البنطلون له وقته.. وملابس المطبخ لها وقتها
يعني مستحييييل انك تطبخي وتنفخي وتحوسي في البيت بالجينز ! خيــــر ؟

لكن لما تخلصي طبخ وتاخذي شاور وتعطري البيت ممكن تلبسي الجينز وتجلسي معاه عالسفرة فيه وش المشكلة ؟

الوزن حاولي تخففيه وسوي رياضة تشد البطن ما تاخذ من وقتك شي ..

انسدحي على ظهرك وارفعي رجليك وضمي ركبك لصدرك .. سويها 20 مرة في اليوم ما تاخذ 10 دقايق.. ومفعولها سريع وواضح

اما الجينز فيه منه مقاسات ما يحتاج تلبسي ضيق

اكيد هو مضايقك لأنه مو على مقاسك .. اذا مقاسك كبير فيه محلات بلس سايز خاصة للاحجام الكبيرة

واذا مرررة مو مرتاحة اشتري جينز حق الحمل ..يجيك وااسع عند البطن .. وتصيري ارضيتي نفسك وزوجك

لما تلبسي شي حلوو مو عشان زوجك وبس حتى عشان نفسيتك وثقتك بنفسك ..مافي انثى ما تنبسط لما تشوف نفسها حلوة وزوجها يشوفها حلوة هذي غريزة بالكل

وكمان مثل ما تكشخي له اطلبي منه يكشخ لك وعلقي عليه زي ما يعلق عليه وقولي له ماراح اقوم ابدل الا اذا قمت انت .. ولاتفكري تكشخي له وهو بملابسه الداخليه البيضا ابداااااااا

زوجك على ماتعوديه .. وانتي عودتيه تكشخي وهو جالس بحوسته ..هالموضوع لازم يتغير.

المهم لا تتضايقي لأن زوجك لو ماكان يحبك ما طلب منك تلبسي اللي يحبه ويحب يشوفه عليك .. كان قال خليها بالطقااااق

وهذول اللي ما يهتمون بحالهم مع ان عندهم شغالات وهم جالسين اكل وشرب وبلع وتسدح هذول مو مثال تقتدي فيه .. هذول تلاقي زوجها قرفاااااااان منها حتى لو ما بين لها ..وتلاقيها ما قامت ولا قعدت عنده ولا جاب خبرها.

بس انتي احمدي ربك انه عندك اللي يحب يشوفك باجمل حالاتك وهذي نعمة


مجرد انك تعرفي مقاساتك الصحيحة بيتعدل امرك واحتسبي الاجر

سوي اللي يبغاه زوجك

يااقلبي شغل البيت مايخلص والله انا معك..
يشغل وينسيك نفسك صرااحه الي تبي تكشخ مرره لازم شغاله..
بس مو درجه قميص ...وعرق وموويه على ملابسك..صراحه انا وانا بنت اتقرف شلون زوجك!!
بعد ماتخلصين فطور خذي لك شوور سرريع وتعطري مو لازم تتكلفين اهم شي تكونين نظيفه
انا مخصصه لي لبس خاص للطبخ عشان ريحه الطبخ ماتجي بملابسي واذا خلصت على طول اغير
والجينز مرره مريح صراحه انا ماامل منهم تعجبني على جسمي متعوده ماالبس شي مايعجبني حتى لو للبيت
اذا جسمك مايساعد خذي وسيع او ملابس بيت نعومه ورخيصه عندك الهرم يمدحوونه ورخيص
مو لازم مره تكشخين اهم شي مرتبه ونظيفه..
شعرك جعديه بكريمات عشان مايخرب وسوي تسريحات نعووومه
حطي كحل كل يوووم... وتعطري..بس الاهمال هذا ماينفع بيضيع عمرك وانتي بالمطبخ

ياأختي ام ميار انا مااحب بناطيل الجنز بالرغم ان جسمي وسط وحلو ولسع عروس لكن احسها تكتمني وتشل رجولي عن الحركه وامووووت بشئ اسمه قمصان وهو زوجي يحب الجنز واخواته يلبسون عنده لكن عادي والله ماحركو فيني شعرة وحده
ياحبيبتي القمصان اختاري الحلوه الانثويه اللي تكون عريان وفصيره شوي تعطيكي لوك حلو وتكون الوانها حلوة
وبالنسبه للبناطيل الحين هابين الناس في بناطيل الاسترتش الضيقه وتكون عليها فساتين قصيره او بلايز عريضه طويله وبالعكس هي حلوة على الدبدوبه وتنحف وشعرك حاولي انك تسوينه كيرلي

حبيبتي في بناطيل قماش كريب مره جنان
و الجنز خذيه مقاسك
والارواب اشتري قطنية كت و ضيقة ع الركبة
وخلي الارواب الباقيه للشغل
ولما تتروشي بنسي شعرك كم ساعة
واستشوريه دقيقة بيصير رووووعه