تعالوا يا بنات قولولي شسوي برئيستي بالشغل خاطري اذبحها الف مره

السلام عليكم
خواتي انا توظفت بشغلي الثالث والثالي اتمنى يكون ثابت لكن اللي حاصل انه اي شغل يكون اكثرية العاملين فيه حريم تبدا المشاكل والكلام والبلاوي الغيره والحسد والانانيه
المهم اقولكم شنو صار معاي شهرين اروح دوامي المسؤوله تبي تتفرعن علي قمت تفرعنت عليها وطلعت عينها اي شي تقوله مو منطقي مايدش براسي ارفضه لي حد ما سوت الحركه اللي تبي تكسرني فيها قامت غيرت الزميله اللي معاي بالعمل بنفس الشفت اللي انا فيه وحطتلي صديقتها هذي انسانه مستفزه همجيه محد يدانيها بالشغل من هذولي اللي يردحون بمصر اللي حصل قمت اخذت عارضه بيومها عشان لا اشوفها طيب اليوم الثاني ييت وقامت تستفزني مسويه نفسها خبيره علي واني بتعلم منها قلتلها انتي موشغلج ولا لج شغل فيني ولا مسؤوله علي قامت ردت علي بكلمه اني قليلة ادب انا طبعا عطيتها اللي تستحقه وطبعا اللي بالشغل شافوا اللي حصل وعارفين الحق معاي لانها غلطت علي المهم اتصلت بالمسؤوله وقدمت شكوى الشكوى انحفظت عندها بعد طبها ماهددتني لاني يديده بالشغل ماصارلي 3 شهور انها تكتب تقريرها والتقرير اللي كاتبه منه مايبشر بخير طبعا انا لمن دافعت عن نفسي الثانيه انكرت وطلعت قصص ماحصلت وحلفت بالله زور والمسؤوله لانها صاحبتها معاها على طول الخط وصار تصفية حسابات يومها طبعا سويت نفسي رضيت وتصالحنا ويوم ثاني رحت الاداره قدمت شكوتي فيهم طلبت نقل او تغيير شفتي مع زميله ثانيه لكن ترددت لشي بسيط مع انه المسؤول عطاني فرصه قويه انه يتغير الشفت مع زميله ثانيه انا فكرت اني اطلع من المكان وانقل قسم ثاني لانه المسؤوله بتسوي حركه ثانيه عشان تطفشني من الشغل واهي قالتها لي بالحرف الواحد اذا تقدمت الشكوى مو من صالحج انا لي لي يوم السبت بسوي كتاب نقل وكتاب شكوى فيهم ثنتينهم رسميتين وبروح للاداره لهالسبب بنات شوروا علي شسوي المره هذي مفشنه وايد ومسوين فيها شكاوي وايد ادعوا انه ربي ينصرني عليها وافضح بلاويها انتظر ردودكم
ملاحظه : اسلوب الزميله مستفز وتعاملني كاني يايه اتعلم بابتدائي وانها خبيره بشغلها معنه لي شهرين ونص وعارفه شنو لي وشنو علي واقوم بشغلي بروحي امس يت الدوام بشفتنا وماسويت شي كلش انا اللي قمت بكل الشغل طبعا انا هالشي مو عاجبني لهالسبب بكتب شكوى ثانيه فيها انها غير متعاونه معاي وتستفزني بكلامها وتعاملني كاني ياهل وانا والمشكله اغلب اللي تبي تعلمني اياه انا عارفته من الزميله اللي كنت معاها فيه وشي ثاني اقولكم شي عنها تكرمون تدخل الحمام ماتسحب السيفون ثانيا تطلع اصوات من حلقها تلوع الجبد ورابعا دفشه مااوعى الا صوت شي قوي يسكر او يقفل يعني تسكر وتحذف الاغراض بدفاشه وتخرعني طول الدوام هذا غير الحركات السخيفه تدور علي غلطات :30: