السلام عليكم ورحمه الله وبركاته
اول شي انا نزلت موضوع قبل فتره عن حملي بكيس من دون جنين ويمكن بعضكم يتذكرني
وقلت لكم انهم كتبولي تنويم وما كان عندهم سرير
بس الحين اقولكم ايش الجديد اللي صار معي لان بعض الاخوات طلبو مني اطمنهم علي
هذا سلمكم الله يوم الثلاثاء الماضي دقو علي المستشفى قالولي لقينا سرير واخيرا بعد
اسبوع انتظار المهم اخذت قشي ورحت لهم وانا مافيني شي حتى الدم وانتم بكرامه له يومين موقف والرحم
مو مفتوح يعني رحت لهم وانا طبيعيه :)
دخلوني التنويم واول شي سووه اخذو مني تحليل دم ولا سوولي اشعه لانهم معتمدين على الاشعه اللي اخذوها قبل اسبوع
دخلت التنويم الساعه سته المغرب وبعد اسئله كثيره جوني الساعه وحده في الليل وانا في امان الله نايمه وغاطسه في عالم الاحلام
الا وهم يصحوني مدام قوم فيه يشرب حبوب وانا اطالع فيهم كذا:icon33:واقولهم وش هالحبوب قالو هذي عشان ينفتح الرحم ويعطوني ثلاث حبات مع بعض شربتها وصوموني وبعدها جاني مغص خفيف نمت وجوني الساعه خمسه الفجر
يعني بعد ثلاث ساعات واعطوني ثلاث حبات ثانيه وقالو اشربيها وشربتها وهم واقفين على راسي يتاكدون اني شربتها وانا مستسلمه:44:
الا ويزيد المغص بس قادره اتحمله شوي وانا مع الالم انام واصحى
المهم جوني الساعه ثمانيه الصباح واعطوني ثلاث حبات ثانيه واشربها وليتني ما شربتها ويزيد
على الطلق واقوم واحوس في الغرفه وحدي واتعصر وادعي ربي انه يفرج همي قعدت يمكن نص ساعه والطلق ورا بعضه ما في راحه فيه عرفت ان اللي في بطني خلاص بيطلع بعدين هدأ الالم ونمت شوي واقوم بعدين واروح الحمام الا ويطلع قطعه لحمه كبيره سبحان الله ما فيها اي اثر للجنين نهائيا اطالعها وانا متعجبه اشلون اللحمه ذي تكونت من غير طفل سبحان الله المهم بعدها شالوني لغرفه التنظيف على طول ويخدروني تخدير كامل وبعدها بساعه اصحا وبطني يوجعني وطلعوني غرفتي فوق وانا ماني مصدقه اني خلصت يا رب لك الحمد :icon28:
وبس والحين انا في بيتي بين عيالي الله يحفضهم لي
وهذي قصتي مع الاجهاض وترو اول مره اعرف انهم يسوون عمليات اجهاض في المستشفيات الحكوميه
دعواتكم لبنتي بالشفاء العاجل وان الله ييسر عمليتها مثل ما ربي يسر علي :26:
(عاشقة الحياة ) @aaashk_alhya_5
عضوة فعالة
يلزم عليك تسجيل الدخول أولًا لكتابة تعليق.
اوراق الزيزفون
•
حمد لله على سلامتك انا اجهضت في البيت سبحان الله وكان قطع دم كبيره يوووه ما انساه يارب تأجرنا والله يخلليك عيالك ويقوم بنتك بالسلامه وتنجح عمليتها
الحمد لله على سلامتك والله يعوضك بأحسن منه
وعقبال ما تفرحين بسلامة بنوتتك وتقوم بصحه وعافيه ياااااارب
وعقبال ما تفرحين بسلامة بنوتتك وتقوم بصحه وعافيه ياااااارب
الصفحة الأخيرة