تعالو احكي لكم ايش صار لي امس بالمستشفى( بكريه بالتاسع)

طبعا الله يسهل ولادتي وولادة كل الكروشات ويرزق الجميع بالذريه الصالحه

امس طول اليوم عندي آلام شديده مثل حق الدوره بس قويه ورجلي اليمين مره توجعني قررت اروح المستشفى لاني بكريه ولحالي وما اعرف ايش حالتي ,,المهم رحت دخلت الطوارئ وقعدت استنا دكتوره تجي تشوفني وجات اخيرا وفحصتني من تحت:44: والله كنت بمووووووووووووت من الالم ما كنت اعرف ان الفحص كذا :( المهم وقالت لي الرحم مفتوح 1 سم بس:icon33: وقالو لي بيسولي جهاز يقيس الانقباضات لمدة ساعه ويشوفوا المهم طلعوني غرفه الولاده انا شفتها انفجعت:06: وقعدت بس ادعي وخايفه مررررررررررره المهم حطولي الجهاز لمدو ساعه وبعدها قالو لي عندك طلق فرحت قلت اكيد ولاده :icon28: ,,بس يا فرحه ما تمت جت الدكتوره تفحصني مره ثانيه وعذاب من جديد :icon33: وقالت لي لسه 1 سم المهم قالو لي خلاص روحي البيت وممكن تولدي في اي وقت ها اليومين ,, الي صار اني رجعت البيت ودخلت الحمام الله يكرمكم تبولت ونزلت مني قطعه زي الدم لونها بني وبعدها بدأت تنزل عندي افرازات بنيه وانا مش عارفه ايش اسوي المهم الالم عندي وقف لغايه قبل ساعه بدأ يجيني ألام خفيفه ,,قولولي يا عزيزاتي وايش اسوي ؟؟؟ والافرازات هذي عاديه والا لا ؟؟ :( انا ما عندي حد في البلد هذي ولا اعرف حد عشان اسأل يا ريت حد يرد عليا وجزاكم الله خير ودعواتكم بتسهيل الولاده