صباح / مساء الخير على الجميع .
بالمختصر المفيد فيه بنات كثير يتعبها نوى التمر لم تجي تحمسه وتطحنه
عذاااااااااااااب بحمسه ما ينحمس بسرعه وبطحنه بعد ما ينطحن بسرعه
وإذا انطحن يخرب الطاحونه أنا زمان كنت أعاني منه وصرت أحمسه وأوديه المطاحن علشان التهزيئ الي كنت آخذه
من أمي في كل مره أخرب فيها الطاحونه :hahaha:
فسويت طريقه من إختراعاتي
ههههههههه ريحتني كثيرولا صرت أودي النوي للمطاحن ولا شي يمكن أكثركم يعرفها لكن والله ماحطيتها إلا إني طمعانه
بدعوه حلوه منكم :35:
الطريقه هي
بكل مره تاخذين تمر وتحطين قهوه وتتقهوين ويبقى النوى خذي نوى التمر وحطيه بقدر صغير
وافتحي عليه المويا واغسليه زي ماتغسلين الرز لين ماتشوفين القشور مع المويا وكبي المويا
واغسليه ثلاث مرات لين تشوفينه صار نظيف بعدين جيبي المصفاة وصفيه وحطيه
بصينيه وركض على السطح أو الحوش وخليه بالشمس كم يوم لين ماتشوفينه صار أبيض وناشف
وبعدين احمسيه على النار وانتظري حتى يبرد تماما (لأنك لو طحنتيه وهو حار برضوه ماراح ينطحن معك )
وبعدين دقيه بالنجر أو الهاون وبعدين اطحنيه راح ينطحن معك بسرعه ويصير بودره:) .
طبعا بتقولون نحمسه بدون التعب هذا كله أقول لكم ماراح ينحمس ليش
لأنه من جوى النوى رطب وفيه رطوبه وراح تطولين وانتي تقلبينه عالنار ويسود من فوق
ولم تجين تطحنينه ما ينطحن لأنه النار مادخلته بس تحمر من فوق ومن داخل رطب
وكثير خلطات حلوه فيها نوى التمر المحموس والمطحون.
وبس هذا الي عندي وحبيت أفيدكم فيه مثل ما استفدت والطريقه هذي أنا دايما أسويها
ولا تقولون تعب هي مو ورى بعض وكلها بوقت واحد لا
وتكفون ادعو لي ان الله ييسر أمري ويتمم زواجي على خير ويستر علي مع:arb: يارب ...
الله يوفقك