السلام عليكم ورحمة الله وبركاته
كيفكم حوائيات مع هالبرد عساكم دافيـــــــــــــــــــن يارب وعسى الدفا ببيوتكم وارواحكم اللهم اميــــــــــــــــــــــن
المهم حبيباتي بقول لكم اليوم سالفه عن صديقه لي لما تغيرت حالتها للافضل طبعا والفضل اولا واخيرا لرب العالمين طلبت مني اني اكتبها لعل الله يفيد فيها كل غافله او ماخطر على بالها ذا الشي او حتى ماحست ان هالشي ضروري بحياتها
المهم السالفه ومافيها ان صديقتي هذي لها فتره طويله متزوجه 15 سنه الله يديم عليها الهنا يارب
والمهم عندها 5 عيال اخرهم عمره سنه والكبيره بنت 14 سنه تقول الحمد لله حياتي شبه مستقره وزوجي زي كل الازواج مره ينتقدني ومره يزعلني ومره يكون قرفان وبس برا البيت ومره يهاوش العيال
ومره رايق ومره متسامح يعني على حسب النفسيه
تقول انا بطبعي انيقه واحب البس واتكشخ بس مو زي قبل قل هالشي مع اني نظيفه ولا يمكن يشم مني ريحه ماتعجبه ولله الحمد ربة بيت من الطراز الاول ماعندي خادمه وقايمه بكل شؤون بيتي على اكمل وجه
تقول صار لي يمكن اربع سنين ماااااش اهتمامي بمظهري قل عن اول كثيــــــــــر وزيها زي باقي الامهات ينهد حيلها على تربية العيال ولا المذاكره ولا اشغال البيت وطول الوقت لابسه قميص ولامه شعري والاظافر حالتها حاله من العملاق والصابون الله ياجرنا بس
تقول وماكنت حاطه ببالي ان هالشي بيضايق زوجي مع اني دايما اسأله معليش مقصره بشكلي لاتكون زعلان وهو يقول ابد عادي انا عاااااااذرك
وطبعا حتى الجانب الرومنسي شبه قل او احيانا انعدم تقول خلاص انا عارفه انه يحبني ويغليني وهو بعد نفس الشي وتقول احيانا كنت اسأله ليش ماتناديني حبيبتي ولا حياتي كان يقول يابنت الحلال مايهم اني اقولها خلاص اعرفيها بافعالي
والحياه ماشيه
طبعا جابت قبل سنه بيبي جديد ومع التربيه والواجبات اللي على كاهلها صار الوقت مايخدمها باشياء كثيره وتقول صرت بعد انام برا الغرفه حتى ماازعج ابو الشباب
ولا البيت وغرفتي والطبخ انا مبددددعه فيه لو اقطع عمري مااهملته لو ايش!!!!!!!!!
طبعا احب الفت نظركم ان عندها بنت عمرها 14 سنه بس بسم الله عليها مهتمه بعمرها زيها زي بنات جيلها قصات واحيانا صبغات ومناكير ولبس حلو الله يحفظها لها
انا ليه ذكرت شخصية البنت والام
البنت بنت اليوم يعني اكيد كل البنات على شاكلة هالبنت :27:
والزوجه 35 سنه يعني في نظر زوجها راحت عليها:mad:
المهم قبل شهرين اكتشفت صديقتي ان زوجها يكلم وحده ولا بعد رسايل تقووووطر رومانسيه
تقول واجهته وبكيت بكيت وانجرحت من جوه جرح كبير والمصيبه تقول انه مو راعي حركات ولا بنات وزي ماقلت لكم مافيه رومانسيه
تقول هو اعتذر وقال والله يابنت الحلال نزوه ماادري وشلون صار كذا وكسر الشريحه وحلف لها انه مايعودها
تقول بعد كذا يوم جلست معاه جلسه صريحه وسألته ليش سويت كذا انا وش ينقصني تدور غيري برا ؟؟؟انا حلوه ومو مقصره معاك بشي ومتحمله عصبيتك ومشاكلك ومربيه عيالك احسن تربيه والكل يتكلم عن بيتي واهتمامي فيه هذا جزاتي ترد المعروف بصفعه على وجهي:icon33:
