تعالو اقلكم قصه صارت لي انا شخصيا وربي نجاني منها

صباح الخير

كيفكم صبايا وحريم وستات <<<ستات للي صارو جدات خخخ
الله يسعدكم

بنات باقلكم على موضوع صار لي قبل سنه

تذكرته الموضوع من موضوع عضوة نسيت اسمها الي موضوعها ياحريم لي مو نظيفات لما ذكرت الحمامات اكرمكم الله جميعا تذكرت السالفه الي صارت
مع انو مابقيت ولا احد من جماعتي ماقلت له خخخخخ

المهم ماطول عليكم

مررة انا وزوجي نوينا نروح المدينه نصلي هناك وننام فيها 3ايام منها نصلي ونشوف الحرم النبوي من زمان مارحنا له


المهم في الخط بين جدة والمدينه
يعني خرجنا من جدة مررة بقي على المدينه يمكن ساعه ونوصل
المهم في حمامات في وسط الشارع وانا مرررة كنت تعبانه من الطريق وغثيان لانو ماتحمل الطرق البعيده فيجيني تعب وغثيان زي الوحم
المهم قال زوجي بوقفلك عند الحمامات هذي وخشي وقال خذي المسدس معاك احتياط قلت سلامات ترا رايحه حمام ومافي احد غيرنا حتى مافي محطه ولا بقايل مكان مهجور فقط حمامات !
دخلت اغسل وجهي والحمامات معدومه وكلها خربانه بس اصلا خرجت اغسل وجهي وكنت مغثيه فهمتو
المهم قدام الحمامات في عمارة قديييمه ومهجورة ومكسرررة مرررة مافي شبابيك كل شي مفتوح على بعض

والله والله والله العظيم وانا خارجه انني شفت احد لابس عباية سودا جري بسرعه من جهة الشباك لانو كل مكسور يعني ماتحسو في شباك يبان اي شي ودخلت السيارة وماقلت لزوجي اني شفت احد فوق جري بسرعه وكذا قلت يمكن اتوهم او شي

المهم سبحان الله شوي يتصل جوال زوجي يكلمه صاحبه ويقولون هروج ورا هروج شوي الا صاحب زوجي قال والله جارنا طلقة حرمته وحكا زوجي السالفه وزوجي يقله ياشيخ احلف بالله ويقول حسبي الله ويطالع فيني بنظرة تخرع كاني وانا اشر بيدي انو ايش فيه

بس قفل الجوال
وش قالي !

قال هذا صاحبي يقول جارتهم عروسه تطلقت قلت طيب الله يعوضها يارب
قال شوفي السبب قلت ايش !!!
قال راحو على المدينه هي وزوجها وفي الطريق وعدو على حمامات ويقول صاحبه انو المكان مهجور وكدا
المهم يقول زوجي الحرمه لما دخلت الحمامات في رجال لابس عباية حريم وجوت الحمام نفسه مو برا عند المغاسل خرج وبخ عليها ودخلها الحمام واغتصبها
والا زوج الحرمه استغرب انها طولت وجوالها بالسيارة الا في حرمه خرجت الا هوا الرجال
خرج عادي زي اي حرمه ومشي طول يقول الرجال ماخذ في باله ولاراقبه كان يفكر بحرمته لي تاخرت وخرج لها الحمام ينادي ماترد ودخل لقاها في حاله سيئه وشك فيها طبعا انو متفقه وكذا وماجاء في باله انو الي خرج كذا سوا فيها

المهم تقوله وتحلفله ماصدق وطلقها

بعدين حكيت زوجي قلت له والله العظيم اني شفت احد يجري بسرعه في العمارة لابس عبايه قال مو عشان قللتك المووضوع قمتي وسوسوتي وتجلسين تتخيلين

قلت والله العظيم كنت بقلك بس مامداني دق جوالك على طول

الا زوجي زي الي احد صفقه كف !
وانا مررة خفت وبس اطالع ورا السيارة ههههه يقلي زوجي ايشبك تطالعين ورا قلت لا يكون بالسيارة دخل وانت مو حاس ههه قال لاياشيخه

المهم انو هزءني قال لا شوفك تخرجين الا بالمسدس في يدك

يابنات جلست اتخيل والله الا يومكم ذا واحنا نتذكر الموقف نقول يارب لك الحمد
يمكن لانو كنا متحصنين مو يمكن الا اكيد
سبحانك ربي ماعظمك

المغزا من موضوعي يابنات
طلبتكم تحصنو دايما
لاتدخلون اي حمام لو كنتي بتنفجرين روحي اي خبت او مكان مافي احد وسويها هناك
مع اني ماحب كذا بس مستحيل ادخل حمامات مهجوووووووووووورة ولا فيها محطه ولا اي شي

اذا مرة ادخلو حمامات تلاحظون في نااس براا وسيارات يعني في عالم في حركه

انتبهو لنفسكم والله الدنيا تخرع

اللهم اني استودعتك نفسي وبنتي وزوجي وامي وابوي واخواني واخواتي وكل من احبه ويحبنني واخواتي في مننتدى حواء بعينك التي لاتنام يارب العالمين
اللهم استرنا في الدنيا والاخرة يارب
قولو امين