:( اليوم انا حزينه ومتضايقه وايد :icon33: ومالقيت حد اشتكي له غير الله ثم انتو ياخواتي
بقولكم عن زوجي وعطوني حل معاه
انا زوجي متدين ولله الحمد ويموت فيني ومرتاحه معاه وايد
بس فيه كذا عيب ماقدرت اغيرهم على الرغم اني اللحين بكمل معاه 8 سنين بس كل مااحس اني غيرته يرجع نفس اول ولا عارفه شسوي فيه :icon33:
اول عيب بزوجي انه مايحب يطلع من البيت يعني لا تقولين له نروح نسافر او نبات برا في اي مدينة في الدولة فلا يمكن باي حال من الاحوال انه ينفذ لي هالطلب الا اذا سويت له مشكله وبوزت كم يوم يمكن يرضى انه يوديني يوم نبات وثاني يوم الصبح نرجع على طول تخيلو !!! وفوق هذا مايرضى يطلع معاي اي مكان فيه اختلاط او زحمة يعني مثلا اي سنتر او مركز تسوق مستحيييييييييييييييييييييييييل يروح معاي الا نادرا واحسه رايح غصب عنه ويقعد يذلني طول اليوم واذا بيوديني اغلب الاحيان ينزلني على باب المركز ويرجع لي بعد مااخلص او اروح مع السواق او حد من خواني او خواتي هو مايروح معاي يازعم مايحب يشوف مناظر البنات ولبسهم وحركاتهم في المراكز يخاف على نفسه من الفتنه :09: ويقول انه مايستحمل يشوف مثل هالمناظر
ثاني شي زوجي من النوع اللي اذا زعل معاي حتى لو هو اللي غلطان يقاطعني ولا يكلمني ولا يقعد معاي ويهجرني ولا حتى يطالع بوجهي لين مااروح له واراضيه او تتدخل امه بينا وتحل الخلاف :icon33: وعجزت كل مره اتناقش معاه بنفس الموضوع واقوله مايصير انك تهجرني وتقاطعني هالشكل خلنا نحل مشاكلنا بالنقاش والتفاهم بس مافي فايد وعلى فكره تراه عنيد جدا واذا حط براسه شي يعني اذا زعل وقاطعني يغصب على نفسه انه يبتعد عني مع انه يقولي لما نرضى ونرجع لبعض انه كان بيموت يبيني اكلمه او المسه :eek:
شسوي معاه اللحين هو زعلان علي بسبب موقف ماكان لي ذنب فيه ولا كنت قاصدتنه وقلت له هالشي بس ماشي فايده والموقف ابدا مايسوى كنا في دبي وكان يبي كالعادة طبعا يرجعنا بنفس اليوم بعد مانخلص من السوق على طول وكانت اخته وبناتها معانا فشفت انها مب حلوه انا نرجع بدون مانتغدى وقلت له ووافق طبعا بعد ما تأفف وتنرفز ورحنا المطعم نزلت بشوف اذا في مكان كبينه لعائله قالي الموظف الكباين كلها محجوزه بس هو ممكن يدبر لنا طاولتين في زاويه تصلح لنا وقلت له هالكلام نزلنا يوم رحنا المطعم كان المكان بالمره مو مناسب يعني الكل رايح راد علينا وطبعا لما حطو الغدا كل وحده منا شالت النقاب عشان تاكل هو صار وجهه اشكال والوان طيب شنسوي يعني كيف ناكل واذا المكان مب عاجبك ليش خليتنا نقعد يقول لا انا وافقت عشان ماتبوزين وتسوين لي سالفه بس مره ثانيه لما اطاوعك في شي :angry2:
وانا غلطان اني سمعت كلامج وقعدنا تغدينا وووو ..... :44: طول الوقت كان ماد بوزه ومعصب حتى اخته تضايقت وانا من الضيق ماكلت شي وخلانا نطلع بسرعه حتى مالحقنا نغسل ايدينا هالكلام من يوم الخميس ولين اليوم وهو معصب ومتغير وانا كلمته يوم الخميس وحاولت افهمه بس ماشي فايده وهو مسوي نفسه زعلان وانا مطنشه
بس خواتي انتو تعرفون كيف الوحده منا تتأثر لما زوجها يعاملها مثل هالمعامله وانا ماقدر اعيش مع انسان زعلان علي ومطنشني اتضايق ونفسيتي تصير زفت :icon33:
عجزت مع هالرجال ماعرف شسوي معاه رغم ان الكل حاسدني عليه كل الصفات اللي فيه حلوه ماعدا هالعناد والاتكاليه يعني انا احجز انا اسوي كل شي انا ادير البيت اصرف الميزانيه كل شي بس ياويلي اذا غلطت يحاسبني ويقعد يذلني
عطوني حل احس اني بنفجر :024:
غرشوب رعبوب @ghrshob_raabob
محررة برونزية
يلزم عليك تسجيل الدخول أولًا لكتابة تعليق.
اختي مهى مشكوره الغاليه على مرورك وكلامك اللي فيه مواساه لي :( <<<< لقيتي حد مثلك
بس اختي المشكله مب في الروحه على السناتر لا خلاص انا صرت اروح بروحي واحس اصلا انه اريح لي عشان اخذ راحتي ولا حد يستعجلني وينكد علي بس المشكله انه مايحب يطلع برا حدود المدينه ابدا واللي مضيق علي اكثر انه كذا مره راح مع اصدقاءه مو بس برا المدينه يتمشون لا راح برا الدوله صح رجع بنفس اليوم بس ليش يسوي خاطر عشان ربعه وانا وعيالي مايرضى يطلعنا اي مكان :icon33:
وبعدين اذا رضى يطلعنا اي مكان يقعد يقولي انتي حددي وين تبين تروحين وقولي لي وين بالضبط وكم بنقعد وووو الخ من الاساله اللي تخليني اكره الطلعه معاه :icon33:
بس اختي المشكله مب في الروحه على السناتر لا خلاص انا صرت اروح بروحي واحس اصلا انه اريح لي عشان اخذ راحتي ولا حد يستعجلني وينكد علي بس المشكله انه مايحب يطلع برا حدود المدينه ابدا واللي مضيق علي اكثر انه كذا مره راح مع اصدقاءه مو بس برا المدينه يتمشون لا راح برا الدوله صح رجع بنفس اليوم بس ليش يسوي خاطر عشان ربعه وانا وعيالي مايرضى يطلعنا اي مكان :icon33:
وبعدين اذا رضى يطلعنا اي مكان يقعد يقولي انتي حددي وين تبين تروحين وقولي لي وين بالضبط وكم بنقعد وووو الخ من الاساله اللي تخليني اكره الطلعه معاه :icon33:
لا تدققين يا أختي علشان تمشي حياتكم وبعدين زوجك الحمد لله بشهادتك أن مزاياه أكثر من عيوبه وهذي ياأختي نعمة كبيرة ,,,تخيلي أنه راعي سكر وعربدة ويجيك كل ليلة سكران طينة أو يناظر في الحريم وأنت تموتين قهر ...
أحمدي ربك ,,والله معاه حق أنا يالحرمة إذا رحت السوق رجعت متضايقة من المناظر اللي أشوفها . :(
أنتي يا غرشوب حطي مميزاته قدام عيونك دايم وصدقيني بتقولين الله يخليه لنا وترى لو طاح في الطلعات عز الله بتتعبين صدق :icon33:
ماتشوفين شكاوي الأخوات اللي رجالهم يطلعون كثير الله يهديكم لبعض ويصلح مابينكم وأرجع أقول أحمددددددددددددي ربك
أحمدي ربك ,,والله معاه حق أنا يالحرمة إذا رحت السوق رجعت متضايقة من المناظر اللي أشوفها . :(
أنتي يا غرشوب حطي مميزاته قدام عيونك دايم وصدقيني بتقولين الله يخليه لنا وترى لو طاح في الطلعات عز الله بتتعبين صدق :icon33:
ماتشوفين شكاوي الأخوات اللي رجالهم يطلعون كثير الله يهديكم لبعض ويصلح مابينكم وأرجع أقول أحمددددددددددددي ربك
الصفحة الأخيرة
معاه حق الزلمة !!! ما بيحب يروح سنتر خلاص اتركيه وروحي بنفسك !!!
أنا كنت من سنة تقريبا كل ما نروح نرجع متنرفز ونبقى يومين زعل بدون كلام !!! وبعدين خلاص صرت أروح لوحدي وهو أبدا ما يخرج غير للعمل ويرجع للبيت وبس ولو تأخر 5 دقائق عن البيت يتأثر ( بيتوتي )
مطاعم هذي انسيها !!!!! الا عشان الأولاد ويكون المكان فاضي .