تعالو اسمعو سالفتي محيرتني

السلام عليكم ورحمة الله



بنات للامانه انا احس اني ضعيفه جداً
شخصيتي ضعيفه

انا احس اني محطمه من داخلي
احس ماحد فاهمني بهالدنيا ابدآ
تدرون ايش اكثر شي اتمناه فهالدنيا شخص اعتمد عليه شخص يفهمني مدري مو لاقيه احد يفهمني
ندري انا الانسانه الصح فالزمن الغلط ولا هو مجرد حظ ولا بلااء من الله اللهم لك للحمد ع كل شي

انا من صغري احس بالنقص
مرت علي ظروف اهلكتني

كسرني موت ابي جداً مات وانا صغيره عمري 7 سنين
وغياب امي من المنزل بعد موته لتبحث لنا للقمة العيش لساعات طويله

واخ قاسي كان يضربني امام بنات الجيران
واخواني اللذين اصغر منه بعد حتى اخي اللي اصغر مني كان يضربني


اخوات مشتتات كل وحده عايشه حياتها

كسرني غدر صاحبتي لي كانت مثل اختي وغدرت فيني

امم ماتزوجت بدري والسبب كل مجاني واحدسبحان الله من غير سبب يروح تزوجت فعمر 26 تقريبا ولان ماعندي عمان اصلن ماعندي عيال عم مثلا اكون محجوزه له وانا صغيره

ولد خالتي كان وده ياخذني بس صارت مشاكل وتزوج قبلي الله يوفقه ويسعده

بس كنت اشوف البنات اللي اصغر مني تزوجو قبلي مع انهم مايزيدون عني بشي الحمدلله مو ناقصني شي بس مدري ليش سبحان الله


كسرني طلاقي
فطلاقي لم يكن كاي طلاق بل صدمني بزواجه علي ثم طلقني لزواج دام سنتين فقط
(اقرو قصة طلاقي في ملفي)


مع العلم اني كنت اتحمل ظروفه
الماديه وكنت اساعده . تحملت دوامه الصعب لاطلعات ولا خرجات الا قليل . و اشياء مايعلم فيها غير الله حسبي الله ونعم الوكيل


الان انا اعيش عند اهلي في بيت فااااااااااضي طول وقتي اخواني وامي واختي كلهم يشتغلون بس انا وابني الصغير الرضيع

انام من الطفش واذا رجعو نامو وانا صحيت وجلس لحالي بعد ..

احيناً نتجمع ع العشا واحيناً لا
نادرآ نجتمع

صحباتي تزوجو وكل وانقطعت اخبارهم

جارات ماتعرفنا ع جارات لان بيتنا ملك انتقلنا فيه جديد ماتعرفنا ع احد

اهلنا محد يزورنا بحكم شغل اختي وامي

شغل ماقدر اشتغل ولدي صغير من يجلس عنده لا اشتغلت

احس عايشه بالدنيا وحيده
نفسي القى احد يخاف علي مثلا يشيل همي نفسي احد يهتم فيني ودي انام واعتمد عليه اشتكيله يفهمني يحاول يطلعني من ظروفي اللي انا فيها


بنات انا احس اني ضعيفه ماعندي احلام تخيلو
احس خلاص الدنيا مقفله بوجهي بكل جهه
انا تعبت في حياتي كثيررررر ماعشت طفولتي
ماعشت حياتي ابدآ من توفا ابوي الله يرحمه ماعندنا احد يطلعنا يمشينا كنا من المدرسه للبيت والعكس
ولم تزوجت نفس الشي ماطلعت ولا جيت

نفسي احج نفسي اعتمر نفسي نفسي اصيف زي الناس يروحون ويجون

ماحسيت يوم اني زوجه والله احينا اشوف مثلا وحده زوجها مسويلها مفاجئه علشان تفرح او وحده تطلب من زوجها شي غالي ويجيبه لها اقول في نفسي ماشاءالله ليش ياحظها

احس اني ماقدر اطلب شي غالي احس احلامي محدوده قدراتي محدوده مافيه طموح احلام تطير من وقتها بس

احيناً اقول كيف بربي ولدي وانا كذا ضعيفه وبالزمن ذا التربيه يبغالها تشديد لان بصراحه فالزمن التربيه صعبه فيه بحكم البلاوي اللي فيه والفتن اعوذ بالله منها


احس كل شي اسويه يطلع غلطط مدري ليش والنلس تفهمني غلط مدري ليش
واحينا اسوي الشي واجلس اندم عليه واندب حظي


بنات هل الشي اللي انا فيه شي طبيعي !


اللهم لك للحمد اللهم لا اعتراض ع حكمك ولا اقنط من رحمتك


اسفه طولت عليكم بس جالسه لحالي وطفشانه وقلت افضفص لكم