الشغالات بلاويهم أكثر من نفعهم

ما احب اظلمهم بس الصراحة رايي من رايك
وشكرا علي المشاركة

رفع

السبب الاول الخوف من الخيانه لان ماعاد في خادمه امينه حتى لوفيه مافي زوج مخلص ولو الاثنين فيه فين رااااااح الشيطان؟؟؟؟
السبب الثاني الخوف من مشاكلهم (سحر امراض عضويه ونفسيه علاقات مشبوهه مكالمات الخ الخ)
السبب الثالث ان اغلبهم شغلهم تمشيه كلام يعني مايشفي انا احيان اضطر اجيب حبشيات وانقهر منهم ون شغلهم الخايس والله ياخذون ميتين في اليوم على شويه خربطه ماااافي نظافة مافي شغل بامانه وظمير...
السبب الثالث والاخير انعدام الخصوصيه بوجودهم ابغى البس ابغى اكشخ كييييف والمصونه مبققه عيونها ؟؟؟
والله اكثرمن مرة نروح الكورنيش واشوف زوج وزجته وبزرصغيرون والشغاله قاعده معاهم على نفس الفرشه .... قال تمشيه قال..
وهذي الاسباب اما الماده ماهي سبب اطلاقا ليه ا؟؟لوحده لابغت تجيب شغاله تجيبها مايردها شئ لو بس تتسلف والاتبيع ذهبها
وراتبها مقدور عليه كلها ثمان ميه قيمه فاتورة الجوال والتلفون وشويه ارواج ومحددات...

انا الحمدلله عندي ستة اولاد اكبرهم بالجامعه واصغرهم سنتين ومن ضمنهم توأم وكلهم اولاد ماعدا بنت وحده الله يحفظهم وبيتي عامر عزايم وجلسات نسائيه احيانا بين الجيران واحيانا وهو الغالب دعويه بيتي ولله الحمد مظرب المثل بالنظافه والريحه الحلوه الي توصل الشارع والكل يقولي ندق عليك قبل الزياره بشوي نجي نلقى كل شي تمام حلا وموالح وبيت يلمع وعيالي الااوائل ولله الحمد وابدأ بتحفيظهم من خمس سنوات للقرآن يعني بالابتدائي يختمون ولله الحمد وزوجي دكتور و داعيه وتعرفين وشلون حياة الداعيه يعني علاقات اجتماعيه كثيره ومع ذلك اهتم بجمالي ومستحيل احد يعطيني عمري من عنايتي بنفسي وقمه بالشياكه والريحه الحلوه حتى الكل يسميني قارورة العطر ومع هذا ماعندي شغاله ولا اعرف العصبيه ولله الحمد وحنونه جدا كثير احب اولادي وزوجي والعاطفيه ابرز صفه فيني تبين اقولك وش السر في هذا كله وليش قدرت اصمد مع ان كل من شافني يقول ان شاءالله على الجنه دايركت يااوراد يتريقون علي ربما او يعظمون صعوبات حياتي لان اولادي الاربعه صغار و2 بس كبار وبعد اولاد يعني قمة الازعاج الاولاد غيرررر البنات الهاديات
السررررر ياقمررررر
وصية رسول الله صلى الله عليه وسلم لفاطمه بالتسبيح والتحميد 33 والتكبير 34قبل لالنوم فانها افظل من خادم
ثانيا :الاكثار من الذكر ولله الحمد لساني مايقف عن الاستغفار والتهليل والحوقله في كل وقت حتى اصبحت وانا نايمه ولاشعوريا اذكرالله ولله المنه اولا واخرا وحطيت ملصقات تذكرني بالاذكار على المجلى على الفرن الثلاجه الابواب حتى اولادي اخذوا هذه الصفه مني لان التربيه بالتقليد من اهم انواع التربيه واظرب لك مثل اليوم الشغل مكركب ومالي خلق بالمره واجلس على الكنب واخذ سبحتي واستغفر واذكر الله حتى نشطت وساعتين بالتمام وبيتي وغسيلي كله تمام التمام وحطيت القهوه والجالكسي وتقهويت انا وعيالي واخر انبساط ولله الحمد ونسيت اقولك يصير وجهك منور في اليوم الي تكثري فيه الذكر حتى مره سالت بنتي اقولها وجهي مبيض بالمره مع اني ماحطيت قناع ولاكريم قالت نسيتي انك طولتيي اليوم بالاستغفار (كان ولدي مكدر خاطري وقعدت اكثر من الاستغفار وجا يتاسف وحب راسي ولله الحمد)بس نسيت السالفه بس سبحان الله الذكر الكثير يخلي الوجه مضي ء بشكل عجيب من تجربه
ثالثا:اكثري الصدقه واخدمي الناس وفرجي كربهم سبحان الله تشعرين بسعاده غامره وييسرلك المولى كل امر عسرويعلي ذكرك بالدنيا والاخره
واخيرا انا ربة بيت وعمري 38ومثل ماقلت لكم مستحيل احط يعطيني عمري وهذي اسراري مع العنايه طبعا والله يوفقنا واياكم الى مايحب ويرضى ودمتم لمحبتكم واختكم في الله (اوراد الذكر)