تعالوووووووووووو هنا طفشت

اختاري ألوان فاتحة حتى توسعلك المكان وأفضل شي البيج الفاتح

اختاري الالوان الفاتحه وبعد لتوسعة المدخل ممكن تضيفي كونسول ضيق طاولته من الحديد المشغول وفيه مرايه كبيره لتعطي اتساع بالمكان وحاولي انك تختاري اثاث كلاسيك لانه ما ياخذ مكان كثير مثل الاثاث الامريكي واسع وكبير ويضيق المكان

اختاري لون الدهان فاتح مثلا غرفة بناتك زهري فاتح - الاولاد (صبيان) ازرق فاتح واصفر فاتح - وبالنسبه للغرف (الجلوس - الضيوف - السفره) خليه باللون البيج لانه بيمشي مع كل الالوان
وبالنسبه للكنب خليه كلاسيكي مو فخم وكبير يضيق المحل فوق مانه صغير ولاتحطي مكتبه بغرفة الجلوس حطي التلفزيون على طاوله زجاج وحديد فيها محلات للفيديو والتلفزيون يعني تكون بسيطه
وللممر حطي مرايه طويله واضاءه بالسقف او ابجورات على الجدران
والله يوفقك لكل خير

NeeNee
يعطيك العافيه وان شاء الله راح اشوف البيج
ام بسمله مشكوره عيوني على الافكار الحلوه وراح اسويها ان شاء الله
بطه اختي والله ماتدرين قد ايش مبسوطه لما شوفت ردك إن شاء الله الله يرزقني البنات والصبيان وان شاء الله يكون البيت هذا خير علينا وذا جات بنت اسميها بطه ههههههههههه
جزاك الله خير عيوني على الافكار الحلوه وباخذ با النصايح واشوف البيج
بس بدي اسال معليش اتحملوني شوي لو اسوي بيج البيت ايش يكون لون السراميك والابواب

اختي العزيزة...

مشكلتج نفس مشكلتي.. بس الحمدلله تغلبت على المشكلة بشكل كبيررر.. الحمدلله

بيتي مررررررررة صغير عنوني للغاية... فاول شيء سويته صبغت كل الجدران في البيت باللون الابيض و فرشت موكيت لون فااااتح..كله الوان اساسية يعني و انا اخترت للموكيت اللون البيج..

طبعا ما انصح ابدا انج تستخدمين اثاث خشبي لاني حسيت (من لما شفته في محل الاثاث) انه ضخم و يسد المساحات و يغطيها.. فلجأت للاثاث المصنوع من الحديد المشغول.. و الزجاج .. لان الحديد المشغول ما يغطي المساحة كلها و تظل اجزاء ظاهرة خاصة اذا كانت قطعة الاثاث كبيرررة و بتاخذ مساحة.. مثل عندي طاولة الطعام و سرير النوم.. خذيتهم حديد مشغول و طاولة الطعام زجاج مع حديد مشغول.. و الحمدلله عندي مسافات و مساحات مبينة و عاطية المكان وسع... و الزجاج طبعا يشف فما يوحي بالضيق ابدا..

و بالنسبة للاثاث بشكل عام.. حاولي يكون معظمه كلاسيك و يفضل لو يكون مخصص للزوايا.. مثلا الكنب اللي بزاوية..و طاولة الكمبيوتر او كبت الملابس المخصصين لزاوية..انا معظم اثاث بيتي بزاوية.. و تحديدا الكنب و كبت الملابس.. و بصراحة مو ندمانة ابددددا... لاني الكنبة كبيرة و تكفي تقريبا خمسة اشخاص للجلوس.. و كبت الملابس تصميمه جاي مثل الغرفة المصغرة.. فلما تشوفينه من برى يبين صغير بس من داخل عن جد وااااسع و يشيل كووومة اغراض...و طبعا اختي لا تاخذين اي قطعة اثاث تشوفينها و السلام..حاولي تاخذين الاثاث اللي يستخدم للتخزين بعد.. لان اكيد راح يصير عندج ضيق في المكان.. فمثلا السوفا و السراير و غيرها من القطع صارت الحين تستخدم للتخزين و للاستعمال التقليدي لها..

و مثل ما نصحتج احدى الخوات.. استخدمي المرايات... لان بالفعل المرايات لها سحر عجيب في توسعة المكان.. و طبعا نوعي فيها و في اشكالها...انا حطيت في بيتي تقريبا في كل غرفة و الممرات مرايه.. بس كل مراية شكلها غيررر عن الثانية.. و بالعكس عاطية ديكور حلو للمكان...

و الجدران راح تساعدج وااايد في هالعملية بعد.. اختاري العلاقات المناسبة.. و المخازن الصغيرة.. اللي تتعلق في الجدار..او الرفوف.. تلاقين منها اشكال كثيرة تناسب كل الاذواق و باسعار كلش رخيصة...

بس نصيحتي لج حاليا لا تصبغين اي لون غير الابيض.. و بس تحطون كل شيء و تبين كل غرفة و مدى احتمالها لزيادة قطع اثاث او حتى صبغ غامق تقدرون بعدين تغيرون في الالوان.. انا في البداية سويت جذيه و الحين بعد ما ضبطت البيت عدل بدينا ندور على الزوايا و الاماكن اللي يصلح فيها الصبغ الغامق و صبغت و طلع وااايد حلو... و يفضل اذا بتصبغين غامق في المستقبل تصبغين جدار واحد بس من الغرفة.. عشان لا تضيق عليكم..

و اذا حبيتي اي شيء زيادة انا في الخدمة...

و المسامحة اذا طولت عليج بس حبيت افيدج قد ما اقدر..