تعالووووووا شوفوا وصار اخر تطورات مشكلتي مع زوجي

السلام عليكم
انا اللي قلت لكم ان زوجي رافض الطلاق يقول لحد ما تولدي وكمان قال لأخوى انا ما اقدر على فتح بيتين
وهو تزوج بدايه8يعني ماله شهر وقبل زواجه بيوم اعطني حظر في الواتس وانا كمان اعطيته حظر وبعد اسبوع
من زواجه فك الحظر وانا ما فكيته اخذ يوم كامل وشاف اني مافكته وراح وحظرني مره ثانيه وبعد كم يوم رحت انا وفكت
الحظر قلت خلني اشوف بعد ساعتين فكه وبعد ثلاث ايام ارسل لي في الواتس اذا لسه حامل ولا اجهضتي ويقول اذا
اجهضتي برسل ورقة طلاقك اذا حامل بدق عليك نتفاهم انا بصراحه عصبت لما قالي اجهضتي وردت عليه قلت حرام اللي
جالس تسويه فيني انت ماعندك رحمه وقت وحام ولا حمل حرام عليك كفايه كذا راح رد علي قالي اقلبي وجهك الشرهه
ماهي عليك الشرهه علي انا اللي بردك قلت احترم نفسك وربي راح ياخذ حقي منك قال انا كنت بردك لكن الان تاكدت انك
مثل ذيل الكلب ما تعتدلين وحرم فيك الرجعه قلت تبغى تردني تقولي اجهضتي بعدين قالي بلا مرسلات لو سمحتي اذا جاء
الطفل بيننا المحكمه قلت له سلامات من اللي بدا بالمرساله عيبب اللي تسويه في بنات الناس بعدين قال انا متزوج وحده
مثل القمر ومرتاح معها بس كنت بردك علشان الطفل وانتي مخك صبه بعدين قالي انا بدق عليك علشان نتفاهم وبرجعك
الكلام في الواتس ماينفع المهم دق علي وتكلمنا يمكن 3ساعات مره نتهاوش ومره نسولف المهم قلت له ليش تسوى كذا قال
اصلا انا ماني ناويه اطلاقك انتي قهرتيني قلت المفروض تنتظر شوى انت عارف اني حامل ونفسيتي تعبانه المفروض
تصبر علي قال ما قدرت وانتي قهرتيني قلت طيب ليش ما طلقتني قال ما ابغى اطلقك بس كنت بخليك في بيت اهلك لين
تتحسن اموري الماليه ورحت وسالت عن زوجته قالي مالك شغل فيها ولا تسالين عنها المهم قلت انت وينك قال في البيت قلت
وين زوجتك قال في بيت اهلها تعبانه قلت اشبها قال حامل وجالس يتكلم واصبر علي لحد ما اقدر افتح بيت لك انا بصراحه ما صدقت ان زوجته تعبانه عارفه انه كاذب قلت زوجتك تاركه البيت قال ليه انا وحش علشان الحريم يشردون عني قلت له انا عندي احساس
ان حرمتك تاركه البيت قلت صارحني لا تكذب علي قال بصراحه اي تاركه البيت قلت عطني فرصه افكر اذا ارجع او لا
راح قال الطفل في ذمتك لو ما رجعتي وراح تكسبين ذنبه قلت انا صبر عليك ثلاث شهور والحرمه الجديده اللي اخذتها ما
صبرت عليك تركت البيت من ثاني اسبوع زواج قال انتي سويت عمل صالح او دعيت او استغفرت قلت انا بنت اصل صبرت
وتحملت طبعا يابنات انا كل اللي سويته مسكت صلاة الليل ودعيت ربي وتحسبت عليه على اللي سواه فيني وعلى ظلمه لي
واستغفرت دعيت عليه بسبب انه تاركني كذا ماني متزوجه ولا مطلقه وبدون مصروف اش رايكم يستحق اني ارجع او لا
فيه اشياء كثيره ماقالتها بقولكم صفات زوجي هو كذاب كل مره يطلع لي بكلام ومزاجي بقوه