بسم الله الرحمن الرحيم
كيفكم يا حوائيات ..
انا حطيت من يومين موضوعي عن السمن وانا الي جربته هو سمن فااارم وده( سمن حيواني )..
وقلت اني استعملته على شعري وجربته 3 مرات وكنت أحطه قبل ما أنام واحط كيس عليه واصحى واستحم ...
امبارح قبل ما أنام حطيت سمن شوكة وملعقه وهو ( سمن نباااتي )عشان اجرب عشان أخبر الاخوات الي يسألو عن شوكه وملعقه ..
المهم حطيته قبل ما أنام وصحيت واستحميت ..
...
انا حأقولكم عن الفرق الي حسيته بالاثنين ..
بس بالاول حأقولكم تاني عيوب شعري ..
شعري من النوع الجآآآآآآف وشديد التقصف بطريقه لا تطاق واحسه ناشف مع انه مش خشن وهو من النوع الملتف بألتفافات متوسطه .. مش التفافات كبيره غجريه ولا التفافات صغيره الي هو النوع الافريقي ..
...
والان حأقولكم الفرق ..
سمن شوكة وملعقه النباتي ..
لما جيت شلت الكيس لأستحم كان شعري مدري كيف اشرحلكم لكن كان مفرق .. يعني مش متجمع مع بعض زي الحزم .. كان كل شعره وحدها وكأني بالزبط حاطه جل .. كده تحسو كل شعره لوحدها ونا شاء الله فهمتو قصدي ..
وكمان شكل السمن النباتي ده متل الزيت يعني ساااائل ...
حسيت بنعومه بشعري ..
..
بالنسبه لسمن فاارم الحيواني ..
لما حطيته كان شكله كتل مجتمعه ولما احطه على شعري احس انه ثقيل وانا احطه وسميك ملمسه ولما اشيل الكيس بالصباح لاغسل شعري احس شعري مجمتع ككتله واحده ..
..
كان سمن فارم الحيواني افضل بكثييير من شوكه وملعقه من ناحية انو عالج التقصف والجفاف واحس انو شعري بتكبر التفافاته واستغنيت تماما عن الاستشوار وشلت من بالي فكره اني افرد شعري .. ..
## دي ملاحظه : انا جربت سمن فارم الحيواني وحطيته على رجلي ولبست شراب لانو هنا قالو انه يبيض وينعم وكده .. بس مابيضني صراحه .. والنعومه اه نعم البشره ...
لكن لما جربت سمن شوكه وملعقه على رجلي فعلا بيض ونعم .. ( لاحظوا الفرووق )
..
نجي لسمن شوكه وملعقه : انا ما أجربته الا مره .. ومابدي أقولكم على شئ ما جربته بنفسي اكتر من مره بس هنا من خلال قرأتي للكثير من المواضيع انو نفع الاخوات في اطالة الشعر وتكثيفه ..
لكن من حيث معاجته للتقصف .. فسمن فارم الحيواني عاااالجه وانا حأسميه الفااارد لانو جد يفرد الشعر بطريقه مذهله ...
وعلى فكره .. سمن فارم أغلى من سمن شوكه وملعقه ..
وحأقولكم الان طريقه كيف كنت أحط سمن فارم على شعري ..
كنت اخذ جزء وافرك فيه شعري يعني افرك جلده شعري ..
وبعدين أخذ كمياااات كبيره واحطها على شعري من برا لانو مرررره مقصصف ..
وامسد على شعري من برا مره ومرتين وتلاته وبعدين امسك كل شعري بيديني وامسد عليهم كلهم وبعدين ألفهم واعملهم كعكه ( عشان يتعود شعري يصير ملفلف :27:) ..
واحط شباصه واغطيه بكيس وانام وبالصباح لما افتحه واشيل الشباصه اشوف شعري مجتمع مع بعضه وشكله راائع ماشاء الله وده الشئ ماشفته بسمن شوكه وملعقه ..
وسلامتكم..
cute moon @cute_moon_1
محررة ذهبية
هذا الموضوع مغلق.
المورد العذب
•
مشكوووووووووووورة
الصفحة الأخيرة