تعالو احكيلكم حمل غير متوقع الم عذاب اكشن مع فضفضه خارج الموضوع

السلام عليكم ورحمة الله وبركاته
كيفكم حبيباتي
صباح الخير
حابه اذكرلكم تجربتي القاسيه مع حمل خارج الرحم
مع شويه فضفضه انا حطيت الموضوع في هذا القسم عشاني كتبته وحفظته فجوالي ولما جيت انسخه ع اساس احطه فقسم حياة اسريه سعيده لاحظت انه يتكلم عن موضوع يخص هذا القسم فقلت بدل ماينقلوه هنا واجلس ادور عليه خليني احطه هنا من اولها فصار موضوع كبير ،،،، وكمان قلت اخليه هنا يمكن احد يستفيد ويسمع معلومات اول مره يسمعها
والله يعينكم على هذرتي لاني من زمان مااكتب موضوع في المنتدى بس متابعه باستمرار بعض الاقسام
وان شاءالله تفهموني ومايكون في لخبطه في الكلام لان داخله من ايفوني
قبل ست ايام يوم الاحد الي فات اول ماقمت من النوم ع الساعه احدعش صباحا جاني مغص متوسط القوه الى خفيف جلس ثلث ساعه وكنت مو مره عايراه اهتمام لان كان ولدي عمره سنتين يبكي وكنت اسوي فطور خفيف لي وله وكنت اقول فنفسي الله يستر يمكن انها زايده ومر الوقت سبع ساعات الين المغرب وماشاءالله ماجاني شي
بس كلمت اخويه بالصدفه وقلي انتبهي لاتاكلي شي يمكن تكون زايده ولازم تكوني صايمه وفعلا ماكلت شي من المغرب ولا شربت مويه وع الساعه احدعش بالليل تقريبا نامو اولادي
وجاني الم خفيف ربع ساعه ومع الساعه وحده فجاءه ومن غير اي مقدمات الم قوي مره قمت اصرخ بصوت عالي جدا ومريت جمب غرفة بنتي وانا راكعه وفتحت بابها بسرعه من غير مالف لان عارفه ماحالحق الف وجلست اناديها الحقيني واطيح
فمدخل المطبخ وكان ظلام واخذت وضعيه السجود وماقمت مدة ساعه كامله تفكيري كان مشلول ماكنت افكر يابنات صدقوني باي فكره غير الموت الم لايوصف ابدا مغص على تقطيع على حرق وجسمي كله عرق وارتعش وريق من فمي وغشاوه فعيني من قوته من غير مااحس لاشعوريا كنت حاطه اصابيعي فحلقي معدتي بكبرها بتطلع مااتمناه حتى للعدو ولا للكافر شريط حياتي مر قدامي بلحظه وحده وكنت اقول لبنتي سامحوني وترى عليه قضاء وكل ماتذكرت شي اقلها اكتبيه فورقه وهي تصارخ وتسحبني للصاله وتجيب كيس عشان ارجع بس اصلا بطني فاضي ماكان يطلع شي كانو اولادي كلهم حتى الصغير يصارخو ماما ماما بشكل غريب وانا وصلت لدرجه اصارخ واقول اسكتو بتموتوني مابغى اسمع شي خلاص باعدو عني كان بطني يتقطع
وكان في شي يبغى يشقه شق ويطلع، زوجي عنده ظرف وماكان موجود وولدي بالثانوي الله يحفظه بس ماعنده سياره وماجا على لساني غير انادي بنتي واقول اسعاف ومو هذا كله خوف على نفسي بس ابغى احد يخلصني من الالم حسيت بلحظه اني ممكن اموت نفسي من جد
دقي ع الاسعاااااف قالت من جد كيف وكم الرقم ومادري ايش والله العظيم اسمع كلامها كانه طرق على راسي بالمطرقه هي تكلمني وانا ازيد صراخ والم وفجاءه اسمعها تكلم الاسعاف شكلها بحثت بالنت عن الرقم وبعد كدا عرفت ان الاسعاف ماشاءالله على طول ردو وماتاخرو سالو انتو في اي مدينه واي حي وجلسو اولادي يوصفو والمهم جات بنتي تلبسني ونزلوني وكان شعور غريب اول مره اخش سياره اسعاف ونمشي ع اقرب مستشفى وع الطواريء وعلى طول عطوني مسكن قوي وعشر دقايق وهدء الالم لكن هدوء نسبي اسفل بطني جهة اليمين كأن فيه قطعه جمر وانا احاول اتماسك وأئن ،وبداءو تحليل دم وبعدها اشعه وبعدها جا الطبيب الجراح المناوب يشخص الحاله طبعا من وقت ماخشيت يسالوني ايش فيك اقلهم زايده ومصممه انها زايده لان الالم في اسفل جهة اليمين جا الطبيب يقلي التحليل مو باين شي لان لازم اي التهاب في الجسم تظهر نسبه الكريات البيضا اكثر من المعتاد( مع ان سبحان الله الموضوع دا فكرت فيه بعدين انه كيف مابان التهاب وانا منفجر عندي الانبوب يمكن انه تحليل خاص بالزايده مادري او انه انفجار الانبوب ماله تحليل وفعلا اعتقد كدا )لان في المستشفى الي سويت فيه عمليه قالو نسويلك تحليل عشان هرمون الحمل نعرف انك حامل وبالاشعه لازم نشوف ايش في الرحم. المهم لحد الان مابان لا في التحليلولا الاشعه ولا التشخيص وانا لسا مصممه انها زايده
وجالسه الخبطهم بعدها قال الطبيب لا يااختي انا جراح وواضح من بطنك مافي زايده ملتهبه روحو مستشفى حكومي متخصص بالنساء والولاده لان يمكن يكون كيس دهني وهنا ماعندنا اشعه سونار فلازم تروحين لو عندنا سونار كان عرفنا نشخص واضطريت اروح وانا مومقتنعه ان كل هالالم كيس دهني او شي في المبايض عمري ماتوقعت ان كدا يكون المها وماكان عندي فكره كامله عن حمل خارج الرحم بس اذكر عمتي الي فسني حصلها كدا قبل عشر سنه ونسيت التفاصيل، واروح واتفاجيء تقلي انت حامل بس الرحم فاضي وموباين عندي ايش الي حاصل بالضبط بس اتوقع حمل خارج الرحم وفي سوايل كثير ونزيف ماصدقت كيف حامل وانا اخذ مانع وجتني الدوره😭 ولسا كنت غاسله منها ولي اربع ايام اخذ الحبوب ورابع يوم هو الي احنا فيه وجاني هذا الالم فطلع هذاك مو دم دوره مع اني عارفه انه كان دم غريب قليل مره هذا غير شي مهم اني اول ماجتني جلست كاني والده طريحه الفراش الم وثقل موطبيعي وما رحت مستشفى قلت يمكن هذا الم الدوره رغم اني مايجيني الم كثير كدا ياليت رحت مستشفى كشفت لان من المعلومات المهمه جدا جدا في هذا الموضوع ان لو عرفوه وعمره لسا اسبوع ينزلوه بأبره وكمان ماراح تذوقي الالم المبرح حقت الانفجار بس سبحان الله اعتقد انه ماكان راح نعرفه لان مايبان الا بالسونار ومااعتقد اني كنت بسوي سونار لان غالي باربع ميه الا اذا رحت مستوصف لان جمبي مستشفى كبير، والمهم اثاري الجنين في الانبوب وعامل عمايله وجالس يكبر في الانبوب وعمره سبع اسابيع
تصدقو وانا اكتب الموضوع افتكرت اني قبل اربع اسابيع جاني افراز بالرحم ورحت مستشفى كبير جمب بيتيوسوتلي الدكتوره كشف من تحت بهذيك الأله وقالتلي وضعك تمام بس اعطيك كريم داخلي لمده اسبوع وقالتلي اذا تبغي اسويلك اشعه سونار او اشعه من تحت بالجهاز للاطمئنان. بس انا رفضت قلت مالو داعي. سبحان الله معناته وقتها كنت حامل لو سويتها كان بان من بدري. وكمان المفروض قبل ماتسويلي اي شي تحللي دم كاجراء طبيعي بس انا والله كنت مستعجله وقلتلها انا اخذ حبوب ومو حامل. وبعدين جلسو الاطباء فحوصات وتحاليل وشوي ويجي زوجي لان ولدي رسلو رساله ان ماما طاحت من الالم وجا اسعاف وبيسولها عمليه حمل وجا يخاصم حرام عليكم ليه ماقلتولي ودق عليه وكان مره خايف ، المهم اخروني ع العمليه وانا ابغاهم يستعجلو ماعاد همني شي الا خوفي من الالم القوي يجيني خلاص منهكه ومواصله مافي نوم ومافيا حيل وخلوني تخيلو الين عشره الصباح وجوني يلا بنجهزك للعمليه ويدوب يساعدوني بغير ملابسي ويجيني الم اشد من الي جاني بالبيت وطحت عليهم واتالم وماسكه على بطني وينادو الدكتوره وانا ماعلى لساني غير حراااام حرام عليكم انتو السبب واسمع الدكتوره تقول يالله الحقو الحرمه جسمي قاعد يرتعش من انينها وصراخها وقامو يشيلوني وانا رجلي ميته قالو لازم اخر سونار نحدد المكان بالضبط وانا اصيح واتشهد واقلهم بموت والدكتوره الثانيه الاخصائيه تقرا علي قران والاستشاريه سعوديه تقلي لا الله يطول عمرك ويرجعك لعيالك الله يعافيك ومره متاثره وتدعيلي وانا خلاص ماعاد اسمعهم وارتعش ويشيلوني ع العمليات والله ماسالت مين الطبيب ولا ايش بتسوو ولا كيف بتخدروني بس ابغى اوصل وارتاح من الي انا فيه لو يفتحو بطني حتى من غير تخدير
واول مره اجرب بنج كامل واشوف طبيب التخدير يكلمني وشكلو متاثر مره من شكلي لان شايفيني منهاره الم وخوف وساكته طبعا مادري عن زوجي ولا اولادي اثاريهم هذا الوقت بالضبط يدوروني بالمستشفى مايدرون عن مكاني
وخدروني ولاني كنت مواصله وماشفت زي ماكنت اسمع انه نشوف غشاوه ومدري ايش لا فقط افتكر كنت افكر بلحظتها انه كيف لو ماتخدرت من جد تفكير مخيف ومره مو وقته واسمع الطبيب يقول يلا سستر حطي اتنين سانتي من مدري ايش وحطي ثلاثنين مو 35 وغمضت عيني وربي الهمني اذكر الشهاده وفنفس اللحظه افتح عيني واسمع كلمة حمدالله ع السلامه حمدالله ع السلامه
ووالله عيني لسا مفتوحه نص وابغى افتحها زياده موقادره
وحتى عقلي كانه حلم بس افتكر لحظتها كاني اقل لنفسي شكلك فقتي من البنج وسولك العمليه وكنت اقول الحمدلله جزاكم الله خير الله يعافيكم كنت مره اكررها كثير مدري ليه مع اني مو فايقه تمام بس من كثر الي مريت في فشكلها كانت ردة فعل انهم انقدوني شعور غريب جدا جدا سبحان الله
والحمدلله اولا واخيرا والانسان طالما انه عايش في هذي الدنيا معرض لاشياء كثير ويارب لك الحمد
طبعا ماتتخيلو قد ايش الناس الي حولي من جميع جهات المجتمع اتاثرو واتصالات وزيارات مستشفى
سبحان الله الا وحده تخيلو هي ساكنه بنفس عمارتي لدرجه اهل زوجي واتصلو سالوني اذا اتصلت اوسلمت
اوحتى رسلت سلام مع اولادي ولا ع الاقل ترمس شاي اوحليب قلت لاوالله مره زعلو وقالو هذي الانسانه غريبه مو معقول وانا ساكته بس اسمع لكن من الاساس ساكته من هول الصدمه انصدمت فيها زي مثلا اختي لو ساكنه عندي تحت ومازارتني كيف الاحساس؟ من جد حسيت نفسي سادجه طبعا هي حامل ومادري فين بتولد هنا ولا بلد اهلها وكنت مخططه ان لو بتولد هنا انزلها وجبتين في اليوم او وجبه اي شي مع ترمس ينفع للنفاس وقلت برسل بنتي ع الاقل ثلاث مرات بالاسبوع تنظفلها وتساعدها وانا قلت مابنزل ابدا الا اول يوم اباركلها عشان مازعجها وبنتي رفضت لان عندها جامعه وجلست اغريها اني بعطيها فلوس قلتلها مهما كان هي بغربه بعيد عن اهلها وانا والله مثلها بغربه لي اكثر من عشر سنوات
يعني لو حتى جارك يهودي راح تطل عليه فخلااااص من بعد هالموقف مافي شي على الانسان اعز من نفسه الي مايشاركنا في متاعبنا مانبغاه يشاركنا في افراحنا يمكن تكون عندنا مناسبه زواج في الاجازه حد الله مابيننا وبينها ماابغى اشوفها حتى بنتي زعلانه مووت من موقفها لدرجه تقلي والله ياماما حتى الذ الاعداء مو كدا
ورجعت كلمتني ام زوجي تسال فنفس الموضوع قلتلها لااا يمكن عندها ظروف يعني انا لسا ادافع عنها ماكنت ابغىاحد يتدخل صراحه بس عمتي جلست تضحك تقول لاتحسبي كل الناس زيك وجلست تهاوش عليها قلت لها خلاص بوصلها قريب وبوصل لزوجها ان الي مايجي فمتاعبنا مانبغاه فافراحنا هي من طريق واحنا من طريق
سبحان الله حلمت فيها قبل اسبوعين تقريبا وحلمي كان واضح مره والله اعلم انها حامل بولد فرحتلها مره وكمان قلت لزوجها بس مادري ليه مافرح وقال عارف لاني حتى انا حلمت مرتين ان بيجيني ولد بس والله لو تجيب ايش فرحتي معاها صفر الظاهر مع المشاكل خلاص النفس تطيب هو مره عصبي وارجع اطري الجو واقله ولووو اكيد بتفرح قال زيه زي خواته بفرح شويه وخلاص وعطاني ذيك النظره بس والله ماكان الموضوع لقافه هو حلم وقلته وعمري ماساله عنها غير اذا هو فتح سيره وكمان اسكت بس اسمع اخاف يورطني ويقلها عني او عن ردي هو حلم وقلته. لانه غريب مره ويفسر بالمقلوب وغير كدا يقول للناس بالتفكير دا. قال لبنتي اني غيرانه انه جاب لزوجته غدا من برا. !! يعني اذا طلبتك تجيبلي غذا من برا ونفرض انك نسيت وماجبتلي وانا زعلت هل يعني اني مابغا يجبلها !!! شي مضحك ومره قل لبنتي حقكم الرخام مو نظيف زي حقنا، ولو اني هامني كان ناقشته بس واثقه من نفسي لانه دخل وانا لسا انظف وكان رمضان وعندي اولاد وصبو التوت ع الرخام الله يعين
سبحان الله اخر مره شفتها وهي حامل وقالت مابغى دا الحمل لانها ورا بعض تخلف الله يعينها وكان بس نفسي اسالها سؤال بس قلت اكيد بتفهمني غلط فماعرفت اسالها فقلت بلاش لان مهما سالت بحس نيه حيتفسر غلط وانه غيره او حسد😳
بس من جد كيف ماتبغى الحمل وهي ماتحط مانع من جد ابغى اجابه شافيه😭😭😭
كيف يعنيتستغرب وتزعل وتتعب لما تعرف انها حامل
ومن الاساس ماتاخذ مانع من جد ماعرفت احل دا اللغز
كيف يعني مو متوقعه الحمل وهي متزوجه😩😳🤔
لان حتى الرضاعه حدها سنه وتقل ماتظل ثمانين في الميه وكلها كم شهر ويحصل حمل انا صراحه اصدقها بس مو فاهماها لما قالت ماابغى دا الحمل وكانها مستغربه انها حملت غريبه والله الا ان كان تسوي عزل بالجدول ولخبطتوعشان كدا زعلانه اوك
انا والله مو حسد لهذي الانسانه ولا لقافه لا والله بس سبحان الله احنا بشر وبنفس العماره وكل واحد عايش فحاله فطبيعي التفكير فيها وفاوضاعها مره نادر وحتى حملها ولا حتى افكر مجرد ذرة تفكير في حياتها من حقها تخلف الي تبغى لاني مشغوله بحياتي لكن زي موضوع الحلم شي غصب عني فسبحان الله ممكن زوجها يفهمها لقافه انا الحمدلله مخلفه ربي يحفظهم واذا فكرت اشيل المانع وبقدرة الله احمل بس من جد جهد وتعب ورا بعض ولما شفتها اخر مره كيف تعبانه ومع ذلك ماتخذ مانع حزنت عليها حسيت اني مدلعه ع الااااخر خصوصا ان حملي منظم اثنين بينهم سنتين بعدين خمس سنه مافي واثنين بينهم سنتين بعدين عشررررر سنه وبعدين خلفت طفل
اليوم حمستني صديقتي تقلي يلا نشيل المانع ونحمل بإذن الله قلت افكر يعني الاجواء كلها تحمس خخخخخخخخخ وتهاوشني ع العشر سنه الي ماخلفت فيها
قلت صراحه مافكر حاليا ممكن بعد فتره بس انت حمسيني
معليش عارفه طولت عليكم بس مجرد فضفضه وهل من حقي ازعل ولو انتو مكاني ايش ردة فعلكم
ويارب يخليلي امي ويطول عمرها يارب بتجي تزورني قريب وتساعدني وانا في هذي الحاله والله لايوريكم مكروه ويخليلكم امهاتكم