تعالو اقولكم الموقف الي شفته برمضان في سنتر بوينت

السلام عليكم ورحمة الله وبركاته

موقف حصل لي برمضان الله يعيده علينا
الي حصل يابنات انه روحنا لسنتر بوينت انا و زوجي
طبعاً في رمضان مستنكر وجود البنات المزبرقات الي ماخلت لون ماحطته على وجهها ولا عطر الا وبخته على لبسها
لفتت نظرنا هالبنت واقفه مع واحد من العاملين سعودي كشخه سواليف وضحك يوصل صوتهم لاخر المحل المهم جاء ببالنا انها تشتغل هناك حتى زوجي علق وقالي شوفي هذا الي استفدناه من شغل البنات باماكن الاختلاط
الي صار بعد ما خلصنا واخذنا مكاننا بالصف عالكاشير والزحمة مووووت الله لايوريكم لقينا البنت واقفه بلخلف وتاشر للعامل الكشخه وهو ماسك وحده من الكاشيرات وياشر لها انتظري 
شغلنا كاميرات المراقبه انا وابو الشباب وزوجي يقول وش عندهم ذولا
المهم الفاجعه يابنات انه هالعامل ياخذ من مشتريات البنت قطعه وبدون مايحس الي قدامه يدخلها بفاتورته
طبعا برمضان تعرفون الناس كيف يشترون ب700 او600 مايلاحظ زيادة 100 او اقل علقطعه والله وهو يحاسب وانا وزوجي مبققين عيونا وست الحسن والجمال تلبس وتكشخ على حساب خلق الله زوجي حذر الي قدامه لانه اقرب واحد لنا والباقين الله يعوضهم 
الي يضحك ان الرجال انتبه اننا كاشفينه عطاه ابوالشباب نظرة مع تنفيصه يمين بالله شوي ويبول بسرواله هههههههه
تخيلو اننا وقفنا نحاسب وزوجي ماسك المشتريات ويعطيه قطعه قطعه يحاسب عليها وهو ما فتح فمه بكلمه بالعاده (بسرعه لو سمحت ومن ذا الهياط)
عاد نصيحة لا روحتو اي محل عدو قطع مشترياتكن واحسبو كم بتدفعون ولا تروحون تحطون كل الملابس عنده وهو يحاسب لا سلمو قطعه قطعه لاني اكتشفت ان الشعب السعودي ملعوب عليه وماكول حقه بقوة من هالحرميه حسبي الله عليه قلة ذمة وضمير و وازع ديني

لكم ودي
حبيm