الله يغير رجالنا للأحسن لأنه عنجد هاد الموضوع عاملي عقدة نفسية!!

ههههههههههههههههههههههههه ايش حكاية حمام المجلس:angry2: لايكون يحسبون انفسهم ضيوف الحل ياحلوات الطناش وادعاء الكسل واذا جا يقوم قوليله حياتي وانت قايم جبلي وجبلي وشوي وشوي تلاقينه تعود مره سوي انك مره تعبانه وناديه واذا جا قولي لابس كنت ابغى جوالي واذا عرف انك قاصده ردي عليه زي ماتسوي واللي ماعندها شغاله هدديه اذا ماغير من طبيعته خليه يجيبلك شغاله لان اغلبهم ما يبغون الشغالات ويمكن يغير من طبيعته والله يعيننا :22:

ههههههههه والله ضحكتونى يا حريم كل وحده كانها تتكلم عنى اتريها مشكله منتشره لا ينفع كلام حلو ولا تهديد مع:arb: يقول بيتى واناحر فين اخذ راحتى وانت وش وراك نظفى ما ابيه لا يشيل ولايحط بس لا يوسخ الله يهدى الجميع

بالنسبه للي يناديها زوجها عشان تجيب له جواله وله غرض من اغراضه القريبه منه لسبب انه يعجز يقوم من الكسل

عندي لكم الحل ..

وش كنت اسوي فيه لما يناديني يقول لي عطيني الرموت مع ان الرموت جنبه

كنت اخذ الرموت وارميه على الكنبه البعيده عنه يعني ابعد من الي كان موجود عليه

اقول له تبيه رح اخذه واطنش وامشي حتى ما ابتسم

عشان يعرف ان الدعوه جد في جد مو مزح

احيانا اسمع كلام ما يعجبني بعد تصرفي اقول له يرحم والديك جزاك الله خير يسكت عني

وياخذ الرموت وتنتهي السالفه ...


ما اقول لكم انه تاب من حركته هذي

لكن برضوا على مين يلعبها والله حطيته براسي وكل ما يطلب شي تافهه

اسوي حركة النذاله مثل ما يسميها هو لما اسويها

لكن بصراحه لما يطلب يشرب ماء وله عصير وله شاي

والله ما اقول له شي اركض اجيب له ما يحتاج بعد كلام طاعة الزوج واجبه

بالنسبه لحمام المجلس والله ما يدخله

لكن حمامنا الخاص يوووووه من زمان مره كنت اشوف عليه هالحركه

قمت انتقدته بشكل خليته عن جد يستحي يعني قلت وبالغت بتصرفي وحركات وجهي ونبرة صوتي وع لاعت كبدي ما باكل اليوم وفعلا ما اقعد على السفره معاه

اقول له فيني حومه كبدي لايعه ماني قادره صبحت بشي اعوذ بالله

كنت يومها كل اشوي ادخل الحمام كرمكم الله يعني لو قاعد بغرفتنا ادخل حمام الغرفه لو قاعد بالصاله ادخل حمام الصاله

واطلع صوت كأني قاعده ارجع ههههههه إن كيدهن عظيم


والله ثم والله إن ما عاد يسويها مره ثانيه حركته بالحمام ولا ابشركم بعد
صار يرعص المعطر قبل ما يطلع من الحمام كرمكم الله خوفا من كلامي

المحرج معه ..

بالنسبه لإنبوب الغاز الاخ تصرف وصل لي ثلاث انابيب بوقت واحد يخلص واحد اسكره وافتح الثاني وهكذا

ودام انتي تنظفين وراه تأكدي انك راح تعلمينه انه يستمر على اهماله بأمور النظافه بالبيت

الدولاب معفوس فوق تحت رجااااااااااااء لا تعدلينه خليه على حاله دولابه وهو حر

وان جاك قال لك ليه وكذا

قولي له وشو الي ليه كل ما اسنعه تخربه ليه شايفني

مسنتره كل اشوي عند الدولاب وله شايف ان ما عندي اهتمامات غير اني انظمه لك كل يوم

حتى الثياب الي تغسلينه لا تطوينه خذيه وقطيه بالدولاب

ليه الكدر والهم دام ان هم ما ينفع معهم التنظيم بدل ما تضيعين وقتك بالطوي يا اختي كذا كذا هو مهو عاجبه شكل دولابه يبيه كذا خليه على راحته خذي المسأله مو عناد الا ضحك بالمسأله هذي ليه تضيعين وقتك بدولابه دام ما فيه فايده روحي حطي لك ماسك واستمتعي بعد ما تخلصين مهماتك يعني هم والزمن والدولاب علينا ههههههههه دخلت جو معكم


مشكلة القراطيس والنشاف قولي له يا حبيبي كل ما اشوف الوسخ على الارض منك اشيل من محفظتك ريال

وان ما اهتم ما عليك منه زيدي ريالاتك بالعكس بكره راح تركضين تعدين القراطيس من الفرحه هههههههههه

وهو بيكون مصدوم

ولا جمعتي راويه احرقي قلبه

صدقيني بجي يوم بيفكر كم بجيبه

الله حلاوتها وانتي جايه من بيت اهلك

وتطلعين الف ريال باليوم ما في احلى من كذا راتب

وسلامتكم .

كل الرجال كذا



بس الحل


انا جربته


اذا كنت مره مشغوله وناداني اجيب شي اجي واقوله حرام عليك تناديني وانا مشغوله ليه ماتقوم انت؟؟



بصراحه صار احسن بكثير ..


انا اتكلم عن انه يطلب الشي وهو جنبه لكن لو بغرفه ثانيه عادي بجيبه انا واقفه ..

لكن ماي او عصيراو غيره لا طبعا مافيها نقاش لازم اجيب له

لكن احسن مافيه مايرمي ملابسه الوسخه في الارض ..لا في الحمام

وملابسه يعلقها يحب التنظيم..



بس سالفه هاتي هاتي ههههههههههههههههههههههه وانحلت