كل يوم ادخل قسم اطباق عالم حواء واشوف ماشاء الله البنات السنعااااااااات منزلين طبخاتهم وغدياتهم
فقلت بنفسي وليه ما اوريهم بعد اني سنعه واعرف اطبخ:cook: <= غارت منكم :
عااد انا ابو الشباب دايما يقول اذا صلحت شي والله لو انك مخترعه صااروخ يعني دايما يحطمني:06:
فصورت غدانا وقلت بوريكم شغل دياتي ماشاء الله تبارك الله وانتم احكمو
وعشان ما يكثر هرجي وبربرتي
غدانا اليوم صينية رز بالربيان صراااحه طعمها جنان واللي:o
تبي الطريقه تبشر شوفو الصور
هذي الصوره يقالي حركه بخليها قريبه بس ما ضبطت :42:
وهذي الطريقه
كأسين رز الوليمه او اي رز انتي تستخدمين
بصلتين مقطعه مكعبات صغيره
ربيان المجمد كيسه كامله
ماجي مكعبين
بهارات مشكله
بهارات صحيحه هيل ومسمار وورق غار
زعفران منقع في ماء او صبغ الأكل
قليل من الزيت
زبيب للزينه
اولا تغسلين الرز وتنقعينه بالماء
ثم تسلقينه في ماء وقليل من الزبده وملح ومكعب ماجي والهيل والمسمار وورق الغار واثناء ما الرز على النار يوضع في قدر
البصل ويترك على النار حتى يشقر لونه ثم نضيف عليه الربيان بعد غسله وتنظيفه والبهارات ونصف حبه ماجي واذا تبين حطي شوي فلفل
ويترك على النار تقريبا ربع ساعه ثم يزاد عليه تقريبا ربع كوب من الماء ويترك شوي على النار ثم طفي عليه
طبعا الرز اذا صار نص استواء نصفيه من الماء ثم نضع نص الرز بالصينيه ونضع نص الحشوه ونخلطها
ثم نضع باقي الرز ونض الخلطه الربيان ثم ضعي الصبغ او الزعفران علشان يصير ملون طبعا اللي انتي منقعته من قبل في ربع كوب ماء
نقلي بصل جوانح مع زبيب ومكسرات او صنوبر ونضعها على وجه الصينيه تغطى بالقصدير لحين التقديم تترك بالفرن ربع ساعه على نار متوسطه او ثلث ساعهثم قصري عليه واتركيه الى ان ياتي وقت التقديم
وبس
وشغلك مرتب
ومانستغني عن الطريقه