تعالو اعلمكم وش سويت لبنتي عقب ماجتني من المدرسه مقهوره

السلام عليكم ورحمة الله وبركاته

بعلمكم وش صار بموضوع بنتي يوم تجيني من المدرسه مقهوره انا مامشيت الموضوع وكلمت المديره

وقلت بعلمكم لان معظم البنات طلبو مني اخبرهم وش صار معها ووش سويت

بس اول بذكركم برابط موضوع بنتي للي ماشافه او نساه


http://forum.hawaaworld.com/showthread.php?t=2959889


ابشركم انتهى الموضوع وحلته المديره الله يجزاها خير وبعلمكم وشلون

كلمت المديره وماقصرت نادو بنتي وسئلوها وش السالفه وكلمو المعلمه ونبهوهها وقالت المديره هالمره نبي نحله ودي والمره الجايه اذا بنتك شافت شي او ضايقتها المعلمه بشي خليها تجي وتقول للمرشده حنا مانرضى عليها لاننا نشهد لها بالاخلاق هذا كلام المديره وتقول بنتك من السنه اللي فاتت عندنا محد اشتكى منها

اهم شي بالموضوع ان بنتي جتني مرتاحه تقول انا كلمتني المرشده بكل احترام والمديره تقول مانبي الموضوع يتصعد وياثر على مستوى الطالبه

وانا قلت لكم الحمد لله انا واثقه من اسلوب بنتي بالتعامل مع الطالبات والمعلمات وشهدو لها اليوم بهالشي علشان كذا انا مارضيت عليها الاهانه وان يجي احد يكسر خاطرها وهي ماسوت شي

وشكر جزيل لكل اللي وقفو مع بنتي وتفاعلو مع موضوعها سواء على العام او الخاص

واخص بالشكر اللي دعالها بالشفاء

الله يجزاكم الجنه جميعا ويحقق لكم ماتمنون يارب