روح مبعثره @roh_mbaathrh
عضوة جديدة
تعالوا يامطلقات ويامضلومات شوفوا كيف الله نصرني
مرحبا يابنات قبل امس كان يوم انتصار لي ورجع لي كرامتي وانسانيتي وابي تشاركني فرحتي كل وحده إنظلمت والله مانصرها وكشف الي ضلموها لحد الآن لأسبابه عزوجل اللهم لك الحمد والفضل
انا كنت متزوجه من شاب بعمري لكن عيبه ماعنده شخصيه يفرضها على اخواته الي أصغر منه سافرنا شهر العسل وكان من اجمل ايام عمري ليش لانه كان خالي من اي تدخل ولما رجعنا رجعت بعيني عروس وبعينهم كخادمه ومرة ولد للكرف ومن ثاني اسبوع بدا شغل الكرف والكل شال ايديه من البيت ومن كل شي وانا المفروض علي البيت بكبره والمشكله حجمي صغير ووزني ماكان يتعدى 50 كيلو شنو استحمل علي الكنس والشطف والطبخ والغسل يوميا واذا صدف ونمت وكنسلت حاجه على اساس اسويها اليوم الثاني اتفآجأ بأم زوجي فاتحه علي الباب وانا بعز نومي ومرات كثيره زوجي بعد يكون نايم يعني على العصر وعاد يالله قومي امسحي السراميك مغبر اقولكن اقعد من الصبح على العشره وماانام لل 2 الفجر انتظر السيد يجي من الإستراحه واحيانا يرحمني يقول نامي واكثر شي يضل يدق لاتنامين اللحين جاي وهو لاجا يآخذ حقه الشرعي وينام لافيه كلمه زينه ولا يسأل اليوم وش سويتي ووش عملتي وكأن هذا المفروض دوري زوجه له على الفراش بس وخادمه لأهله الشاهد يابنات شفت خلال سنه كل انواع النجاسه والحش واللغس يعني ترهيب نفسي حتى لدرجه مره وحده من قريباتهم وكانت تحب زوجي عندها اخت صغيره ماتتعدى 5 سنوات لكن البنت شيطانه فوق ماتتصورون تعرف كل سوالف الحريم ودقاتهم المهم كنت بغرفتي ولا تدخل علي وانا والله على نياتي اول مره اشوفها وادخلها واعطيها من ثلاجتي عصاير وجالكسيات وتآكل ولما خلصت تقول تدرين انك مو حلوه وحتى لو ذبحتي حالك بالمكياج !!!!!! انا إنصدمت من كلمتها وعبالي كلمه تنقال لها والمسكينه تعيدها للكل لبست وطلعت لمجلس الحريم ومن دخلت انواع الضحك والكركره والي تاخذ البنت وتبوسها ووحده تقولها كفك مع اني والشاهد الله كل هالي بالمجلس انا اجمل منهن واكثر اناقه واغلب الي بالسوق البسه بالراحه ويناسبني وهن لاوجه ولا جسم قعدت شوي وقمت وكان عيبي انا مااقول له شي لو مهما كان على اساس يعني لايقول هذي تحرشني على اهلي وكل حاجه اسمعها تغثني ولانقد لي اضحك وابتسم زي الهبله وبالاخير لما فاض فيني وقلت ماعاد اتحمل اهلك طلعني انا الكذابه واهلي ماعمر سوو لك شي وانتي حقوده وقام يطلع سوالف مدري منين صدمني صدمت عمري انتي الي تسوين وتسوين وقلتي كذا وفعلتي كذا اثاريهن يسبقني له ويعلمنهن ويملحن كل سالفه تصير هو كان قبل يدخل الغرفه يقعد يقول مع امه يونسها ساعه على كلامه اثاريها كانت تعطيه المفكره اليوميه هههه لان نيتهن لاخلص من عندنهن انا استلمه بعد ويشهد الله ماعمري فتحت فمي له ولا حتى لغيره وحتى اهلي واحيان كثيره يدخل زعلان ومنتفخ بس يكتم بصدره عشان لانتزاعل وهو مايونس حاله لان اهم شي عنده الفراش وبس المهم رحت لاهلي وطلبت سكن شرعي رفض وتطلقنا
الشاهد يابنات ارسل لي قبل امس وبعد طلاق 3سنوات انه يبينا نرجع لبعض واهلي يبونك وماادري لكن اكتشف كل حركاتهن معي وتفآجوءا ان ماعنده اي خبر والي فهمته من وحده قريبه منهم انه تزوج زوجه عووووبه وماهي معجبتهم وحتى هو ماهي معجبته وصاروا يقارنون بيني وبينها وكشفن حالهن ويقولن فلانه مهما قلنا وسوينا تسكت ولاترد ولاتعلم زوجها تدور رضاه وانتي تقدمين الهواش والمشاكل وهو فهم الموضوع كله وعرف انه ضلمني بطلاقه لي ويرسل على جوالي ويدق ويبكي ويقول انا ندمان قد شعر رآسي والله يترجاني ترجي ارجع له وانا اقفل بوجهه وعملت له حظر وقلت له لو شنو ماتسووي رجعه لك ماني راجعه وهالي يصير لكم وحتى طلاق اختك (وهذي اخته الكبيره ورتني الويل وهي مسيره امه وخواته وتحرش علي وهي ببيت رجالها تطلقت من زوجها وعندها 6 اولاد ) كان من حوبتي وظلمها لي وبعد باقي لي حق وبآخذه عند رب العالمين وحسبي الله فيكم ونعم الوكيل وبغير رقم شريحتي وسبحان الله يابنات شفتوا كيف الله ينصر عبده ولو بعد حين بس داوموا على قول حسبي الله ونعم الوكيل والله انها تريحني زي البلسم لما اتذكر شلون ظلمهم وجورهم وتخنقني العبره دعواتكم لي ان الخاطب اذا فيه خير لي يتمم الله لنا على خير واذا فيه شر الله يبعده عن طريقي .. والسلام عليكم ورحمه الله ...
36
14K
يلزم عليك تسجيل الدخول أولًا لكتابة تعليق.
مسكوية
•
الله يوفقك يا حبيبتي
والظلم طلمات وعاقبته وخيمه
وكن عبدالله المظلوم ولا تكن عبدالله الظالم
الحمد لله على رحمته ونصره
والظلم طلمات وعاقبته وخيمه
وكن عبدالله المظلوم ولا تكن عبدالله الظالم
الحمد لله على رحمته ونصره
ريناس ,
•
تبااارك الرحمن , ألففف ألفف مليووون مبرووووووك ,
الحمدلله يااااارب , الله يعجّل بنصر كل مظلوووم ياااارب ,
الله يتمم لك على خييييير و يبارك لك بخطيبك و تتهنون يااااااارب
و أستخيررري كثييييييير ياحلووووووة ,
الحمدلله يااااارب , الله يعجّل بنصر كل مظلوووم ياااارب ,
الله يتمم لك على خييييير و يبارك لك بخطيبك و تتهنون يااااااارب
و أستخيررري كثييييييير ياحلووووووة ,
الصفحة الأخيرة
عقبالي يا رب الله ينصرني على النجس الي عندي
حسبي الله ونعم الوكيل
حسبي الله ونعم الوكيل
حسبي الله ونعم الوكيل