تعالوا يالامهات جاوبوني عن شعوركم..

حبيباتي .. وخصوصا الامهات الله يحفظكم ويخلي لكم عيالكم..
انا انسانه مجنونه يهال اموووت بشي اسمه يهال.. ما تتخيلون شلون ..
والحمدلله ربي منعم علينا باليهال .. يعني مو تقولون مو شايفه يهال بالعكس كل خميس لما نتجمع تقولين حضانه ماشاءالله من كثر اليهال..
المشكله انه لما اطلع سوق او مطعم او اي مكان ماقدر ماشوف ياهل ما امسكه وابوسه .. واحاول دايم اني اذكر الله عشان ماخوف اهلهم ..
حلو ولا شين .. دب ولا ضعيف.. اسمر ولا ابيض.. ماتفرق عندي
وتلاقين شنطتي دايم مليان حلاو على طول اعطيهم .. الله يحفظهم لاهاليهم..
السؤال اللي يسدح نفسه :)
شنو شعورك كأم لما تكونين ماشيه في مكان عام وتجي وحده مثلي وتبوس ولدج ولا تحط ايده على راسه ولا تكلمه ولا اي شي.. بصراحه ؟؟؟ جاوبوني ..