تعالوو شوفو قصه ولادتي والله يرزقكم نفس ولادتي يآرب..

السلام عليكم بنات وان شاء الله بخيرر...
انا كان لي اخر موعد لولادتي 30-7-2007 المهم رحت للدكتورتي الثانيه هذي عطتنيى موعد 3-8-2007 قالتلي هذي موعد ولادتي قتلهاا غريبه دكتوره دكتورتي الاولي : عطتني 30-7 قالت لااا.. ان شاء الله تولدين 3-8-2007 المهم وطلع كلام صح بس ولدت 2-8 02007 ماشاء الله عليهاا شاطره هالدكتوره

المهم يووم الثلاثاء قبل موعد ولادتي بيوميين .. كنت بييتى وجت امي زارتي ولا شفت ويهي اصفرر وقاعده اتمغص قالت لي : والله شكلها ولادتج قربت تعالي نامي عندي قتلها لايمه بروح شوي مع زوجي اتمشااا... لانه انا من اول مادخلت شهري انا وزوجي نتمشااا بليل المهم راحت امي واناا قاعده بشقتي عااد بعد شووي دقت امي ع زوجي قالتله تكفي روح اخذها وجيبها عندي ترى شكلهاا تعبانه وماتبي تجي جاا زوجي يركض قالي شفيج امج خرعتني قتله ايه والله .. تعبانه وقعدت ابجي:( :(

المهم حطيت جنطتي ولبست ودعت شقتي وانا دموعي اربع اربع:(
رحت لا امي وزرتهم نمت وثاني يووم جو خواااتي ولا جااني عووار يجي ويروح المهم قمت ابجي قالت اختي امشي نتمشاا بالمشااات....قتلهاا يلله مشيت تقريبااا ربع ساعه طاااح حيلي:09:

رجعت البيت ونمت قعدت ساعه 2 بليل احس بعووار المهم قعدت اقراااا ادعيه وسوره مريم وسوره الزلزله وشربت داررسين
نمت ساعه 3 ونص قعدت اربع وعووار ذبحنييييييييييييييييي بمووت
المهم نمت ولا قمت حسيت بعووار مو طبيعى المهم رحت الحمام(( اعزكم الله)) ولا اشووف دم الله يكرمكم قلت خلاص هذي ولاده.. قلت لا امي ولا قالت يلله دقيت ع زوجي وجاااا خذاااني مسكين النوم في عيوونه رحت للمستشفي عااد المستشفي بعييييييييد وايد عن منطقتنااا والله بالطريج ودي اطيرر واوصل المستشفي المهم وصلت ولا قالوو تعالي نفحص قالو مفتوحه 1 سنتم انا هني ضااق صدري:(

قالو تعالي نحطج بغرفه التخطيط نشووف الطلق قوي ولا خفيف ونشوف البيبى شافو قالو البيبى سليم بس الطلق قووي يعني ولاده...
المهم ودوني غرفه ولاده خاصه هذي زوجي تكفل فيها عشان يدخل هو وامي معااي بس خووش غرفه ولاده تهبل تهبل تلفزيون وكراسي تهبل ههههههههه...
المهم عطوني ابره وتخطيط البيبى والخ ...
ولا جااني عووار الطلق زااد هذا الكلام ساعه 11 ونص الصبح..
وخواتي عندي بالغرفه وانا اطلق بس والله يابناات ماطاح من لساني الادعيه لتسهيل الولاده اللي حطتها وحده مره بالمنتدي جزاه الله كل خيرر..
واقراا وادعي بس ماكنت خايفه ولا ابكى لانه قالتلي امى لاتخافين ولا تبجين مو زين وبعدين الرحم يصكر...المهم ساعه 12 ونص قالو خلينا نشق ماي الراس قلت يلله وشوقهاا
عااد من اول ماشقوهاا الله لايوريكم جاااااااااااا الموت الحمررر بدا الطلق يزيد يزيد واناا اصاارخ من الالم المهم جو فحصوني قالوو 4 سنتم مفتوحه بعد نص ساعه جو قالو 6 سنتم مفتوحه اخررر شي قالوو 8 سنتم مفتووحه اهنييييييييييي بغيت امووت احسس بشي مو طبيعى تحت لا وامي تقولي الطلق مثل عوار الدوره:angry2:
المهم جت الدكتوره وجت دكتوره ثانيه ياحليلها تهبل..ساعدتني وايد المهم 4 دفعااااااااااات بالظبط وانزلت العرووووووووووووووسه :icon28: ااااه يازين هذي اللحظه يابناات يووم قطوهاا علي صدري وانا ابوسهااا بوووس ... بس اصعب شي كان بولادتي ماعرفت شلون ادفع:09:
بس الحمدلله ولادتي كاانت نص ساعه تقريبااا وياارب الله يرزقكم ولاده ميسره وسهله مثلي وصدقووني كثرواا من قراااءه سوره مريم والزلزله...وادعيه..


:26: