حبوبه لازم تبندين بالاولويات

ا. غرفه النوم تأثثينها كامله من سجاد والسرير والصبغ اذا ناوية تصبغين والابجورات
2. المطبخ لانه راح تحتاجيه حق تطبخين فلازم تاخذين لج فرن وهو اهم شي ومنها الاواني اشياء بسيطه مثل القدور والملاعق والصحون لا تكثرين اخذ الي راح تستخدمينه بشكل يومي وثانيا لازم تحتاجين ثلاجه حق تحفظين فيها الاكل وغيره
3. الغساله حق تغسلين فيها ملابسكم
4. الحين الصاله تقدرين تشترين الجلسه والتلفزيون والابجورات والستاير يعني تكلمينها كامل
5. تالي ترجعين وتجوفين حسب ميزانيتج الباقيه اذا زادت شوفي شنو محتاجه للمطبخ مثل الميكرويف ولا غلايه الماي ومبرد الماي ولا خلاط ولا غلايه كوفي جوفي الاولويه وخلي الاشياء الي تقدرين تسوينها بطريقه بديله للاخر مثلا غلايه الماي ما يحتاج من البدايه لانك تقدرين تغلين الماي على الغاز وعندج براد الماي في البدايه ما تحتاجيه تقدرين تحطين جيك ماي في الثلاجه او تشترين كرتون ماي المعباء اما الميكرويف تحتاجينه من بعد الفرن لانه ساعات تحتاجين تسخنين الاكل وراح يسخنه بطريقه اسرع
6. واذا كانت عندج غرفه ثانيه خليها للاخر عقب ما تكملين كل الي تحتاجينه
7. اما الحمامات ما تحتاج اشياء غير علب الصابون والشامبو وستاره داخليه ومرايه


اتمنى اني ساعدتج وان شاء الله هاي الطريقه الي راح اتبعها لما انتقل للشقه راح ابتدي بالضروريات :)

رفع

أستغفر الله الذي لاإله لا هو الحي القيوم وأتوب إليه

الله يوفقك يارب ..
اول شيئن مهمات: المطبخ وغرفة النوم
وانتي شوفي احتياجاتك بالنسبه لطريقتك بالتنظيف .. غسل الملابس .. الكوي
يعني لما بتطبخين لشخصين وش تحتاجين للطبخ .. وش تحتاجين لتقديم الاكل
اذا بتسألين عن المفروض يكون موجود من اجهزه
المطبخ : ثلاجه .. فرن.. غلايه..برادة مويه
مكنسه للتنظيف .. شطافه .. فوط لتمسيح المواعين .. وفوط للاسطح..وشبك للمواعين .. زباله كبيره للقراطيس والاكياس والعلب
زباله صغيره للنعمه ..

المطبخ : طقم قدور يكون احجام مختلفه وهو عادة يبناع مع بعض .. سفره اللي تجي بكرتون تكون كذا صحن .. والاشياء اللي ت
تستخدمينها بالطبخ او الاكل والشرب عاده قطاعه لحم وقطاعه سلطه .. طاحونه قهوه او المولينكس اللي تجي طاحونه وخلاط
طبعا ابريق ودلة قهوه بيالات فناجيل
اثثي مكان للقعده طقم كنب وتي في .. وانتي شوفي وش يحتاج كماليات وزيديه
اممم
غرفه النوم عاده بس غرفه .. سجاده .. مفرشين للتبديل بينهم
والاكسسوار والاشياء الثانيه على شوي شوي
لاتنسين البخور ومعطر المفرش والفواحات اهم شي

ولاتتوقعين انك بتخلصين كل شي مره وحده .. صار لي 9 سنوات متزوجه وكل شوي يطلع لي شي ناقص
خاصه المطبخ
مواد تنظيف ( جف للاسطح .. عملاق للارضيات .. كلوركس .. لازم مكنسه مخصصه للمطبخ ومكنسه للحمامات .. مكنسه كهربائيه .. مكوى وطاولة كوي
اشياء كثيره انتي شوفي وش تحتاجين وكل مره اشتري شي
الله يوفقك مره ثانيه واتمنى اكون افدتك

انا مو ساكنه بالطايف بس اعرفها زييييييين اسعارها عاليه ع غير سنع بصراحه

روحي جده خاصه الصواريخ اثاثهم واكسسوارتهم حلوه ورخيصه

والادوات الكهربائيه لاتستعجلين لان احيان المحلات يسوون تخفيض

الله ييسر امرك ويوفقك