((تعالو أقلكم التصرف السليم عند وقوع الاعصارات والأمطار القويه))

كل المواقع العربيه والأجنبية حذرت من يوم الخميس الفجر من تكون امطار شديده واعطت موقع ناسا الون الاخضر لدرجه الخطر وهو نفس الون الي أعطته عند تحذير عمان من إعصار فيت وجده وتبوك السنه الي فاتت لمن جلهم السيل وكله بيد الله عز وجل ونحن ليس علينا غير الدعاء

الكثير عند حدوث الأمطار القويه ويخافوا ويبكوا ولايحسنو التصرف وهذا ياثر على الاطفال الي يكون موجودين وعلى كبار السن فتعالوا اقولكم عن افضل التصرفات. وانا عن نفسي مشيت عليها وقت سيول جده لأني كنت في منطقه قريبه منها والحمده الله ربي لطف فقط السقف طاح بعضه بس مع التصرف السليم الحمد الله منعنا فزع الاطفال وانا اتعلمت قوانين السلامه من ارمكوا ودورتها
 
1- أنكم تجهزوا مكان في البيت او غرفه للتجمع فيها بدايه اشتداد المطر وأخبار جميع افراد المنزل والاتفاق معهم وتكون مجهزه ببطانيات مصابيح وكشفات علشان عند انقطاع الكهرباء وعدم فزع الاطفال وكمان مويه وأكل خفايف ولو في أطفال الرضاعات المهم الي يلزمك من اغراض ضروريه علشان ماتحوسي تدوري على كل شي

2-إطفاء المكيفات وأي كهرباء لعدم حدوث التماس لاسمح الله بسبب الرعد ولازم يكون موجود قريب طفايه حريق

3- الابتعاد عن الشبابيك التي تحتوي على قزاز لانها خطررررره ممكن يتكسر من شده الإعصار وياذي الموجودين
4- عدم الخروج في الفناء او خارج المنزل نهايا الين انتهاء العاصفة
5- الاطفال :04: الصغار مرره من 1 الين 3 جيبو لهم اي شي يتسلوا فيه علشان مايخافوا العاب اي شي يحبوه والأطفال الاكبر سنا تعويدهم على ترديد الاذكار والادعيه

والحمد الله على كل شي ويارب يجعلها سقيا خير يااارب. والي تبغا تنقل الموضوع امااانه تذكر المصدر لانه اجتهاد شخصي وان شاء الله يعم الفائده على الجميع وارجوا تثبيت الموضوع للفايده