تعالو اقول لكم فايدة الخروع والضرر منه

انا الله يسلمك كنت في التاسع وتعبانه ورحت للدكتورة
وقالت لي مفتوح 2سم
ورجعت البيت وفكرت واستشرت اني اخذ خروع عشان اولد
وراح زوجي شرى لي بنكهة التوت
وشربت منه فنجان قهوة وبعده شربت نعناع مع حلبه
وسويت حليب وحليته بعسل
كانت الساعه 2قبل السحور
وبعدها بشوي اخذت دش دافي
وبعد
نص ساعه بدأ عندي اسهال الله يكرمكم
الين الساعه 7بدأ مغص طلق واروح الحمام وماينزل شي
الين الساعه 8زاد الالم
ورحت المستشفى
وهو مفتوح الرحم 3سم
وجلس الالم يزيد والرحم مافتح
اعطوني مهدأ وماراح الالم
كان يزيد وانا اتعذب واقول في نفسي توبه ماعاد اخذ خروع
وجالسه استغفر واقول الادعيه
الين الساعه واحدة ونص شافت وقالت 5سم وودتني غرفة الولادة
وفتحت كيس المويه
واساعة 2احس بضغط واقول لها البيبي بينزل وشافت وقالت لا خذي نفس لاتدفين
وانا احا ول
اخذ نفس والبيبي هو يدف نفسه من غير ماادفه وشويه اصيح وازهمها وهي تحسب اني غلطانه الا تجي تفتح الشرشف من فوقي الا والبنت متزحلقه
والله قاعدة اتخيل لو كنت في البيت والا في الحمام والاكنت قاعدة امشي كانت طاحت في الارض سبحان الله الوحيدة في اولادي مادفيت ولا تعبت في الدف سبحان الي سهل ولادتها المهم انا شكيت ان الزيت زحلقها يمكن صح والاغلط
وشي ثاني باقول لكم عليه انا من بدايه التاسع اخذت عسل اصلي وكنت احلي الحليب والحلبه واي شي اشربه فيه والحمد لله بنتي الوحيدة اللي مافيها صفار عيالي كلهم يجيهم صفار وهي الحمد لله مافيها شي