تعالو اخبركم شو صار فيني! ادعولي انها تعدي على خير

السلام عليكم بنات حواء

اليوم صارلي موقف محرج و مؤؤؤؤؤؤلم في نفس الوقت

انا حامل بالشهر الخامس و الحمدلله عندي بنت وولد و اجهضت في الثالث و هذا حملي الرابع, و تعرفون يا بنات ان بعد ما تسقطين تكون ايدك على قلبك من الخوف انك تسقطين مرة ثانية

و من هذا المنطلق انا كنت محافظة في كل شي و ما اتعب نفسي و احاول ارتاح في اي فرصه و لكن صار اللي ما كان في الحسبان!

اليوم و انا طالعه من الدوام و نازلة الدرج تزحلقت ريولي و ما حسيت الا بهاذيج الضربة في ظهري و طبعا هاذي كانت حافة السلم اللي جت على طول في اسفل العمود الفقري! صرخت صرخه و اتصلت على زوجي و انا ميته من الصياح من الالم و الخوف! جا زوجي ووداني على طوووول المستشفى عشان نطمن و الحمدلله البيبي بخير و بعافية و طلبت مني الدكتورة اني ابات في المستشفى لاطمئنان و لكن ما قدرت عشان عيالي في البيت.

المهم انا رجعت البيت ووصتني الدكتورة اني اتابع حركة الجنين و اذا حسيت ان في شي اجي المستشفى.

بنات ارجوكم انتبهو على نفسكم و انتو تمشون و الله يحفظكم! و ادعولي ان ما تصير لي مضاعفات و تعدي هالطيحه على خير :(

اختكم الحزينة