شوفوا هو الرجال العربي متربي على الدلع و الاستعباد ( وذا غلطنا حنا يالحريم الي مربينهم هالشكل ) فعشان نصلح الغلط ناخذه بالطيب + نربي عيالنا على سنة محمد صلى الله عليه وسلم.. لو كان الشغل بالبيت عيب ما كان بأبي و أمي هو يحلب الشاه و يرتق ثوبه و يصلح نعله ! عليه أفضل الصلاة و أزكى التسليم

لكن وين حريم أول الجاهلات عن ذي التربية ؟
عذرا على كلمة جاهلات لكن من ربى هالشكل ماينقال له الا جاهل لو معاها شهادة !
يقولون نربيه على الخشونه عشان لا يصير مايع تقوم زوجته تطلع فوق راسه ! ياساتر من صغره ( يهندسونه ) على الأذية !
تعالي شوفي الإهمال ! نااااايم لا يصلي و لا يتحرك واذا قام ( زعق بصوت يجيب العلة ينادي اخته تسوي له شي ياكله .. وهي يا تلبي الطلب يا بتنضرب ! عشان هي الثانية يجهزونها لزوج المستقبل ! وهكذا دواليك يمشي المجتمع !

والله يوم شفتهم عند ناس اعرفهم ان جاني الغثيان ايامها !

لكن الأمل بجيل اليوم .. الأمهات الشابات .. أنهم يربون عيالهم على السنة المطهرة و الدين الحنيف و الإعتماد على النفس بحكم الثقافة الي عنهم .. حرام الله يعطيك ولد سليم بتربيتك له تطلعينه معوق و مكروه و يعيش مع وحدة تكرهه بسبب تصرفاته و ممكن تحول حياته جحيم ! وممكن تحدينها - وهي مسلمة - انها تفكر تسحره عشان على الاقل ترتاح شوي !


بالنسبة للأخت الي زوجها من إياهم .. أسأل الله العظيم ان يجعل جزاءك الجنة و الصبر هو افضل شي بمثل هذه الحالات .. وان شاء الله مأجورة كل الأجر يارب

أولا:
فهمي عيالك قبل لا يجي ابوهم ان ذا الشي غلط و حبيبنا محمد عليه الصلاة والسلام ما كان يسوي كذا لنه ذا شي عيب و غلط
واذا قالوا لك واش معنى بابا ؟
قولي لهم : بابا الله يهيديه شوي شوي حنا كلنا نعلمه هو مسكين مايعرف

وابدأي علميهم الإعتماد على النفس شوي شوي

مثلا في كل غرفة للأولاد و البنات سلتين سلة للملابس البيضاء و سلة للملابس الملونة و شرط يفتشون الجيوب و يقلوب الملابس و ينفضونها قبل لا يحطونها

والي مايسوي كذا لا تلفزيون ولا مصروف لمدة اسبوع <<<< لو تتهاونين معهم بيطلعون فوق راسك و بنفس الوقت الحنية مطلوبة بس مو بزيادة

وسلة صغيره للأشياء الصغيرة : شرايط - طواقي - سراويل صغيره ...إلخ
و الأشياء الي بالسلة الصغيرة هم مسؤلين عن تغسيلها <<< اذا كانوا كبار فوق ثمان سنوات


السرير يرتبونه بعد مايقومون وينفضونه زين
الجزم تتربت وتنحط جنب بعض بمكانها المخصص و تتنظف بالليل قبل المدرسة


اشتري غسالة مواعين تشيل عنك هم و الوجبات الثلاثة عليك و غيرها كل واحد مسؤل عن المواعين الي يستخدمها << وحدة قالت لي على الفكرة ودخلت مزاجي

روشيهم اول لين يحفظون طريقة الحمام ثم علميهم يتروشون يوميا قبل النوم و بعدها يحطون اللوشن و هذا كله مفروض ماياخذ نص ساعه بالضبط ثلث او ربع ساعة ترويش و عشر دقايق لبس و لوشن وحطي لهم مؤقت او ساعه واشري لهم على الوقت يوم يدق يطلعون ضروري <<< وخليكي صارمة جدا بحكاية الوقت ولا ترى الفاتورة بتطير عليكم ! + ياخذونها السالفة كلها مسخرة !

