السلام عليكم ورحمة الله وبركاته
اتمنى يعجبكم موضوعي :icon20:
هذي خلطة تستخدمها جدتي من يوم كانت صغيره الين ماتت الله يرحمها
والله والله والله يابنات ان بشرتها كانت بيضاء وصاااااااااااافيه ولا فيه نقطة سواد في ركبتها ولا اي مكان ثاني ... اقسم بالله انه ركبتها كانت تلمع كانها مرايه ...
وبشرتها مشدوووووووووووووودة
وعلى فكره تستخدمها اسبوعيا مع انها كانت مقعدة ماتمشي بس تطلب من خالاتي يسوونها لها <<< مدري وش عذرنا احنا اللي نتحرك
المهم وامي وخالاتي نفس الشي بس مو مثل جدتي لانهم ما استمرو عليها ....
تخيلو وحدة من خالاتي متييييينه والله ماعندها نقطة سواد او خشونه في ركبتها ما شاء الله مع انها حنطيه
بالنسبة لي استخدمتها 3 ايام بس ومره اسبوع بس ما استمر لان ايدي صارت صفرا وانا عندي دوام فما قدرت استخدمها وما احب البس القلفز
الحين اوريكم الخلطة وطريقتها :22:
كمية من : الحنا اليمنيه اللي تجي في كيس اخضر ومو شرط اهم شي انها تكون اصليييه + ملعقة او ملعقتين هرد(كركم) + تعجنينهم بزيت سمسم ظروري <<< وهو سر شد البشرة
تعجنينهم مع بعض لين تصير عجينه وسط مو سايله ولا ثقيله
وادهني جسمك فيها مو تخلينها لا لالالا افركي جسسمك فيها لين تنشف اللي على جسمك وكل شوي خذي كميه لين تخلص الموجوده اللي عندك
وتجلسين لين تنشف على جسمك والبسي ملابسك ونامي وغسليها الصباح
وهذي الخلطة تستخدمها العروس قبل زواجها لمدة شهرين وكمان اللي دوبها ولدت مدة الاربعين يوم
وعلى قولتهم ماتخلص هذي الفترة الا وتطلع الوحده كانها بيضه مقشورة :eek:
وفي الاخير ابي دعوة لجدتي بان الله يغفر لها ويرحمها ويجعل قبرها روضه من رياض الجنه امييييييين
موشرط تردون ادعو لها بظهر الغيب
يلزم عليك تسجيل الدخول أولًا لكتابة تعليق.
ماشاءالله الخلطة شكلها خطيرة ونتايجها أخطر
مشكوورة ماقصرتي والله يرحم جدتك ويسكنها فسيح جناته .!
مشكوورة ماقصرتي والله يرحم جدتك ويسكنها فسيح جناته .!
الصفحة الأخيرة
وبارك الله بك