تعالوا ياحوائات إسمعوا قصة حملي وساعدوني

كيفكم ياكروشااات .. مين مثلي .. باقي علي 3 أيام وأدخل الشهر التاسع
بعلمكم قصة حملي من بدايتها .. أنا حملت وأنا في غربه .. مامعي أحد من أهلي أبدا .. بس أنا وزوجي ندرس برا
من الشهر الأول وأنا بدأ عندي الوحم اللي تعبني .. ترجيع كل يوم .. وفي اليوم تقريبا من 7 إلى 8 مرات ..
تعبت حييل .. ودوم أروح المستشفى ويحطوا علي مغذي لأني ما أقدر آكل شي .. وكنت لو بس أشرب ماي أرجع على طوول ....
أنقضت الشهور الأولى من الحمل .. وكل شي كان تمام .. بس وزني ماكان يزيد .. من الشهر الأول .. صار ينقص .. نقصت 4 كيلو .. بس مع تطور الحمل .. رجع وزني مثل قبل وبدأ يزيد شوي ..
لما دخلت الشهر الثامن .. صارت مواعيدي كل أسبوع .. لإن الدكتوره تقول إن بطني مره صغير وخايفه إن الجنين مو قاعد ينمو .. وودتني أسوي أشعه صوتيه .. بس قالوا إن كل شي تمام .. بس الجنين وزنه ناقص شوي .. بس عادي .. لإني ضعيفه وحجمي صغير فالبيبي بيطلع علي >>>> هذا كلام الدكنوره
وأنا ألحين أسوي أشعه صوتيه كل أسبوع .. علشان يتطمنون عالبيبي .. هل يكبر ولا..
من بداية حملي للحين زاد وزني بس 5 كيلو .. وأنا ألحين باقي علي 3 أيام وأدخل التاسع .. والجنين وزنه 1 كيلو و 400 غرام .... هذا كان قبل 3 أسابيع .. وقال لي الدكتور إحتمال يولدوني قبل موعدي إذا ما زاد...
واليوم عندي موعد للأشعه .. وبنشوف إذا زاد وزن جنيني ولا نفسه ....
أنا بكريه .. ومره خايفه .. مامعي أحد من أهلي .. والترجيع للحين متواصل معاي .. ماوقف من بداية حملي
مررره تعبت .. ودي أخلص
بس عندي أسئله وجاوبوني عليها ......
إذا بولدوني قبل موعدي .. هل بطلق صناعي ولا عمليه قيصريه؟؟
تتوقعوا جنيني بعد ماأود بيكون بخير؟؟ يعني بيعيش؟؟
أتوقع بيخلوه كم يوم في الحضانه لنقص وزنه صح؟؟

موعدي بعد أربع ساعات من ألحين .. دعواتكم لي .. مرره خايفه
سوري إذا طولت عليكم بس خايفه وودي أحد يطمني .. أنا ماقلت لأحد من أهلي ولا أمي أي شي .. علشان لا يحاتوني
بس تعبت .. وودي أحد يساعدني ويطمني
:44: