تعالوا وشوفوا شنو قالي الشيخ عن الحسد اللي فيني/ قديم

السلام عليكم

حبيت اقولكم عن معاناتي وحبيت افيدكم لاني احبكم في الله

طبعا انا كله احس بضيقه وحزن وخوف وووو الخ
المهم رحت حق شيخ فقالي انتي محسوده وعليج عيون قويه وفعلا انا حيل اموري معصلقه على قولتهم وين ما اطقها عويه وكل شي مسكر بويهي

المهم قلته شيخ والحل؟؟؟؟؟؟؟؟


عطاني عاد ايات وادعيه وقالي الاتي
تقريت هالايات والادعيه مرتين باليوم صباحا ومساءا
تقرين هالادعيه على ماي وتشربين منه باستمرار وبعد تطبخين فيه وايضا تتسبحين فيه وقالي عادي تتسبحين فيه بالحمام لاني سألته قلت عادي اتسبح بماي مقري بالحمام قالي عادي يجوز

المهم بقولكم الطريقه الشيخ قالي عقب ما تتسبحين وتخلصين عبي ماي من الحمام بحوض وبعدين ضيفي عليه ماي مقري بمقدار قلاص واتسبحي فيه وكذلك الطبخ ضيفي على ماي الطبخ مقدار قلاص من الماي المقري

عاد انا تدرون شنو سويت يبت الله يسلمكم مطاره كبيره وترستها ماي وقريت عليها وقمت استخدم هالماي للشرب وللسباحه وللطبخ وصدقوني الماي راح يطول عندكم لان السباحه والطبخ تاخذين منه بس قلاص واحد وتضيفينه مع الماي العادي
ملاحظه:قالي الشيخ مدت القرايه تبقى بالماي لمدة 40 يوم يعني بعد 40 يوم اذا ما خلص الماي اللي قريتوا عليه لازم تقرون عليه مره ثانيه بس طبعا اكيد بيخلص الماي بعد 40 يوم :)
انا خلصت الماي اللي عندي بمدة 10 ايام تقريبا
بس والله يا ناس وعن جد فعلا لاحظت الفرق انصحكم تطبقون اللي قلت لكم عليه وادعولي عاد
ملاحظه ثانيه قالي عنها الشيخ قالي وااااايد زين انج تنامين وتشغلين القرآن وانتي نايمه وخصوصا اللي شاك انه مسحور او محسود يحط شريط آيات السحر والحسد ويشغله واهوا نايم طبعا بتقولون ليش بس واحنا نايمين بقولكم عادي حتى وانتي قاعده بس لان الناس دايما مشغوله وما تسمع قرآن واهيا قاعده ودايما لاهيه بامور الدنيا فاذا ما قريتي قرآن او ما سمعتي قرآن وانتي قاعده شغليه وانتي نايمه عشان لو فيج شي من سحر او عين يروح باذن الله

ويييي خذتنا والسوالف ونسيت لا اقولكم عن الايات والادعيه اللي عطاني اياهم الشيخ وقالي اقريهم
1 الفاتحه
2 اول 5 ايات من البقر
3 اخر 3 ايات من البقره
3 اية الكرسي
5 الاخلاص
6 المعوذتين

وبالنسبه للادعيه:

1 بسم الله الذي لا يضر مع اسمه شيء في الارض ولا في السماء وهو السميع العليم(3 مرات)
2 اعوذ بكلمات الله التامات من شر ما خلق(3مرات)
3 اعوذ بكلمات الله التامات من غضبه وعقابه ومن شر عباده ومن همزات الشياطين وان يحضرون(3مرات)
4 لاحول ولا قوة الا بالله العلي العظيم(ماتيسر)
5 حسبي الله ونعم الوكيل (ماتيسر)
6 لا اله الا الله لا شريك له له الملك وله الحمد وهو على كل شي قدير(10مرات)
7 استغفر الله العظيم واتوب اليه(100مره)


ارجو من الكل يطبقها الايات والادعيه ما تاخذ منكم 10 دقايق او اقل بعد والله وكل وحده تعاني من الحسد راح تشوف الفرق وحتى اللي ما تعاني من شي تحصن عمرها من الحسد






ادعولي عاد بالعافيه والستر