي0000أنا عندي ترمس أحط فيه ملعقتين حلبه وملعقة شمر وفنجال قشر قهوه وملعقة ينسون وملعقة كراويه وقد قبضة اليد نعناع لأنه يخفف ريحة الحلبه 00أشربه على الأقل أسبوع0أرجو أني أفدتك

هلا اختي الغالية..

الله يصبرك ويعوض عليك ان شاءالله بحمل ثاني والله لا يعيد عليك مثل هالتجربة..

بالنسبة لعملية التنظيف فهذا يعتمد على جسمك.. يعني لازم تروحين المستشفى وتعملين سونار عشان تتأكدي ان الرحم نظف لوحده وان شاءالله ما تحتاجين لتنظيف.. وانا يا اختي مثلك توني اجهضت من 17 يوم وكان لي شهر ونصف حمل والحمدلله ما احتجت لعملية تنظيف..

انتي هدأي بالك واهتمي بأكلك وصحتك ولازم لازم تروحين المستشفى علشان السونار وان شاءالله ما فيك إلا الخير والصحة والسلامة.. وإذا كنتي ناوية تحملي مرة ثانية واصلي اخذ الفوليك اسيد حبة يوميا..

لا تحزني اختي واهتمي بحالك, ولا تجهدي جسمك لأنه الحين جسمك ضعيف ومحتاجة للراحة وللتغذية الجيدة ويا رب تبشرينا قريب بحملك.. ويالله لا تحرمينا من دعوتك بالذرية الصالحة..

الله يصبرك ويعوض عليك

فرح امها الله يجزاك خير حبيبتي على النصيحة والله يرزقك الخلف ان شاء تعالى
&&ورد البحرين&& مشكورة حبيبتي الله يجزاك الجنة ويعوضك بالاحسن ان شاء الله
عطيتك أغلى ماعندي جزاك الله خير حبيبتي الله لايحرمنا من دعواتكم

الله يعوضك بالخير
دنيا واخره