تعالووو شوفو شنو اتصرف مع جارتي 😢

السلام عليكم
بدخل بالموضوع عندي صديقه توني متعرفه عليها تقريبا ثمان شهور أو اكثر
هي متزوجة وانا بطبعي اجتماعيه وحب اعزم الناس عندي بيتي الحمد لله عزمتها وكان هذا اول
عزيمته عندي بيتي هي كانت عند حمولتها ماتقدر تعزمني عندها تعرفون عذرها معاها
بس استغربت انها ماعزمتني على بيت اهلها وقلت عادي عاد مو مهم
وقبل ثلاث شهور استقلت وطلعت بيت بروحها شقه
وانا بعد نفسها شقه ومع هذا عزيمتها
وكنت أنطر تعزمني ولاكن ماعزمت ولا شي مع انها ماثاثه بيتها وخالصه وزوجها اجتماعي ودايم عند
بيت اهله وزوجي يعرف زوجها طيب ويقول ليش زوجتك ماتسير علينا الرجال طيب ويحب الناس هذا
الي فهمته من زوجي
عاد أنا قلت خل اروح ازورها بيتها وأخذ الواجب وحلويات والازم منه
أرسلت عليها بكل لباقه أني بجيها باليوم الي هي تكون فاضيه فيه
وقلت لها متى ماكنتى فاضيه ارسلي على عشان ازورك
وإذا كنتي اليوم فاضيه علميني عشان اجيك عاد بيتها قريب من بيتي
ردت على أنا الْيَوْمَ بطلع بروح بيت اهلى عاد أنا قلت بيت اهلها تقدر تأجله
اَي يوم ثاني مو ضروري وخصوصن انه يوم عادي مو ويكند
وسكت وبعدها بكم يوم أرسلت وقالت تعالى سيري أرسلت الصبح تقول
تعالي العصر عشان زوجي يطلع
قلت زين مستحيل أجي وزوجك موجود قالت لا لا هو يطلع بعد صلاه العصر
قلت زين خذيت حلو وفطاير
والله يبنات يمكن قعدت ساعه أو ساعه ونص الا زوجها داخل البيت وفتح بالمفتاح
😳😳 انصدمت من التصرف عاد أنا انحرجت مثل الي يالله خلصت الزياره
عاد هي يوم جاتني وربي ماكده على زوجي مايجي البيت الا الساعة عشر 😂😂😂😂😂
بعشي المره والزم عليها وقَعَدت اكثر من خمس ساعات
وحسيتها انها هي قالت له تعال والله اعلم لانها قلت خلاص أنا بروح مع السلامه
والابتسامه على وجهها وربي حز بخاطري تخيلو و ماقلت لزوجي
ابي اعرف ليش سوت كذا لاتقولون بينام ولا تعبان ولا ولا هذي اول زياره لي عندها
مو مطيحه عندها عشان تسوى كذا عاد سبحان الله كنت بطلع بعد نص ساعه مالي اطول
المهم حبيباتي رحت بيتي وقلت الله يسامحها ونسيت الموضوع
تخيلووووو وجهه ابو فهره من الوقاحة تقول بسير عليك
عاد تحسبوني سويت نفسها ولا رديتها لها لا ☹️☹️
قلبي طيب وعيب علينا اذا الضيف بيجي أقول لها لا
قلت حياك الله ادري طولت عليكم بس بحطكم بالصوره 😩
وحطيت السفره حلويات وفطاير وفواكهه ماخليت شي وانا يوم جيتها ماحطت الا صحن صغير حلو
كبر كف اليد
وقلت خلني أصير أحسن منها كله عند الله
وسهرت وستانست وطبعن زوجي طاردت لا اشوفه عيب يجي البيت وفِي
حريم المشكلة الحين كل يومين تدق تبي تجي ولا ترسل وانا فعلن مشغولة ولا طالعه ولا زوجي عندي
المفروض أنا الى احدد موعد الزياره نفسها يوم بغيت اجيها هي الى حددت الْيَوْمَ والوقت بعد 😑
تقول بعد العصر
الحين شسوى توها مرسله
آلو إنتي وين ?
ردي
وداقه اكثر من مره عاد مشغوله ماكنت يم التلفون صج
وتبي تسير على بالهوقت صج ماتستحي احد يسير بالهوقت
والمشكله ماتحب احد يجيها تبي هي تجي
عاد أنا نفسي اعطيها درس 👌
شرايكم أقول لها الصراحة انها ماتعزمني بس تبي هي تجي عندي
والي قاهرني حركه زوجها نغزه اذا جيتي لاطولين عاد أنا فرحت انها اسكنت قريب
لانه المفروض الي بيستقبل الناس بيته هو الي يحدد الْيَوْمَ الزياره
المشكلة نفسي اسير عليها
ترا أنا استحي صج بس ودي اعلمها انه الى تسويه عيب بس بطريقه لبقه بدون
ماجرح مشاعرها 😞
انطر ردودكم