اليوم يا بنات حبيت اسولف معكم شوي عن بعض المستحضرات اللي اعجبتني واللي ما اعجبتني
مع ان دخلاتي قليلة مرة في رمضان ولا ودي اشغل نفسي بالنت بس ما يمنع اني
انصحكم خصوصا
ان في المناسبات مثل العيد يكثر شراء المكياج
اول شئ راح ابدأ بالمستحضرات اللي ندمت على شرائها
اولا
مع احترامي لمحبي ماك..
أنا من الناس اللي اسمع بماك ولا عمري دخلته ومن كثر مدح البنات له بالمنتدى قلت خليني اجرب شئ منهم
و رحت واشتريت ثلاث ارواج منهم والكحل الكريمي
للامانة الكحل الكريمي ما جربته
لكن الارواج ما ادري شنو الاختلاف بينها وبين الماركات الثانية مثل ريميل و ريفلون وغيرهم
والله يا بنات ما في فرق لا في الدرجات ولا في الجودة واكبر دليل
اشتريت روج من ماك برونزي عجبني لونه بعد فترة رحت ريميل واشتريت روج برونزي يوم رجعت البيت
لقيت الاثنين بالضبط نفس الدرجة رحت جربت واحد على الشفه اللي فوق و واحد على الشفه اللي تحت والله يا بنات
كاني حاطه روج واحد والصورة توضح لكم اللونين
واللي حابه تجرب بنفسها تاخذ رقم الروجين
اللي من ماك اسمه forst
من ريميل رقم 315
لا اقصد الاساءة لمحبين ماك بس حبيت انبهه على هالموضوع
ثانيا
كنت ادور ولا زلت ماسكارا زرقاء واشتريت ما كس فاكتور على مدح البائع
وطلعت مو شئ كأني حاطه مويه على رموشي واللوووووووون ما في ولا نقطه زراق :09:
و هذي صورتها
ثالثا
اضاءة ذهبية تحت الحاجب من مكياجي مدحوها كثير بنات برا المنتدى وداخله و رحت اشتريتها لاني ابحث عن لمعه
ذهبية بس للاسف طلعت :09: طباشييييييييير واللمعة لا ترى بالعين المجردة
وهذي صورتها سعرها 55 ريال ما تستاهل
.
.
.
واللحين نجي للاشياء اللي شريتها و عجبتني موووت :icon28:
اولا
واخيرااااااااااااا لقيت كحل ما يسيح
جربت ماك-ريفلون- مكياجي-برجوا- سمايلنج
وكلهم يسيحووووووووووووون
إلا هذا
كحل صناعة المانية شريته من محل مكياج صغير الهندي قالي اذا يسيح رجعيه وخذي فلوسك
و بـ25 ريال بس
من جد يا بنات مايسيح رووووعة
اسمه crayon khol-kajal
وهذي صورته
ثانيا
هالمنتج اهداء مني للاخت مجهولة9 ومتاكدة راح يعجبها
بودرة برونز من ماركة برستيج سعرها 100 ريال تقريبا
تنفع بودرة للوجه كامل وتنفع بلاشر وتنفع للهايلايت
روووووووعة روووعة رووعة ةابحث عن هالمعه من زمااااااان
وهذي هي
ثالثا
بلاشر كراجا روووووعة يا بنات لا يفوتكم لون هادي وراقي من جد خيالي
وسعرها بـ60 ريال
وهذي صورتها
وان شاء الله ناويه على المشمشي
وبس هذا اللي كان و دي اقوله واسمحولي طولت عليكم
و اوعدكم بعد العيد ان ربي اعطاني عمر نزلت لكم مكياجي كامل و رايي فيه
واللي عندها اي سؤال انا حاضرة
و الله الله بالصلاة وقراءة القران والله يتقبل مني ومنكم صالح الاعمال
:icon35: