بسم الله الرحمن الرحيم
السلام عليكم ورحمة الله وبركاته
انا ماشارك كثير بس متابعه للقسم اول بأول واستفدت من مواضيع كثيره.. ودايم ادعي لكل وحده تمنت او كانت تشكي من تعب والم..وان شاءلله يارب اموركم طيبه
آخر دوره لي كانت 26\11.. و ولدت 27\8 ورزقني الله بنت عسى ربي يحفظها
بداية قبل ماحكي لكم قصة ولادتي
انا تعبت في حملي كثير ولله الحمد.. اولها مشاكل ونفسيه وكان وحمي قوي
كانت الدكتوره تقول وزنك مو طبيعي ..وكنت انحف زياده بدل مازيد.. وجاني بداية حملي فقر دم وعلى الشهر السابع سكر حمل
والسكر كان سببه نفسي.. بس كنت كل ماتنوم او اتعب احمد الله على النعمه اللي انا فيها واتذكر فيه ناس حالهم اسوأ..واشكر ربي وكنت ادعي ان الله يجيبها سليمه
ومن دخلت الشهر السابع وانا معي طلوق.. بس كانت الكاذبه.. وغير كذا عانيت من الافرازات عطوني كل شي ولما سويت مزرعه طلع ماعندي بكتيريا وقالت الدكتوره طبيعي مع الحمل :(
المهم.. اول اسبوع في التاسع جاني الم طلق الصبح.. وحسيتها منتظمه.. ولما حسبتها كانت كل 5 دقايق
صحيت زوجي ورحت المستشفى..طلع عندي طلق والرحم مفتوح 1 سم بس الدكتوره قالت روحي البيت انتي بكريه وليلك طويل ..ورحت لأمي عسى ربي يحفظها ويطول بعمرها.. عطتني حليب مع عسل وقرفه..وشربت زعفران وقالت ان شاءلله الليل والده :icon28:
وسبحان الله وقف الم الطلق ورحت عشان اتطمن.. وقف الطلق لكن الرحم عندي مفتوح 1 سم.. وقالت الدكتوره طبيعي جدا.. واذا طولتي مره اسبوع
ومر اسبوعين ولا رجع شي ..وانا كنت مؤمنه ان الله كاتب لها يوم.. لأن المحرضات ماسوت شي معي..ورحت لمراجعه عاديه بالاسبوع الثالث من التاسع وكشفت الدكتوره وهي مقهوره تقول المفروض ولدتي من زمان
وقالت ماشاءلله كل شي مستعد الراس نازل ورحمك مفتوح 1 سم.. قلت طيب يادكتوره ايش اسوي.. قالت من ربي تجي
وبعدها بيومين قررت اشرب زيت الخروع.. وانا خواااافه مره.. وانا اقرا عنه من حملت ..وخفت من اضراره وانه مايناسب الكل ولازم يكون رحمي مفتوح
واستخرت وجلست ادعي ربي..وبعدين حطيت ثلاث ملاعق على كاس عصير... بعدها بكم ساعه بديت الله يكرمكم عالحمام .. وجاني الم قوي ماقدرت حتى انسدح.. و زوجي انفجع وقال كله من الخروع :angry2:ووداني معصب للمستشفى لأن وقتها فجر وكان يبي ينام والساعه 7 ونص صبح
ورحت وكشفو علي لقوه مفتوح 4 سم :icon28:.. وانا انفجع وبديت ارتجف وعرفت انه الجد بدأ..كلمت امي وصحيتها وجتني على طول
نسيت اقولكم لأنه الشهيه عندي عدم.. قبل ماشرب الزيت كانت آخر وجبه اكلتها 9 الليل و8 صبح كنت عندهم وجاني اسهال ..يعني كنت ارتجف من الجووووووع :(
وطلبت الممرضه اكل..قالت ممنوع لأننا رآح نعطيك بنج حتى مويه رفضو بس على المغذي
وامي جتني وقرت علي والم الطلق كان قوي وكان كل دقيقه وامي مو مصدقه تقول كيف كل دقيقه ورحمك بس 4
وكان ودها تعطيني عسل عشان يفتح الرحم بس رفضو بالمره.. وهم كل شوي يقيسون الين الساعه 6 وفتح بس 5 :eek:
والدكتوره قالت رآح نصبر ساعات زياده بعدها افتح لك المويه.. وجى الليل وفتح 6..قامت دخلت يدها وفتحت الكيس
وربي بعدها بديت اصييييييييح بأعلى صوتي.. جاني الم فظيع والطلق ورى بعض وامي والممرضه يمسكوني وربي كنت اتحرك وانا ماحس..وسبحان الله نص ساعه وفتح 10 ..وانا من الالم ماتذكر..غير لما يغمى علي ويصحوني يقولون دفي دفي
واصيح مره ثانيه الين يغمى علي ويهزوني ويقولون دفي دفي..ودفيت الين شفت امي طلعت وقالو يالله اعطوها الابره والظاهر كانت ابرة البنج وبعدها ماتذكر شي غير الممرضه تصحيني وانا ابكي واقول تعبانه تعبانه :22:
قالت خلاص مدام بيبي طلع ..خلاص خلصتي واصييييييح واقول وين بنتي .. تضحك وتقول بنتك في الحضانه
طبعا طلعوني الغرفه وانا تحت تأثير البنج... ماتذكر ايش كنت اقول بس امي تضحك تقول وربي تقولين اشياء مانفهمها وتبكين..
والحمدلله ولدت على الساعه 10 في الليل.. وطلعت ثاني يوم
وثالث يوم كنت ابكي من الم قوي احسه تحت ومن قوة الالم كنت استفرغ ولا اقدر اجلس آكل
ولما رحت المستشفى قالت الدكتوره عندك بواسير :(.. آآه بس..وقالت لي من الولاده.. والحمدلله الحين افضل بس لازلت احس بألمه والم الخياطه بعد :09:
وبعد الكلام الكثير اقولكم انا ماتركت الدعاء وقت الولاده وتوكلو على الله وتذكري انك تحت رحمته ومو تحت رحمتهم
وادعو لي ان الله يسخر لي زوجي ويهديه ويحفظ لي اهلي
وسؤال لكم.. متى اقدر امشي واروح واجي.. ؟؟؟
عشان على نص رمضان برجع لبيتي :( وخايفه وقتها ماقدر اتحرك زين الحين
وكمان هل الافرازات تروح بعد النفاس ولا لأ..؟
واي سؤال انا حاضرة
reema_H @reema_h
عضوة جديدة
يلزم عليك تسجيل الدخول أولًا لكتابة تعليق.
الحمدالله على سلامتك والف مبروك العروسة ونصيحة مني لاتروحين بيتك لين تكملين الاربعين يبيلك اهتمام وتغذية وانتي جسمك مايتحمل وسبحان الله الوحدة اذا مااهتمت بوقت النفاس يتعب جسمها مرة
الحمد الله على سلامتك ومبروك ماجاك
بس لازم كل مادخلتي الحمام تغسلين بمرة علشان تبرى المنطقه عندك بسرعة وتطيح الخيوط ويشد لك المنطقه
بس لازم كل مادخلتي الحمام تغسلين بمرة علشان تبرى المنطقه عندك بسرعة وتطيح الخيوط ويشد لك المنطقه
الصفحة الأخيرة
والالم الخياطه طبيعي اذا طاحت الخيوط راح الالم
وبنصحك لاترجعين بيتك الا اذا خلصتي نفاسك وقوى جسمك ورجع طبيعي مثل اول
لان غالبا يكون الجسم مهدود ومايقوى الا بعد وقت طويل