تعالوا يمكن الله يسخركم لي وتدلوني آآمين

السلام عليكم ورحمة الله وبركاته

هلا بنات الله يعطيكم العافية جميع بحكي قصتي لكم والله يوسع صدوركم علي
القصة ياحبيباتي اني بعد ماخلفت بنتي الثانية ولله الحمد قيصري لم اشرب حبوب ومشي الحال وشربتها لما صار عمرها سنة و8 شهور تقريبا فقط 4 علب المهم يابنات بعدها صار عندي ضعف في المبايض وصار ينزل علي قبل موعد الدورة بعشرة ايام دم شوي مرة وحدةفقط ويختفي الى موعد الدورة العادي المهم رحت للدكتور قال التهاب بالمبايض قال بسيط مايحتاج علاج شوي قال تكيس شوي قالوا لي بطانة الرحم ضعيفة المهم حملت وتوني مالي شهر وعشرين يوم اجهضت كانت تنزل علي افرزات وبعدين دم وبعدين مغص شديد ونزل الجنين وماعرفوا السبب ولا فكر يقول لي الدكتور ايش السبب بس قالوا انه مافيه نبض وهو فاسد علشان كذا نزل طيب مر تقريبا على الاجهاض 8 شهور والحمد لله حملت لكن من قبل ماتتأخر الدورة كان ينزل علي افراز بني وشكيت اني حامل المهم حللت وطلعت حامل تمام واعطاني الدكتور مثبتات وخف الافراز والحمد لله الا ويصير معاشرة زوجية وحدة ونزل دم منها وريحت على السرير ورت كم يوم الا ويكثر الدم وجاني مغص ورحت المستشفى وعطوني فولترين وبعد يوم اجهضت وماكملت شهر وماقالوا لي السبب انا ماني عارفة السبب هل تكون عندي جرثومة وانا ماعرف هل من المعاشرة الزوجية قال لي الدكتور ريحي وبعد شهر تعالي نعمل تحاليل
ايش ممكن يكون السبب الله ينور عليكم في ناس قالوا لي يمكن فصيلة البيبي مو موافقة لك علشان كذا يسقط والعياذ بلله
انتظركم اختكم تراميسو