طبعا الترويش اليومي + اللوشن اليومي مهم جدا خصوصا مع جونا وكثرة الاتربة و الاوصاخ والجراثيم انتشار الاوبئة بين الناس والنزلات بين الاطفال و ضروري لصحة الجلد ونظافة الطفل

ويغسلون اسنانهم و ينامون الساعة 10 بالليل .. عارفة الكلام الي اقوله لك خيالي مع وجود اب لا يمثل سوى القدوة السيئة لكن شوي شوي و مثل ماقلت لك فهميهم ان بابا الي يسويه غلط و هم راح يوقفون معك و راح يسوون هالاشياء تلقائيا بدون اي تعب منك

شوي شوي ابدأي علميهيم خذيهم حبة حبة


هذا بالنسبة للأطفال شفتي لو سووا ذا كله كم بيطيح منك ؟ ترى بالخارج يسوون اكثر ولا يضرهم الاوائل ! بس كل شي حبه حبه و اهم شي يكونون مقتنعين ان الي يسوونه مو هم وغم على قلوبهم بالعكس كلنا نتساعد عشاننا اهل


بالنسببة للأكلات جيبي لك دفتر صغير واكتبي ايام الاسبوع كلها ( ولو مضغوطة الشهر كله صدقيني اريح لك ! ) وسوي منيو يعني قائمة طعام السبت وش بتاكلون الاحد ..إلخ
عشان شيين 1- انك تعرفين وش تحتاجين لما تروحين للسوبرماكرت وذا الشي يوفر كثييييييييييير
2- عشان تسوين بعض الاكلات وتفرزنينها ( تحطينها بالفريزر )


الله يعينك و يعينني و يساعدنا جميعا
عارفة انا انه تجي اوقات ودك ترمين نفسك من الشباك !

بس خليكي بالدعاء والاستغفار والتعوذ من شر العين ( بعض الناس بكل بجاحة تجيك بعز تعبك بدل ماتقول الله يعينك تعطيك عين ! عن نفسي ما آسامحهم وآخذ حقي يوم القيامة منهم كاني انسانه احاول اطبق سنة محمد عليه الصلاة والسلام ببيتي و هم والعياذ بالله مثل مراسيل ابليس :(

اااااااااااااااااااااااااااااااااااااااه على الشغالات


عند اهلي تعودنا على الشغااااااااااالات ودايم عندنا


يوم تزوجت وجبت ولدي قلت ليش مااااااااجيبها

المهم جتنا حمااااااتي وجلست بشقتي اسبوعين ومعاااااااااها شغالتها والشغاله اكيد حتنظف بالمطبخ

يااااااااااااااااااناس اسبوعين مطبخي رااح فيها هذا وانا اساااعدها كمان

الاكل خلص اللي يقعد عندي فتره راح فيها بيوم الموااااعين تحطها على كيفها الحمام مااتعرف تغسله مثل غسلي

تخيلوا اذا بغيت حاجه بالمطبخ اروح اسألها وين حطيتيه وتقولي >>>>>قهر

يوم رااااااااااااااحو قلت خلاااااااااااااااااااص التوبه اجيب شغااااااااااله

رفع حبايبي لي عود ان شاء الله

مرسى الاحلام الله يعطيكي العافيه على النصايح الحلوه
بس والله ياحبيبتي انه احيانا خلااااااااااااااااااااااااااااااااااااااص
لاتقدير ولاشكر ولاحتى احد يحس
والناس معطيتك عين معطيتك
عندك شغاله(مرتاحه ونايمه وشبعانه نوم)
واذا ما عندك(شليله بيتها شيل ومشيه عيالها وزوجها على كيفها من وين لها هالحيل)\
وبالنهايه النتيجه وحده
انا اشوف كل وحده وظروفها يعني هي تقدر تقيس مدى حاجتها لها

دانه 14
تجربه سيئه صح؟
بس يمكن شغالة حماتك رفلا ولا تبي تضايقك في شغالات كذا يعني بس تبي تنرفزك لانك مو المدام حقتها
انتي لا تضغطين على نفسك
وعاااادي ياما الواحد يشوف
بنات عندي تساؤل ياريت تتفاعلون معي
اللي عندها شغاله وبيتها صغير كيف تقدر تشغلها عنكم يعني لو بتجلسين انتي وزوجك بالصاله جلسه رايقه
او بس ماتبينها تدخل وتدور بالبيت كيف تتعاملون معهم
؟؟؟؟؟؟؟؟؟؟
وتساؤل ثاني؟؟؟
كل وحده تقول كيف طريقه تعامل زوجها مع الشغالات واللي ماتعجبها طريقته كيف قدرت تغيره
وهل يتدخل في ها يعني خوذيها لاتخذينها لاتخانقين عليها اوهو اصلا يخانق عليها او اي تصرف ممكن مايعجبك؟
والله يابنات انا متاكده ان كل وحده منكم ودها عندها سبانخ مثل حق بباي:37:
تاكله وتصير سوبر وومن وتقدر على كل شي
بس والله صعبه والظرف تختلف من وحده للثانيه
الله يعين الجميع
وشكرا لجميع من افادنا برايه
واميره الباديه معذوره يالغاليه الله يعطيك العافيه ويعينك
بس مانستغني عن ردودك اللي منوره الموضوع:39: