مراحب بنات اخباركم حبيباتي خواتي عشان تعرفون السالفة وتعطوني الحل الاكيد باقولكم نبذة عني وعن اهل زوجي قبل اقولكم اللي صاير....
انا طبعا متزوجة برى قبيلتي والحمدلله عندي مبدء اساسة الاحترام مهما كان واحب اعامل اهل زوجي مثل اهلي كنت اتمنى من كل قلبي حموات يصيرو مثل خواتي نضحك سواء ونطلع سواء لكن للاسف خوات زوجي ثنتين وحدة متزوجة والثانية لا المهم اكتشفت انهم عايلة متحكمة جدا بكل شي هذا بالنسبة لخواتة لكن خالتي ما تتدخل باحد كبيرة بالسن وممكن تجيها حالات الكبار من كثر ماتزن بنتها على راسها تخيلو بنات اختة الكبيرة شوي خشيت معاها وللامانة تدق علي وتسال عني لكن اختة اللي بعد ماتزوجت ماتدق علي وحتى لو اجيهم بالبيت كثير ماتعبرني علما انها اكبر مني بكثير حاولت ادخل معاها واعتبرها زي اختي بس ما اعطتني فرصة فيها شوفة نفس وما تحترم احد والحمدلله زوجي حقاني ويخاف الله دايم يقولي ردي على اللي يغلط عليك لاني اعرفك واعرف طبع خواتي مع ذالك يابنات عمري مارديت احتراما لنفسي وتربيتي وزوجي وخالتي ومن باب الذوق اتجاهل امور كثيرة تخيلو قبل سنة امي سوت عملية قلب مفتوح وكنت متاثرة المهم رحت لهم وبكل استهتار قالت اختة للاطفال جيبو المسجل بنرقص وانا حزينة بس رحت لهم عشان خالتي زعلت طولت عليهم شهر تقريبا فرحت اجبر بخاطرها المهم قمت رحت لغرفة ثاني اقعد فجات سلفتي تقولي انتي هنا قلت لها ما ابي اسمع اغاني مو وقتة المهم من باب الذوق قالت سلفتي لاخت زوجي طبعا ماكنت عارفة انها راحت تقولها طفي المسجل عشان نفسية البنت المهم مرت ساعة طفوة ورحت دخلت جوى تخيلو قالت لي وش عندك مرسلة فلانة لي قلت انا ما ارسلت احد وبعدين انا معطيتكم جوكم بس رحت اقعد وحدي وين المشكلة قالت امك ما فيها شي هذا انتي كاشخة اخر كشخة ولابسة قصير قلت لها وش دخل لبسي بحزني المهم قالت لو مسكتك انتي وياها تقصد سلفتي لاطبقكم على بعض طبعا ما رديت سكت وخليتها بقلبي مرت الايام ورحنا مخيم طبعا لما رجعنا البيت دقت على زوجي تقولة ياعفن الحريم تشيل شنط حرمتك بنات شي طبيعي الشنطة كبيرة عادي زوجي يطلعها الشنطة طبعا سكت ماتكلمت ولا كاني ادري بس كلامها اثر على زوجي تجاهلت الموضوع كلة وبرضو مرة من المراااااات طلعنا استراحة وكنت حامل وتعبانة قال زوجي مشينا ما صدقت على الله لاني تعبانة ووحم وقرف المهم طلعت وركبت بالسيارة طبعا اخوان زوجي بالشارع واقفين زحمة رجال وتفاجئت الاحماتي الكبيرة بتركب معانا لاننا كلنا بنرجع المهم ركبت ورى ولما وصلناها ورحنا بيتنا اتفاجئ باختها الاصغر تدق على زوجي وتقول ليش تركب اختك ورى طبعا سمعت الحوار بحكم شقتنا الصغيرة ولا قالي زوجي ولا ناقشتة كني ماسمعت بنات اولا وش دراني ان اختة بتروح معنا وحتى لما جات تركب كان الشارع زحمة رجال استحيت انزل غير الوحم والتعب ومو بس كذا مرة كنت مسيرة عليهم جاء زوجي قالي فلانة بسرعة مشينا قمت البس عبايتي بغرفة ثانية ورجعت بسلم على خالتي قبل اطلع واخذ شنطة بنتي الا زوجي يقولي اطلعي السيارة اخواني عند امي رحت على نياتي جاء زوجي قلت شنطة بنتي عند خالتي خليني اجيبها واسلم على خالتي قال لا العيال فية انا اروح اجيبها واول ما طلع السيارة معصب ويصرخ علي وانا ما سويت شي طلع سلفتي عند حماتي واستحى يدخل ارسل اختة تجيب الشنطة من جوى رفضت تقول انا مو خدامة وراح اخذها وقعدت تهزئة تقوله كلام ينزل من رجولتة وصارحني بهالشي حاولت اتقرب لهم بجميع الطرق ما قدرت تمنيت يعاملوني مثل ما اعامل زوجات اخواني... مو بس كذا حتى لما جبت بنتي بيتدخلون باسمها طبعا انا اللي مسميتها وزوجي قهرني قالي باقولهم انا مسميها طبعا عطيتة جوة بنات يعلم الله محترمة معاهم اوجبهم اسلوبي جدا رااااااااااااقي بس مدري ليش هيا كذا اختها الكبيرة افضل منها علما انها تاثر عليها احيانا طبعا حماتي انخطبت ولارحت ايدي فاضية جبتلها من افضل شوكلاتات باتشي وتكلفت وزوجي يقولي اي شي بس اخلصي طبعا وانا اتنقى نقوة من كل شي قولتي اتجمل وزي اهلي طبعا حملت وتحدد زواجها ووافق خروجي من النفاس طبعا ترقدت بالمستشفى لاسباب وهالشي خلاني ما اقدر احضر زواجها المهم شكلهم زعلانين تخيلو بعد ماطلعت المشفى زرت خالتي بالبيت وكانت بنتها الكبيرة موجودة سلمت عليها وترد السلام ولاتسال عن حالي حتى الحمدلله على السلامة ما قالتها انا قدمت عذري وشكلها زعلانة المهم دقيت على بيتها ماترد وعلى جوالها برضو ماترد وارسلت مسج ولاردت . سؤال ببالي كوني مريضة ومرقدة كيف احضر وليش ما يقدرون؟؟ المشكلة مو فيها انا يوم الخميس بروح خالتي وبتكون حماتي اللي تزوجت فية ومن يوم تزوجت ما شفتها يعني 3 شهور وخايفة تقط خيط وخيط.. بنات مع هالناس وش اسوي واذا تكلمت على تنصحوني امشي او ارد او اسكت كالعادة لاني بجد مليت سنتين ونص عمر زواجي ما اشوف غير المنافقة والحسد رغم ورب البيت محترمتهم بس هم يعتقدون ان اللي يحترمهم ضعيف مدري من وين جاي هالتفكير حبيباتي انا اعتبركم خواتي هل اغير اسلوبي معاهم او اغلبهم بطيبتي او اتجاهل لاني بجد تربيت على المبادئ واحب زوجي وخالتي واحترمهم ابي رايكم علما انهم ما يوجبوني كثر ما اوجبهم وتنصحوني اجيبلها هدية زواجها او اتجاهل مدري محتارة :(
انتظركم خواااااااااتي وبجد رايكم يهمني
بحرالرومنسية @bhralromnsy
عضوة فعالة
يلزم عليك تسجيل الدخول أولًا لكتابة تعليق.
تربيتك هي تريبتك وكلن يعمل بأصلة ولاتناظرين للخلف القافلة تسير والكلاب تنبح الرسمية احلى شي الواجب سوية والباقي اتركية على ولدهم اتمنى افدتك الله يعينك دايما ادعي يامسخر الريح لسليمان سخر لي زوجي وذريتة واعدائي ....
بــاتشي
•
مشكلتك انك معطيتهم اكبر من حجمهم...
انتي تقولين انك محترمتهم وسكوتك مو ضعف من لكن هالنوعية من الناس يفسرون السكوت انه خوف وضعف...
الحل من رايي
قومي بالواجب ولاتقصرين مع ام رجلك ابدا لانها ماسوت لك شي اما خوات زوجك عامليهم مثل مايعاملونك قالت كلمة ردي بعشرة واذا انتي حملتي او وولدتي وماباركوا لك او اهدوك سوي فيهم نفس الشي اذا حملوا والا ولدوا لاتباركين لهم ولا تزورينهم...
وبنفس الوقت اذا زوجك يخاف يرد عليهم ردي انتي خصوصا انه معطيك الصلاحية
ولاتسعين ورى رضاهم هالنوع من الناااس بس كذا فيهم شر وغيرة ويبون يمشوونا لناس على كيفهم ..هالنوع من البنات الود ودهم انهم يشوفون زوجك معيشك مثل الشغالة لا اكثر ولا اقل
انتي تقولين انك محترمتهم وسكوتك مو ضعف من لكن هالنوعية من الناس يفسرون السكوت انه خوف وضعف...
الحل من رايي
قومي بالواجب ولاتقصرين مع ام رجلك ابدا لانها ماسوت لك شي اما خوات زوجك عامليهم مثل مايعاملونك قالت كلمة ردي بعشرة واذا انتي حملتي او وولدتي وماباركوا لك او اهدوك سوي فيهم نفس الشي اذا حملوا والا ولدوا لاتباركين لهم ولا تزورينهم...
وبنفس الوقت اذا زوجك يخاف يرد عليهم ردي انتي خصوصا انه معطيك الصلاحية
ولاتسعين ورى رضاهم هالنوع من الناااس بس كذا فيهم شر وغيرة ويبون يمشوونا لناس على كيفهم ..هالنوع من البنات الود ودهم انهم يشوفون زوجك معيشك مثل الشغالة لا اكثر ولا اقل
الله يكون معاكي ويصبرك عليهم واهم شي ان زوجك متفهم الوضع وهذا اهم شي ومالك الا في امه ودام الشريره تزوجت اكيد راح تخف عن اول وانتي حاولي ماتلتقين كثير فيها يعني ريحي راسك منها
الله يسخر زوجك لك ويصلح حالكم للاحسن
الله يسخر زوجك لك ويصلح حالكم للاحسن
الصفحة الأخيرة
والا الباقي لاتسمعين لكلامهم ولاتردين عليهم
هذا رايي وانتي براحتك