تعالو اقولكم كيف حملت بعد انتظار طويييييل..

السلام عليكم ورحمة الله

انا عضوة جديدة .كنت اتابعكم من مدة طويلة جدا جدا خاصة ان زوجي رافض تماما اني

اشترك في المنتديات ..لكنه بعد ماشافني استفدت كثييييييييير منكم (الله لا يحرمني من

هالمنتدى الرائع)من الطبخ والتجميل والأدعية سمحلي اشترك.

المهم: (سامحوني ترى القصة طويلة بس لازم اقولها)

انا متزوجة من ثلاث سنين وقبل لاأحمل كنت متعلقة بالقسم هذابالذات يوميا ادخل عليه ..كنت

اقرا لهفة خواتي المحرومات مثلي واقعد ابكي وانا اقرا..احلم معاهم وهم يوصفون شلون

يتمنون يصير عندهم اطفال ويحضنونهم ويعطونهم من حنانهم...الخ اليييين قريت موضوع

هناكتبتة وحدة مااذكرها الله يجزاها كل خير وين ماراحت ووين ماجت وييسرلها ويسعدها

ويوفقها دنيا واخره عن الصدقة وخاصة حفر الابار وانها تصدقت وربي رزقها .مر علي

الموضوع ككل المواضيع ..

انا كملت السنتين وماحملت مع اني انا واختي الكبيرة تزوجنا في نفس الليلة من زوجي واخوه

هي حملت بعد 9شهور وجابت ولد وانا على مكاني ..

المهم بعدفترة وبعد مازاد الكلام علي ضاقت علي ..وصكت الدنيا بوجهي

تدرون وش سووويت؟؟؟؟؟؟









رحت وجمعت كل الذهب اللي عندي اي ولله كللللللله (لاتخافون مش كثير)

كان الذهب اغلى شي عندي لانه هديه من زوجي (طقم ذهب كبير..اساور عدد7..سلسال حلو

عليه اسمي ..طقمين صغار ذهب ابيض..)لكن قلت مافي اغلى من عيون النونو

وقلت لزوجي بيعه لي ابي اتصدق فيه .وافق زوجي ..جلست 3شهور وانا اقوله بيعه وهو

يقول لافضيت المهم سبحان الله مرة الحيت عليه يبيعه لي كانت بكرة موعد الدورة قلت يمكن

ربي يرزقني وماتجي العله ...كالعادة صرفني ..ولله دمعت عيوني من القهر سكت قلت خيره

الشهر الجاي ..من بكرة نزلت علي الدورة..وقال يالله هاتي الذهب ابيعه لك ..باعه لي تدرون كم

جاب لي (هو سالني كم توقعين يجيب قلت مادري يمكن500 انا ماعرف اسعار الذهب ولاهو)

توقعون كم؟؟؟










5000 ايوه خمسة الالاف ريال ..

اناماصدقت حتى زوجي استغرب وقال ماعندك سالفة..بصراحة تفاجأنا


قلت ماراح المس منهم ولاريال واحد..والحين توديهم الجمعيه الخيرية تتبرع بحفر ابار

وداهم زوجي وجابلي الايصالات

الخلاصة.. تدرون الدورة اللي بكيت فيها يوم ماباعلي الذهب .. كااااااااانت اخر دورة لي

ليومكم هذا..الشهر الثاني واناحاااااااااامل..ماصدقت ربي استجاب لي ورحمني فرحت فرح

ماتتصورونه حتى زوجى جلس فترة مو مصدق..نسييت اقول اني طول السنتين وانا ادعي

واصلي اخر الليل اللهم لك الحمد على نعمتك..والحين عندي ولد عمره 6شهورجالس معاي

يطالع في الشاشة الله يخليه لي..اسفة طولت عليكم كثييير..لكن اقولكم لاتتركون الدعااااااااء


والله يرزق كل من تتمنى.

سامحوني..وتصبحون على خيييير:time::27: :40: