السلام عليكم يا اختي أسال الله يفرج همك ويصبرك ويجزيك خير لعى احتمالك ان شاءالله اختي لا تزعلين ولا تهتمين ترى فيه وايد حريم جذيه لما يكبرون تصير طباعيهم صعبة ويفرقون بين الأحفاد ويختلقون المشاكل بس نصيحة مني استحملوها ودايم تذكري انها مرة كبيرة وهذي صلة رحم وحبك لها واحتمالها فيه أجر ان شاء الله واسمعي من كلامها وقطيه في البحر ولا تبيين انك متضايقة منها وحاولي تكسبينها بالمعروف والاهتمام فيها ولا تدققين على كل شي تقوله وحتى اذا انقطعتوا عنها لأي ظرف مثل الامتحانات خليكم على اتصال فيها اسألوا عنها واطمنوا على أحوالها ولما تروحون لها خلي كل وحدة فيكم تسويلها طبق من الأكل اللي تحبه وتسوونه بايدكم حسسوها انكم تهتون فيها وعلطول ادعي من الله انه يصلح بينكم ويحنن قلبها عليكم ويسخرها لكم بالخير وكثروا من الدعاء وترديد أذكار الصبح والمساء ومن قراءة القرآن واذا المور ما انصلحت بينكم وسطوا أحد بينكم وبينها هي تحبه وتاخذ بكلامه وينبهها ان اللي هي قاعدة تسويه غلط بس ينبهها بالراحة مو بالنقد اللاذع . واله يصلح بيكمن ان شاء الله.عاد لا تنسينا من دعائك

الله يفرج همك من حيث لاتحتسبين ويفرحك قريب....اللهم آمين

يا أختي لاتقولين هي كذابه وهي كذا .. انا جدتي ام أمي
من بين خوالي محد واقف لها كثر أمي وتسبني أحيان
عادي .. اضحك وابوسها على راسها وابوس إيدها ..!!

لين متى بيعيشون لنا الكبار هذيلا بركه لو تدرين
وما ينزعل منهم بالمرررررره مهما يسوون لاتكبرين
الموضوع ولاتدققين على اللي تقوله

تلقينها تقول لبنات عمج نفس الكلام تذم فيهم وتمدح غيرهم

بعض الكبار ودهم يشوفون عيالهم وعيال عيالهم احسن الناس
عشان جذيه يدققون على كل شي.

والله انت مكبرة المسألة أختي يمكن هي ماتعرفش عن انكم محبوبات واجتماعيات
يمكن انتم مش بتتكلموا وتضحكوا وتدوها وش زي ما حسيت من كلامك
انك بتعتبري زيارتها عبء عليكم ونفسكم تمشوا لولا الوالد البار بأمه جزاه الله خيرا
أنا لا ألومك لازلتم صغار.....ولا تشعرون بالوحدة والكابة التي يعاني منها كبير السن
وودها لو تكلميها ألف كلمة
وفي النهاية كبار السن(لا أحب أن أقول عجائز) ما أحد يدقق أو يزعل من تصرفاتهم
لأنهم ضيقي الخلق بحكم السن
جزاك الله أختي كل الخير فأنا أتوسم بك الخير والطيبة لكنك حساسة مرة