السلام عليكم ..
اليوم يايبه لكم اكله خذيت طريقتها من عند صديقتي بس لعبت شوي في مكوناتها وطريقتها ...
اول شي...
اسلقي دجاجه ( 700 جرام ) وقطعيها بإيدك قطع صغيره
اسلقي 6 حبات بطاط.. واهرسيها وشكلي منها كور متساوية الحجم
واحضري جنبج
1- كريمة خفق (من الي تستخدم في الشوربة )
2- ملح’ فلفل, بزار , فلفل احمر(لو ترغبين بالاكل الحار)
3 جبنة سائلة (كرافت أو المراعي )
4 جبنة شيدر للبشر ( كرافت )
5 علبة ذرة
6 مشروم لو حابة ( وحدة متعقدة زوجها يكره المشروم :( )
7- بصله مقطع بالطريقة الي تحبينها ... بس انا افضله صغاار
8- حليب طازج
والحين نبدا الجد
جيبي مقلاة كبيرة شوي .. حطي شوية زيت وخليه يسخن وضيفي البصل المقطع وخليه يحمر شويه ... بعدين ضيفي المشروم وبعده الدجاج واخر شي الذرة ( ممكن تستغنين عن الذرة والمشروم وتستبدلينهم بالخضار المشكله الي في اكياس ) ... بعدين ظيفي الملح والفلفل الاسود والفلفل الاحمر والزار وخليهم شوي على النار.. اخر شي قبل ما تطفين النار ضيفي كمية بسيطة من كريمة الخفق وخلي الخلطه تتشربها ...
جيبي بايركس ( صينية فرن زجاج ) صفي خلطة الدجاج تحت ورصي فوقهم كور البطاط ..
اخلطي كمبية بسيطة من كريمة الخفق مع الجبن السائل والحليب الطازج .. وضيفي الخلطه على الصينية وفي الآخر رشي الجبن المبشور وحطي الصينية في الفرن لمدة بسيطة بس لحد ما يذوب الجبن ..
قدمية بالهنا والشفا بجانبه خبز عربي ,,
ام شهاب

umshehab @umshehab
عضوة جديدة
يلزم عليك تسجيل الدخول أولًا لكتابة تعليق.

umshehab
•
تسلمين حبيبتي عزيزة .. كان ودي اضيف صور بس للأس انا ادمر المطبخ وانا اشتغل فماله داعي انشر فضايحي :22:



الصفحة الأخيرة
تسلم ايديك ياعسل
شكل الطبق مشهي مع انه مافي صورة
لكن واضح انه لزيز
تسلمي ياقلبي