ماروكو :

ياااااختي اغسلي ايديج من الجدات وكلامهن انا الحمدلله كانن جداتي طيبات ولكن الله توفاهن وانا صغيرة ولكن اسمع من البنات والصديقات معاملة جداتهن لهن في جدات تسب في شرف البنت تخيلي لانها تكره مطلقة ولدها اللي هي ام البنت وفي جدات يفشل البنات ويستعبدنهن لانه يربنهن بعد زواج الاب وطلاق الام في جدات كلامهن يسم البدن على قولتكن وتفشل جدام اللي يسوى واللي ما يسوى جدتج اهون والله على الاقل كلامها ماتجاوز الحدود يمكن هالكلام اللي تقوله من كرهها لأمكم وهالشي طبيعي ولايمكن حد من البنات او الحريم اللي يغارن منكن هن اللي يقولن هالكلام جدامها وهي بدورها تقوله لكن في النهاية ماعليج من اللي تقوله دخلي منا وطلعي منا ادري ان هالشي صعب ويعصب ويحرق الدم والقلب بس احسنلج طنشي قد ماتقدرين اصلا هي شو يدريها بصداقاتكم وتعاملكم مع الناس يعني الكلام اللي تقوله بس حرقة دم وتنغيص والبنات اصلا مب زين يترززن ويطلعن عند الناس بعد ما يكبرن حياء وثقل.. المفروض الحريم هن اللي يزورن البيوت ويشوفن البنات .. وبعد الصداقات ما تنقاس بالعدد ..

ياااااختي اغسلي ايديج من الجدات وكلامهن انا الحمدلله كانن جداتي طيبات ولكن الله توفاهن وانا...

أغلى وصال :

يا الغالية .. اللي قبلي من البنات ما شاء الله عليهم كفوا و وفوا .. بس أنا عندي زيادة غير : ليتك ما تقولين عن جدتك : كذابة ، أو جبارة ، أو تدعين بدعاء انتقام منها .. يا شيخة مو هذي أم أبوك ؟؟ أنت تحبين أبوك ؟ طيب من اللي جاء لك بأبوك على الدنيا بعد الله ؟ من اللي ربى أبوك و خلاه مسؤل و في مركز يليق به ؟؟ طبعاً جدتك .. و أنت قلت إنها كبيرة في السن .. خلاااااااااااااااااااااااااص العذر موجود لازم تأخذينها بالكلام الحلو .. و تعاملينها على قد سنها .. إذا صديقاتنا اللي بعمرنا إذا غلطوا علينا نلتمس لهم العذر .. فما بالك بجداتنا اللي أعمارهم كبيرة .. لا و بعد حنا من لحمهم و دمهم.. شلون ما نلتمس لهم العذر .. أدري إنك تأذيتي و جرحتك و قالت يمكن كلام مو موجود فيك و لا تتصفين به .. بس معليش يا الغالية .. لأجل وجه الله أخلصي في حبك لها و تحملي .. و تذكري لأجل عين تكرم مدينة .. لأجل أبوك يهون كل شيء .. الله يصلح الحال يا رب ..

يا الغالية .. اللي قبلي من البنات ما شاء الله عليهم كفوا و وفوا .. بس أنا عندي زيادة غير...

المحبه للوفاء :

عزيزتي متا كده أن غضبك على جدتك مو من قلبك لكن انت حاز فى خاطرك انك تحبينها وتبرينها وما تجدين المعامله الطيبه بالمقابل عزيزتي كبار السن مثل نبع الحسنات اخذي منه قد ماتقدرين وصدقيني لو يوم تعتبين على أحفادك بقسوه بيرد الله لك بمثل ما عاملتي جدتك لا تظنين أنى ماعرف شعور التفرقه واتكلم ويدي بالماء البارد بالعكس أحيانا جدتي تعلق وتقارن لكن ايش الحيله هي نورت حياتي اليوم يمكن بعد عمر طويل ماحصلها بكره واندم على قهري منها أو دعائي وتحسبي من عملها .. من كلامك ثقتك بنفسك أمام المجتمع كبيره فأنت محبوبه بشوشه وكثيره الصدقات وهذا ماجاء من فراغ لذلك خلي جدتك تتكلم وبداخلك ادعي لها بالهدايه الله يهديها ويهدي امة محمد أجمعين اللهم آمين والله يحفظك أنت وخواتك من القهر والظلم اللهم آمين

عزيزتي متا كده أن غضبك على جدتك مو من قلبك لكن انت حاز فى خاطرك انك تحبينها وتبرينها وما تجدين...