هذي آول مشآركه لي و بغيتكم تساعدوني . . :(
آنآ متزوجه و عندي غرفه و صاله
و انتو تعرفون انه الوحده تكون محتاجه لمطبخ . . . و آنآ عندي هالمساحه اللي استغليتها للثلاجه و النسكافيه . . . و أحس هالمكان اكثر مكان حيوي فبيتي . . . يعني انا و زوجي نتردد على هالمكان بكثره . . . لاننا ببساطه نحب النسكافيه و احب اجهز شاي لزوجي من صنع اياديه بعد ما نتغدى مع اهله . . .
ببساطه احس اني مستغله هالمنطقه بسكل خاطئ يعني اولا انا محتاجه يكون عندي مايكروويف صغير نسخن فيه الكرواسوون و غيره و محتاجه مساحه اكثر للصحون لانه في بيت اهل زوجي اعتمادهم كله على الشغاله والله لا يراويكم وين تكون الصحون و الكائنات الحيه اللي تعيش مع الصحون فالخزانه بالمطبخ . . .
و بطبيعتي و مثل ما علمتني امي ابد ما نعتمد على الشغالات . . .
الشي المتعب عن الترتيب الحالي انه الرفوف مفتوحه و تكون اكثر عرضه للغبار و انا انسانه عدوي اللدود الغبار
ميزانيتي 2000 ريال هل برايكم افصل خزاين و مكان يشبه المطبخ التحضيري الاصغييير جدا . . . ! ! !
ملاحظه . . . بيني و بين بيت اهل زوجي باب المونيوم سحب و عندهم ولد صغير عمره سنتين يفتح الباب بسهوله و انا محطيه فالرف الاخير شوية منظفات و آخآف عليه بصراحه لاني كم مره مسكته يلعب و الثلاجه صغيره و يقدر يفتحها و يلعب بالاغراض اللي فيها . . .
بغيت خبرتكم و افكاركم ابا اغير هالمكان تغيير جذري و ابا يكون احلى و ارقى و اسهل فالتعامل . . .
فوق