مساءكم /صباحكم الله بلخير
من تخرجت من الجامعه تقريبا من سنتين أنقلبت حياتي من فوق لتحت حسيت بفراغ مو طبيعي لا وظيفه ولا زواج صرت أضيع وقتي بنوم وأنترنت ومطالع تلفزيون تخيلو بنات برمضان انام النهار كله ما أصحى إلا على وقت الفطور وياليتني أفطر بعد أذا أكلت شي أرجعه الله يكرمكم خسرت من وزني ما قلت امين من شافني خاف من شيفيتي لدرجه أمي بعض الاحيان تسمي مني ..ضليت على ذا الحال الين ما جاء شهر 11/1430 جاتني وظيفه وحسيت أني بديت أتغير شوي وشوي
لكن بشهر 3 من هذي السنه عزمت اني اغير حياتي للافضل ..حاولت أحسن علاقتي مع ربي ثم مع نفسي ثم مع أمي ومن حولي
مع ربي:داومت على لاستغفار على أني مداومه عليه من قبل بس حاولت أستغفر أكثر وأكثر حاولت أصلي صلاة اليل أذا كنت صاحيه وداومت على الوتر قبل ما انام هتميت بصدقه
مع نفسي:حاولت احب نفسي لأني وربي كنت أكره نفسي بشكل مو طبيعي لدرجه أذا شفت نفسي بلمرايه أكش على وجهي وأقول مالت عليك اهتميت بصحتي الحمدالله سمنت 8 كيلو وهتميت بشعري وطلع يجنن حاولت أعجب بنفسي وصرت واثقه من نفسي كثير وأحسب لكل كلمه تطلع مني الف حساب ولا اتكلم بشي بايخ اول ماله داعي صرت ثقيله ما يهزني شي
صرت ناسيه موضوع الزواج ولا عاد صرت أفكر فيه مثل قبل لأني أقنعت نفسي بأن هذا نصيب بيد ربي مو بيد إي أحد متى ما جاء يجي..
مع إلي حولي:صرت أنسى كل موقف صار مع إي شخص وجرحني فيه حاولت أنسى كل كلمة جرحتني حاولت أفهم من حولي تقربت من امي كثير وصرت أحاول البي لها كل شي تبيه واجيب لها كل شي نفسها فيه
ماصرت أهتم بكل كلمه تطلع من إي أحد وهي على غير سنع ويحاول يصتنقصني فيها حسيت أني مهمه لأني صرت أصرف على بيتنا وإي محتاج ما أقصر معه
أدري طولت عليكم بس حبيت أنقل لكم تجربتي لعل أحد يستفيد منها أو تقراها إي بنت تحس أنها يأسه من حياتها وتعرف أنه لايأس مع الحياة ولا حياة مع اليأس
إي بنت تمر بنفس ضروفي قبل وتبي مني مساعدتها لا تترد تطلبني وانا تحت أمرها
دعواتكم بنات لي بتوفيق والخواتي والجميع بنات المسلمين
تحياتي..:26:
manar-s @manar_s
عضوة نشيطة
يلزم عليك تسجيل الدخول أولًا لكتابة تعليق.
هدووووء
•
الله يوفقك ومن حسن لأحسن ان شاءالله ويرزقك ماتتمنين
كتكووتة
•
الا بذكر الله تطمئن القلوب
عسى ربي يثبتك على طاعته
الله يوفقك ويوفق أخواتك
ويرزقك ماتتمنين
عسى ربي يثبتك على طاعته
الله يوفقك ويوفق أخواتك
ويرزقك ماتتمنين
بجد الواحد إذا حب نفسة قدر يعدل الأشياء السلبيه فيه
ويطور من الإيجابيه للي فيه
اما إذا كرهها أو إحتقرها فهو من سيئ لأسوء
اعانك الله وثبتك
ماشا الله تبارك الله..
كانك تتكلمي عني بالضبط..
لكن انا لازلت على هذا الحال..للاسف..
ماعاد بقى فيني روح..
جلد وعظم..
كانك تتكلمي عني بالضبط..
لكن انا لازلت على هذا الحال..للاسف..
ماعاد بقى فيني روح..
جلد وعظم..
الصفحة الأخيرة