السلام عليكم ورحمة الله وبركاته
بدون مقدمات الموضوع باين من عنوانه >>> ماعندها وقت مستعجله وراها طبخ الغدى:22:
انا عارفه ان الفكره قديمه , وفيه اللي قالوا حطي شوي قرفه بكيس المكنسه وبعضهم قالوا قرنفل او عطري حوض المكنسه ..
وبالنسبه لي ما اشوف ان القرفه ريحتها عطره والقرنفل ريحته خايسه والعطور ماراح تثبت فتره طويله إلا اذا كانت من النوع الغالي وانا ما عندي استعداد اطيب مكنسه بشئ غالي بعد هذا اللي ناقص مابقى إلا المكانس نطيبهن :angry2:
المهم اذا تبون شوري شغلي المكنسه واشفطي بها شوي من صابون الوزير المبشور ( تقريباً ملئ الملعقه ) طبعا مايحتاج امدح ريحته خيال وتفوح بالبيت , واذا ما عندك مبشور ابشري من اللي عندك (( اقصد صابونة الوزير ))
طيب اللحين بعلمكم بسالفة اكتشافي الخطير >> ترى طالبه عليه برائة اختراع لا احد يسرقه هع :dozey:
انا من فتره شريت صابون الوزير مبشور , من كثر ما مدحوه البنات هنا قلت خل اجربه للملابس والمواعين , المهم قبل يومين بنتي الله يصلحها كبت الكيس قمت انا شلت اللي اقدر عليه ورجعته للكيس والباقي شفطته بالمكنسه , المهم من بكره شغلت المكنسه اكنس البيت واشم ذيك الريحه الخيال ( وانا في نفسي اقول وش هالريحه من وين جايه ) وبعد فترة من التتنيح تذكرت الصابون اللي شفطته امس , والله يابنات ان الريحه انتشرت بالبيت وحتى بعد ما طفيت المكنسه اشمها
الزبده ان هالصابون عطر لي المكنسه , وقررت اني كل ما فضيت كيس المكنسه اول شئ اسويه ان اول ما اشغلها اشفط بها شوي صابون وبكذا اضمن ان ريحتها تستمر عطره
حبيت أفيدكم واللي تجرب تعلمنا بالنتايج , واللي عجزانه تخلي ولدها يكب الصابون وهي تكنس :icon32:
ادري انكم دختوا من كثر الهذره >> احمدوا ربكم ان تنازلت عن مقدمة الموضوع وإلا كان علوم :unsure:
فتكوا بعافيه :icon35: