تعالو اعلمكم وش سويت مع زوجي .. اتفاق خطير .. علشان ربي يبارك لنا ..

\\ **السلام عليكم ورحمة الله وبركاته** //


وشلوووووووووووونكم وش اخباركم ؟؟؟
يابنات اعلمكم شئ بس اتمنى من الجميع انه يسوي هاي الشئ لاننا والله احوج منكون له ..

يابنات الحمد لله ربي ان شالله يبارك لنا .. معاش زوجي الحمدلله ميسور وعلى قد الحال والحمد لله يعني بيكفينا ولله الحمد وزياده ..
بس والله ما اكذب عليكم احس ربي مو مبارك فيه مدري ليش احسه مو قاعد بيدينا ولا حنا قادرين نوفر مع انه زياده علينا.. مع العلم اني شايفه وحده من صديقاتي والله ان مرتب زوجها 3000 ريال بس وهي ما تشتغل والله انها من احسن ما يكن ولا اللي يشوفها ولبسها وبيتها واولادها ولا كمان تدرس بمعهد كمبيوتر والله انها تقول تصدقين اننا نوفر منه !!!!!!!!!
وانا ولله الحمد فرق بين مرتب زوجي وزوجها مع كذا شابت روسنا من المصاريف واحاجات واشياء كثير دايم نأجلها ولا احنا قادري نوفر...

ولا حظت ان كثيرين يعانون من هالمشكله مع العلم اني اعرف وحده راتبها هي 10000 ريال وزوجها 16000 الف ريال ومع كذا تشكي وتبكي وساكنين بشقه الله لايوريكم .....>>>>>>> ليش ياناس والله بلاوي ؟؟؟

بس مدري شالسالفه ؟؟؟؟
المهم فكرت قلت بس ؟؟؟ :.:.:. وين الصدقه وين حنا عنها اذا الواحد انشغل بامور الدنيا تلهيه عن الاخره واعمالها .. لازم نزكي ونحلل مالنا.. المهم يوم جا يطلع زوجي للدوام قلت له :.:. اسألك بالله الا تعطي لو عشرة ريال لاي واحد تحسه محتاج اليوم قبل ماترجع لنا بالسلامه وتنوي هالصدقه حق ابوك وامك وابوي الله يرحمهم جميع ويغفر لهم ...
وبعدها رحت جبت علبة نيدو فاضيه وجلدتها وسويت فيها ثقب من فوق وكتبت عليها
" صندوق التبرعات "
وقلت لزوجي هاي الصندوق راح يبقى هينا بالصاله وكل يوم انحط فيه المقسوم ونجمعه لاخر يوم بالاسبوع الجمعه وتعطيه وانت رايح للصلاه حق احد محتاج من العمال او الناس ..

علشان ان شالله ان ربي يبارك لنا بالمرتب والمعاش ويجعله لنا نعمه مو نقمه واتمنى من الجميع يسويها ويدعي ان ربي يوفق بيننا يارب...\

ملاحظه:.:. يشهد الله اني ما كتبت الموضوع لارياء ولا سمعه ولا نفاق وانتم ماتعرفوني علشان انافق عندكم .. بس لاني احبكم وابي لكم الخير زي ما ابيه حق نفسي ..
ولا تنسوني من صالح دعائكم ......... :27: