تعالوا وعطوني رايكم هوولاانا؟؟؟

السلام عليكم ورحمه الله وبركاته ........بنات اول شي سالتكم بالله اللي تقرا تررد علي والله بااني محتاجه لردودكم
صارت لي قبل شوي مشكله مع زوجي كلمه يرفع الضغط قليله فيه
اختي دقت علي قالت بجيك انا وخالت زوجها استحيت وقلت لها الله يحيك لانها كلمتني وخالت زوجها وزوجها جنبها
مع العلم اختي ماشافتني لها 3شهوركنت عند اهلي زعلانه رماني عند اهلي ولا سل فيني وبعدين جا وانحلت المشكله ورجعت ومالي الحين ولا 8 ايام عنده
المهم نرجع لمشكله اليوم بعد ماكلمتني اختي دقيت عليه قلت له ان اختي دقت علي قالت بتجي هي وخالت زوجها واستحيت اصرفهم قال مالي صلاح دقي عليهم قوالي انزوجي معزوم عند خاله وان مايمديني قلت له صعبه كيف اقول وانا قلت الله يحيكم قال والله ماني جاي ولا بااجيب لك شي انتو عارفين تو رجعت من عند اهلي ولا قضيت للببييت وهو ماعنده فلوس
قلتله ماااقدر صعبه قال والله ياويلك اجي وهم بالبيبت وقفلنا هوومن جد ماعنده فلوس بس دايم وهو يستلف من عند ابوه يعني لوكانت اخته جايه ولااخوه كان تصرف ومااحرج نفسه وانا عادي يحرجني
بعد ماقفلت ارسلت له ع الواتس الله لايسامحك ع الموقف اللي حطيتني فيه
بعدين ارسلي اعلمك كيف باقي تحرجيني مره ثانيه انا ارسلته والله انت اللي احرجتني ورد علي ماراح اتكلم عشان ماتمسكين علي شي بس اوريك بالفعل اصلا انا عطيتك وجه انا ارسلته محد قالك تعطيني وجه ولاقلت لك راسلني كتبت له الله يهديك لنفسك بس رجع ارسلي الله يسمع منك خلاص لايكثر بس
بنات انا عطيتكم اللي صارربالتفصيل قوليلي وش رايكم وكيف اتصرف معاه انا غلطانه بشي ولاهو اللي غلطان والله مااقدر اكلم اي احد من اهلي اساله وانا توي جاي من عندهاعطوووني حل واذا كان هو اللي غلطان كيف اتصرف معاه
والله قلت لااختي اعذريني من جد البيت فاضي قالت ان بااجيب قهوتي والحلاوالعشا قلت لها خلاص لاتسسبين لي مشكله معاه وما جات ع ان هم قد طلعوا من البيت وووووووش اسووووي ابي احل يعرف فيه قدري وقدر ضيووفي والله لو من كان موو عشانها اختي اللي جايه انا انقهرت من اسلوبه معاي وتهديده لي ياللله ياحلوين كل وحده تحط نفسها بمحلي وتشوف وش بتسوووي