تعالوا يابنات نكتب المقالب الي سارت لنا في الغربة

أهلا وسهلاً بالجميع..
انا حااحكيلكم مقلب صار لصديقتي الي معايا هنا بأمريكا ..
كان يامكان في قديم الزمان كانت صديقتي بتكشن الملوخية الناشفة وكانت الله يستر عليها فاتحة كل شبابيك البيت علشان تهوي البيت من ريحة الملوخية الناشفة لانو ريحتها قوية وتمسك ماتخرج بسرعة ..
المهم ماأطول عليكم قام واحد من جيرانهم شم هذة الريحة وشك فيها واتصل على 911 وقالهم في شقة فلان في رايحة مخدرات طبعاً مافي خمس دقايق إلا الشرطة تدق الباب بقوة جوزها كان بيذاكر انفجع وراح فتح الباب الا رجال الشرطة دفوا ودخلوا البيت وصاحبتي قاعدة المسكينة تكمل طبختها وانتم عارفين انو البيوت هنا المطبخ في حلق الصالة وكانت بشعرها وبجسمها ما كانت تدري انو حيدخلوا عليها كدا زي القضاء المستعجل المهم ما عرفت ايش تساوي جريت على غرفة النوم وسكت الباب والشرطة شكوا فيها راوحو جري وراها وفتحوا الباب عليها وهيا في موقف لاتحسد علية المهم سحبها جوزها وخرجها للصالة وقعدها وقالتله كيف كدا ابغ اغطي شعري قلها اقعدي وبس قعدو رجال الشرطة يفتشوا وقلبوا البيت يدور على الشي الي ريحة قوية زي المخدرات وبعدين سالوها ايش كنتي بتساوي شي راحتة وصلت للشارع اشرتلهم على القدر راحوا وفتحوا القدر لقو الملوخية الناشفة ومعاها اوصال لحم طبعا الريحة غريبة عليهم وما كانو مصدقين انو هذا اكل بني ادمين ريحتة قوية وشكالو أسود ومقرف الله يكرم النعمة..
وبعد كل الدربكة الي سوها رجال الشرطة اتاسفوا وخرجوا وحلف جوز صاحبتي ماتعمل الملوخية بعد كدا..
الحمدالله ما احبها فعلشان كدا حارمة جوزي منها كل مرة اتحجج بشي بس الله يستر ماتطلع في راسة ويقلي اعملها ورطة :7_2_103v: ..
دمتم سالمين..
لولاتو2002