رد وقال والله يابنت الحلال انك كامله بعيني وانا لما كلمتها كنت ادور شي ناقصني بس ايش حتى انا ماادري يمكن ابي رومانسيه يمكن ابي اهتمام زايد شوي بسسسسسسسسس
ابيك تهتمين بعمرك زياده ابيك تفضين لي ابيك زي زمان ابي اكون رقم واحد بحياتك
قالت وكل اللي اسويه وش هو غير اهتمام فيك وببيتك وعيالك؟؟؟؟؟؟؟؟
قال اهااااااااه انتي قلتيها بيتك وعيالك
انا مايفرق معي البيت وسخ نظيف انا ابي احس اني كل اهتمامك لي وبس
شوفي بنتك ماشاء الله عليها تعلمي منها انتي صغيره وعايشه عيشة امك؟؟؟؟؟؟
تقول والله واروح اقص واصبغ واشقر حواجبي وامسك كل الاقمصه واحجرها بزاويه بدولابي لانها بتطول فترة اقامتها هناك
وصرت اذا طلع امسك البيت تنظيف وارتب غرفتي ودايما مبخرتها وقبل مايجي الا انا على سنقة عشره لابسه تنوره وبلوزه او بنطلون حلو او جلابيه كشخه وذاك المكياج والشعر دايما مستشور
وعلى الطالعه والنازله حياتي حبيبي عيوني لك
تحلف بالله انه تغير 180 درجه وقعد يقول جوعيني يوم كااااااااامل ولا تحرميني من هالاهتمام انا ابيك دايما كذا ترى انا ماكنت اتكلم ماابيك تزنقين عمرك بس انا احتاج هالشي ابي احس انك عروس العمر كله.......
تقول صرت اروح اتمشى انا وياه لحالنا ونروح مطاعم لوحدنا ونمارس رومانسيتنا وتتحسف ياليت كنت اعرف هالشي من زمان حسافة الايام اللي راحت بجهل مني
يعني ياامهات ويا بنات ترى الزمن تغير رجال اول بس همه بيت نظيف وعيال متربين ومره نظيفه خلاص هذا كل شي ويحط مرته على راسه
لالا الحين ومع الانفتاح في مجتمعنا والبلاوي اللي بكل مكان نشوفها للاسف فتحت عين الرجال على مصراعيها وللاسف لو مالقى هالشي ببيته ولو كان الوازع الديني نص ونص تراه بينجرف ورى نزواته حلو الوحده تكون متجدده وخاصة اللي عمر زواجها كبير وهموم الحياه ماخذتها والعيال وتربيتهم لازم تكسر الروتين لازم الرومانسيه بالحياه مهما جفت حلو نصحيها ومو عيب ان المراه هي الباديه
عودي زوجك على الحنان عوديه ترى انا لك وحدك واهتمامي مافيه احد يستحقه غيرك واكيد اكيد بتشوفين ثمرة هالتعب باذن الله وفي النهايه هالسعاده لصالحك زوجك انتي رقم واحد بحياته الا انتي كل حياته باذن الله ..............وسلامتكم
##ام الهنوف## @am_alhnof_4
محررة فضية
يلزم عليك تسجيل الدخول أولًا لكتابة تعليق.
ميرال 2010
•
جزاك الله خير
وقسم انك صادقه فيه حريم مع الوقت تنسى نفسها وبعدين تتحسر لازم الوحده تحط هالشي ببالها زوجي عندي اهم من كل الدنيا واهتمامي فيه لازم يكون غير
الله يسعد صديقتك ويجزيك كل خير ياقلبي
الله يسعد صديقتك ويجزيك كل خير ياقلبي
لازم الوحده تحط هالشي ببالها زوجي عندي اهم من كل الدنيا واهتمامي فيه لازم يكون غير
الله يسعد صديقتك ويجزيك كل خير ياقلبي
الله يسعد صديقتك ويجزيك كل خير ياقلبي
الصفحة الأخيرة